Новости за 25.02.2024

Фирдүс Тямаев төркемендә эшләүче шагыйрь Рүзәл Минһаҗевка ашыгыч рәвештә операция ясаганнар. Рүзәл инде наркоздан айныган, хәле яхшы. Ул авыр вакытта ярдәм кулы сузган дусты Фирдүс Тямаевка һәм хәлен белешеп торган барлык дусларына рәхмәт сүзләре җиткерә.

Дан-шөһрәт казану өчен генә әллә нинди биеклекләргә үрләргә теләүчеләр бар, юкны бар итеп мактаулы исемнәр артыннан куучылар күп. Чыпчык тезеннән булган эшен дә зур итеп күпертеп, Интернет челтәрләренә куючылар бихисап... Кызыклы да, сәер дә заманда яшибез шул. Ә кешеләрнең чын хөрмәтен, чиксез рәхмәтне яшәүнең һәр көнен яратып, табигый тормыш белән яшәүче, башкалар өчен җанатучылар, яхшылык эшләргә ашыгучылар, гүзәллеккә омтылучылар яулый. Сез минем белән килешәсезме?

Түбән Тагилда күптән түгел генә бала тапкан хатын хастаханәдә үлгән. Ул хастаханәдә баласы белән яткан. Хатыны үлгәнен хәбәр иткәч, ире шок хәлендә булган. Бу турыда «Комсомольская правда» яза.

Элек төрле җырчыларның төркемнәрендә эшләгән музыкант, автор-башкаручы Илфир Искәндәров үзенең тормыш иптәше Марсилә Искәндәрова белән концертлар куеп йөри. Сәхнәгә тәүге адымнарын яшьләр төрле район-авыллардан башлады.

Шушы көннәрдә җырчы Ришат Төхвәтуллин үзе өчен гадәти булмаган туйда катнашкан. Кияү егете Алмаз үзенең булачак кәләше белән Ришат Төхвәтуллин концертына барганда юлыккан авариядән соң танышкан.

«Интертат»ның «ВКонтакте» аккаунтында туры эфирда уза торган «Әйтер сүз» рубрикасының чираттагы кунагы танылган журналист, Татарстанның атказанган мәдәният хезмәткәре Рәшит Минһаҗев булды. Әңгәмә татар матбугаты, цензура, әби-бабайларның оныкларын тәрбияләү турында булды.

Озак вакытлар сәхнәдән югалып торган Сәгыйть Гыйбашев иҗатка әкрен генә яңадан кайтып килә. Соңгы елларда җырчы төрле концертларда күренә башлады, ялгышмасак, берничә җыры да дөнья күрде кебек. Шулай җырчы үзен популяр иткән, күпләр сүзләрен яттан белгән хит – «Әниемнең туган көне» җырын яңарткан.

Россия балаларын Абхазия, Белоруссия, Казахстан, Кыргызстан, Көньяк Осетия чикләреннән алып чыкканда туу турында таныклык кына җитми. Анда Россия гражданлыгы турында тамга булырга тиеш. Бу турыда РИА Новости чик буе идарәсенең матбугат хезмәтенә сылтама белән хәбәр итте.

25 февральдә Татарстанда алмашынучан-болытлы, явым-төшемнәрсез һава торышы була. Көньяктан 5-10 метр тизлектә җил. Төнлә һава температурасы -11..-16˚, аязганда -19..-24˚, көндез -4..-9˚ градус. Юлларда бозлавык.

Алсу һәм Азат Фазлыевлар гаиләсендә сөенечле вакыйга – алар икесе дә Татарстан Республикасы мәдәният министрлыгының «Мәдәнияттәге казанышлары өчен» билгесе белән бүләкләнгәннәр. Мактаулы бүләк Азат Фазлыевның Казанда узган беренче концертында тапшырылган.

Стилистларга кемнәр мөрәҗәгать итә, модалы киенү өчен күпме акча кирәк һәм алдагы язда ниләр модада булачак? Болар хакында стилист-имиджмейкер Лилия Давыдова сөйләде.

Үз гомерендә бер генә мәртәбә булса да һәр кешенең дәваханәгә эләккәне бардыр. Кемгә – ничек, миңа анда бер дә күңелсез түгел. Нигә дисәң, кешеләр дә төрле-төрле туры килде. Һәммәсе дә үзенә бертөрле, төрле холыклы. Табиблар да үзенчәлекле.

Чәй табынына лимоннан тәмле һәм витаминлы кайнатма әзерләп кую вакытны күп алмый.

Башкортстан җырчысы Ләйлә Галиева «Гомер савытлары» җырының премьерасын тәкъдим итте. Яңа җырны барлык музыкаль мәйданчыкларда тыңларга була.

Омск өлкә суды 51 яшьлек ир-атны хатынын вәхшиләрчә үтергән өчен 14 елга ирегеннән мәхрүм итте. Ир хатынын хыянәт итә дип шикләнә. Бу турыда «Вести» каналы хәбәр итте.

Язучылар берлегенең уңайлы гына микроавтобусына утырып юлга кузгалдык. Түбән Кама шәһәренең милли бренды булган «Җидегән чишмә» әдәби-музыкаль берләшмәсе быел беренче очрашуын шагыйрь Рүзәл Мөхәммәтшин белән үткәрә. Сүз уңаеннан, икенчесен популяр эстрада җырчысы Фирдүс Тямаев белән үткәрәчәк.