«Күз яшьләрсез карап булмый»: хәрби үзен 10 ай буе көткән сабые белән очраша
Башкортстан Республикасының Агыйдел шәһәрендә яшәүче Елена Шәрәфетдинова социаль челтәрдә хис тулы видео урнаштырган. Видеода хәрби операциядән кайтучы әти кеше сабые белән очраша.
Елена үзенең аккаунтында ирен махсус хәрби операциядән зарыгып көтүе турында яза. «Якты киләчәккә ышанам», – ди ул.
Әлеге видео бик күп күңелләрнең нечкә кылларын тибрәткән.
«Үзем дә елап җибәрдем. Тизрәк барысы да бетсен, балалар үз әти-әниләре белән булсын»;
«Барлык әтиләр дә балалары янына үз өйләренә кайтсын. Безнең дә әтиебез махсус хәрби операциядә»;
«Мин сезне белмим, ләкин бу тарих минем күңелемә тиде. Ирегезне һәм әтисен фәрештә саклап торсын»;
«Аллам, безнең геройларыбызга рәхмәт, яу кырында аларга ярдәм ит. Без сезнең белән»;
«Күз яшьләрсез карап булмый», – дигән сүзләр язып калдырганнар бу видеоны күрүчеләр.