Новости за 21.11.2022

Ноябрь аенда Казанда юристлар белән бушлай консультацияләр узачак. Белгечләр шәһәрлеләрне «Игелекле эшләр көне» хәйрия фонды бүлегендә кабул итәчәк.

Әгәр дә дәваланмасаң, шикәр чире иң катлаулы авыруларга китерергә мөмкин: күз, бөер, кан тамырлары. Кан глюкозасын контрольдә тотарга кирәк. Бу авыру шулай ук нерв һәм йөрәк-кан тамырлары системаларына куркыныч тудыра. Бу хакта Кызыл Чишмә бистәсе урта мәктәбе педагогларына «ЦОЗ һәм МП» Дәүләт сәламәтлекне саклау автоном учреждениесеның медицина профилактикасы буенча табибы Диләрә Нуриәхмәтова сөйләде.

Мобилизацияләнгәннәрнең гаиләләре 20-25 ноябрьдә Казанда узачак «Дуслык уеннары» халыкара йөзү ярышларының II этабын бушлай карый алачак.

Баулы районының Өченче буын университетында яңа уку елы башланды. Хәзерге вакытта биредә, компьютер грамоталылыгы нигезләрен өйрәнү өчен, яңа төркем тупланган.

Алабугада мәктәп укучылары арасында «Күңелле стартлар» муниципаль эстафетасы дәвам итә, аның лидерлары һәрберсе 1,5 миллион сум алачак. Узган сезонда җиңүчеләр исә алынган грант акчаларын файдаланганнар инде. Бу турыда «Алабуга нуры» хәбәр итә.