د بلوچستان په سنځاوۍ کې د شپږو لېویزوالو د وژنې پرضد احتجاجي ناسته د اپرېل پر درېمه هم دوام لري. پرلتوال له حکومته غوښتنه کوي چې په هغه پيښه کې غفلت کونکې چارواکې ګوښه کړل شي او که چرې حکومت دا کار ونکړ نو د سنځاوۍ ټولۍ لارې بندوي.
خبریال ذاهد حسین په نیوزویک مجله کې په یوه مقاله کې لیکلي چې په پاکستان کې د پوځ سیوری د قامي ورځو نمانځلو نه واخله تر فلم، سندرو، کرکټ او میډیا تر څنګ د ټولنې او کلتور په ټولو اړخونو خور شوی دی، چې د هیواد د استحکام او قامي یووالي لپاره ښه علامت نه دی.
په پاکستان کې له ماشومانو سره د جنسي تشدد پېښو ثبتولو غير سرکاري ادارې ساحل په خپل یوه تازه راپور کې ويلي دي چې د ۲۰۱۷ز کال په پرتله په ۲۰۱۸ز کال کې له ماشومانو سره په جنسي تشدد کې ۱۱ فيصده اضافه شوې ده او هره ورځ له لسو زيات ماشومان جنسي تشدد ښکار کېږي.
د پاکستان د بېلا بېلو سیمو استادان په اسلام اباد کې پر احتجاجي پرلت دي او له حکومته غوښتنه کوي چې نوکرۍ دې یې پخې کړي او تنخاګانې دې یې هم سیوا کړي. د نېشنل کمېشن فار هیومین ډویلپنټ ادارې تر سیوري لاندې دا استادان وايي د شاته پاتې سیمو لکونو ماشومانو ته زده کړې ورکوي خو حکومت يې هېڅ غم نه خوري. د مشال راډيو همکار عمران یونس یې ویډیو راپور تیار کړی.
حجره د پښتني کلتور يوه ارزښتناکه ستن ده چې پښتانه پکې خپل کلتور ژوندۍ ساتي، خپلې جرګې مرکې هم دلته هواروي. که څه هم د سوات په شموزو خزانه کې یوه لرغونې حجره لاهم د ولس د راټولېدو یوازنۍ وسیله ده خو د دې دېوالونه او ستنې نور د دې جوګه نه دي چې تر چتر لاندې یې غونډې او مرکې وشي. د کلي ولس له سرکاره د دغې حجره په همدغه بڼه کې د بیارغولو غوښتنه کوي. نيازاحمد خان یې ويډيو راپور کښلی
د خېبر پښتونخوا حکومت وايي، د پېښور د چټک بس په پروژه یا (بي آر ټي) کې د بدانتظامۍ له کبله يې د ټرانسپورټ څانکې او د پېښور د پرمختیايي اداری ډایریکټر جنرل د خپلو څوکیو څخه لیری کړي دي او د نورو ذمه وارو کسانو پرضد پلټنې روانې دي.
د پاکستان وفاقي حکومت د نهې په ورځ د وزیر اعظم عمران په مشرۍ د کابینې په غونډه کې د قبایلي ضلعو د پرمختګ او د لېویز او خاصه دارو د مسلو هوارولو لپاره د ۵۷ اربو روپیو اعلان کړی
ولسمشر ټرمپ د ناټو له منشي سره په یوه غونډه کې چې خبریالان هم وربلل شوي وو، په افغانستان کې له پرمختګونو خوښي وښوده.
د اپريل پر څلورمه نېټه به د ځمکني ماينونو په اړه د پوهاوې د خپراوي نړيواله ورځ وي. ملګري ملتونه وايي چې ځمکني ماينونو لاهم د افغانانو ژوند له خطر سره مخامخ کړی دی. د دوی په وينا د ۲۰۱۲ م او ۲۰۱۷ م کال په موده کې په افغانستان کې د ماينونو د قربانيانو شمېر پنځه چنده زيات شوی دی.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости