Новости за 29.02.2024

Ильмира Нәгыймованың «Йөрәгең ялкыннары» җыры музыкаль мәйданчыкларга чыкты. Җырчының иҗатын яратучылар премьера белән котлаган һәм «ниһаять» дип куанган.

«Зәй-информ»нан Адилә Борһанова һәм Юлия Казамарова махсус хәрби операциядәге хәрбиләр өчен дисбеләр ясаучы Назыйм Минһаҗев турында репортаж төшергән.

Алып баручы, җырчы Мөнир Рахмаев хатыны Илсөярнең өр-яңа фотосессиядән «кайнар» фотолары янында калдырылган бер комментарийга җавап биргән. Чөнки: «Ой, нинди хатын-кыз», «Бу нинди тигрица», «Ракета, бомба, петарда», «Син – алиһә», «Журнал тышлыгынннан төшкән кебек», – дигән уңай комментарийлар янында бер ир-егет: «Маймыл», – дигәнен дә язып калдырган.

Башкортстанның Иглин авылында яшәүче гаиләдә канлы фаҗига була. Ир хатынын вәхшиләрчә кыйный, үтерү белән яный, чүкеч белән суга. «Бөтен өй канда була», – дип яза «Башинформ».

Җырчы Иркәнең ире Артур махсус операциядән чираттагы кыска вакытлы ялга кайткан. Бу хакта Иркә үзенең социаль челтәрдәге сәхифәсендә хәбәр итә. Ул сторисларына ире Артурның фотосын куеп: «Кайтты», – дип язган һәм «Минем янымда кал» дигән юллар булган «Ян» җырын куйган.

1 мартта Татарстанда алмашынучан-болытлы, явым-төшемнәрсез һава торышы була. Көньяк-көнбатыштан уртача тизлектә җил. Төнлә һәм иртән һава температурасы -5..-10˚, аязганда -15˚ , көндез +1..-3˚ градус. Юлларда бозлавык.

Мәҗлес өстәле артына кереп утырдык. Урыным бу юлы да җирле үзидарә рәисе Күпкәнский, хуҗалык җитәкчесенең урынбасарлары тирәсенәрәк туры килде. Каз ите җитештерү калхузы (заманча итеп «агроферма» диик инде) рәисенең хатыны туган бүген. Табынның муллыгыннан күзләр камаша, кайсы ризыкка карап сокланырга белмәссең. Мәсәлән, менә монысы – бар кешенең дә игътибарын үзенә тартып торган кабымлык – чак кына ялтырап, җиңелчә генә «тирләп» торган какланган каз. Җитмәсә, аның сәнгать әсәренә тиң итеп бизәлеп табынга бирелүен кара. Читать дальше...

Юморист Рамил Шәрапов социаль челтәрдәге сәхифәсендә язылучылары белән махсус хәрби операциядәге классташына акчалата ярдәм иткән иде. Артист бу юлы да алгы сызыктагы хәрбиләргә ярдәм сорап халыкка мөрәҗәгать итте.

Азат Фазлыев бу көннәрдә Казан һәм Чаллы шәһәрләрендә узган сольный концертларында челтәрле бизнес продукциясенә реклама ясаган. Продукция салынган кечкенә пакетларны үзенә чәчәк бирергә менгән тамашачыларына да өләшкән. Бу хакта «Иптәшләр. Татарлар» Телеграм-каналының «Безгә язалар» рубрикасына концертны карап кайткан «подписчик»лары хәбәр иткән.

Гаилә елында Казанда «Әниләр һәм бәбиләр» проектының чираттагы концерты узды. Анда 5 гаилә – Лилия Муллагалиева һәм Илсур Гыймадиев, Гөлназ һәм Илсур Шәрипҗановлар, Илназ Баһ һәм Гүзәл Идрисова, Зәмирә һәм Максим Куприяновлар, Айгөл һәм Ришат Шәйхетдиновлар катнаша.

Җырчы Ильвина социаль челтәрдәге сәхифәсендә алма галетасының рецепты белән уртаклаша.

Башкортстан Башлыгы Радий Хәбиров татар җәмәгатьчелеге белән очрашты. Бу очрашуда яңгыраган фикерләр хакында Башлыкның рәсми сайты язып чыкты. Очрашуда булучыларга карата тәнкыйть сүзләре яңгырады, ни өчен әһәмиятле мәсьәләләр кузгатылмады, дип яздылар. «Интертат» очрашуда булмаучыларның да, булучыларның да фикерләрен тыңлады.

Башкортстан җырчысы Әнвәр Нургалиев социаль челтәрдәге сәхифәсендә 2 улын берүзе үстерүче Фирзәт турында сөйләгән иде инде. Хәзер җырчы язылучыларына бу гаиләгә ярдәм итүне сорап мөрәҗәгать итте.

Яман гадәтләрдән арыну өчен дога «Хозур» нәшрият йорты «Дин вә мәгыйшәт» редакциясенең «Ислам турында татарча, аңлаешлы итеп язабыз» телеграм-каналында чыкты. Әлеге хәбәрдә болай диелә:

Татар эстрадасына яңалык булып килеп кергән Альберт Вәлиуллин актив иҗат итә. Яңа җырлары музыкаль мәйданчыкларга чыгып тора. Җырчы чираттагы премьерасын – «Гомер агымсу» җырын тәкъдим итте.

Һиндстанга Россиядән килгән турист хатынга фил һөҗүм иткән. Туристның аягы сынган. Бу турыда РЕН ТВ хәбәр итте.

Илсөя Бәдретдинованың Екатеринбургта концертлары узды. Тамашачы киләчәктә яраткан җырчыларын парлы итеп күрергә тели.

Азнакайда туып-үскән татар кызы Роза Гадиева Ливанда узган «Мисс Европа – 2024» бәйгесендә җиңүче титулына лаек булды. Бәйгедә булган вакыйгаларны, җиңүченең уй-кичерешләрен, бүтән илләрнең Россиягә карата мөнәсәбәтләрен «Интертат» өчен Россия Ислам институты студенты Эльза Минашаева ачыклады.