Новости за 15.11.2022

«Татавтодор» җәмгыятенең «Кукмара» юл төзелеш-ремонт участогы райондагы 400 чакрымнан артык юлга, ә «Чиста шәһәр» оешмасы Кукмара шәһәрендә 125 урамга хезмәт күрсәтә.

Әлмәт районы башлыгы Тимур Нагуманов үз командасы белән кабат Казанга мобилизацияләнгән егетләр янына барды. Шунысын да билгеләп үтәргә кирәк, башкалага мондый сәфәрләр инде традициягә әйләнде һәм беренче чиратта районның хәрби рухына, тугандаш ширкәтенә, бердәмлегенә ярдәм итү өчен оештырыла. Бу хакта Әлмәт муниципаль районы башлыгының матбугат хезмәте хәбәр итә.

Чаллыда бушлай кер юу урыннары ачылырга мөмкин. Бу хезмәттән матди яктан зур авырлыклар кичергән шәһәрдә яшәүчеләр файдалана алачак. Биредә керләрне юып кына түгел, киптереп һәм үтүкләп дә бирәчәкләр.

Алабугада балалар Ленин мәйданында урнаштырылган каретаның түбәсен сындырып алган. Аларны видеокамералар төшереп алган.

«Азнакай урманчылыгы» оешмасы Чатыртау һәм Сарман кишәрлекләре хезмәткәрләре Азнакай шәһәренең 1нче урта мәктәбенә караган «Березка» мәктәп урманчылыгында һәм Сарман урта мәктәбенең «Юные лесоводы» мәктәп урманчылыгында тәрбияләнүчеләр өчен «Песнәкләр көне» дигән тематик чаралар үткәргән.

Быел 15 октябрь көнне АКШның Нью-Йорк шәһәрендә Русия консуллыгы каршында Хәтер көне узды. Аны Нью-Йоркта яшәүче Иршат Хәби оештырды. Аңа кадәр ул Әсир милләтләр атналыгында шул ук Русия консуллыгы каршына "Татарлар – кол түгел! Татарстан – Русия түгел!" дигән шигар күтәреп чыккан иде.