Новости за 08.08.2020

د افغانستان د لسیزو جګړو ځپلې ښځې وایي له جنګه ستړې دي او سوله غواړي. دغو مېرمنو چې د سولې مشورتي لویه جرګه کې یې ګډون کړی وایي حاضرې دي چې د کورنۍ د قرباني شویو غړو وینې وبخښي، خو په دې شرط چې دایمي سوله راشي. نور حال د لېمه هادي په راپور کې.

د لویې جرګې مشر عبدالله عبدالله وویل، د طالب بندیانو د خلاصون په اړه د جرګې د غړو له موافقت او د دغو بندیانو له خوشې کېدو وروسته به د درې ورځو په لړ کې بین‌الافغاني خبرې په قطر کې پیل شي. بلخوا د روغتیا وزارت وایي د جرګې ۱۷ غړي په کرونا ویروس اخته دي. نور حال فېروزه عزیزي بیانوي.

ټرمپ په یوه خبري غونډه کې هغو دلایلو ته هم اشاره وکړه چې پر اساس‌یې د ده په وینا دا درې هېوادونه‌یې د بریالیتوب مخالف دي.

څه باندې څلور میاشتې وړاندې دغه هېواد د کرونا ویروس د خورېدو د مخنیوي لپاره دغه الوتنې ځنډولې وې.

د سولي مشورتي لویه جرګه پرون په کابل کې پیل شوه او تمه ده تر سبا دوام وکړي. دغه جرګه خپل مخالفان او پلویان لري. هیلۍ اسد له یو شمیر کابل ښاریانو څخه پوښتلي چې ولي له لویې جرګې سره مخالف یا موافق دي؟

په دې الوتکه کې هغه هندي مسافر له دوبۍ څخه هند ته روان ول چې د کرونا ویروس له کبله د نړۍ په بېلابېلو سیمو کې بند پاتې شوي ول.

جانان ماما چې د غزني ولایت اوسېدونکی دی وايي چې د غبرګو زامنو له وژل کېدو وروسته‌یې د شپېلۍ غږولو ته مخه کړې او ارمان لري چې افغانستان ته تل‌پاتې سوله راشي. حبیب‌الرحمان تأثیر یې په اړه دا راپور چمتو کړی.

وسله‌والو طالبانو هم وړاندې ویلي وو چې د دوی ټول پنځه زره طالبان خوشې شي، نو په درېیو ورځو کې به له حکومت سره د سولې خبرو ته کېني.

ښاغلي جامي د شنبې په ورځ «۱۳۹۹ کال د زمري ۱۸» ازادي راډیو ته وویل، دغه کسان له نورو جلا کړای شوي دي.

د ملي مصالحې عالي شورا مشر عبدالله عبدالله چې د مشورتي لویې جرګې مشري هم کوي نن وویل، د بین الافغاني مذاکرو په وړاندې یو خنډ د پاتې ۴۰۰ طالب بندیانو خوشې کېدل دي. هغه زیاته کړه، چې د جرګې په مشوره که دا بندیان خوشې شي، په درېیو ورځو کې به بین الافغاني مذاکرې پیل شي.

ځیني وايي چې د طالبانو ازادېدل به د سولې دروازه پرانیزي، خو یو شمېر نور بیا وايي چې د دوی ازادېدل له سولې سره هېڅ مرسته نه‌شي کولای.

د بیروت بندر د سه شنبې په ورځ د یوې خونړۍ چاودنې شاهد و چې په کې نژدې یوسلو څلوېښت کسان ووژل شول او د د بیروت ښار ځېنې برخې یې ویجاړې کړې.

ایټالیا یو له هغو هېوادونو دی چې د کرونا وبا د خپرېدو د پیل پر مهال تر ټولو زیات ځپل شوی.

د دې ولایت باغ لرونکي له حکومت څخه د پستې د روزنې په برخه کې د همکارۍ غوښتنه لري، څو لا ښه محصولات واخستلی شي.

د هرات د والي ویاند جیلاني فرهاد آزادي راډیو ته وویل چې د ملي امنیت ځواکونو لخوا دا توغندی په تیروتنې ویشتل شوی دی.

د دفاع وزارت په یوې اعلامیې کې چې نن شنبه خپره شوه راغلي چې د طالبانو یوې ډلې د بلخ ولایت د بلخ ولسوالۍ په «وزیرآباد» سیمه کې د برید پلان درلود چې افغان هوایې ځواکونو یې مخه ونیوله.

د مصالحې عالي شورا مشر عبدالله عبدالله چې ددې جرګې مشري هم کوي، وویل چې د پنځوسو کمېټو ګډونوال تر ډېره موافق دي چې دغه کسان دې جګړو ته د بېرته نه تګ د تضمین په بدل کې خوشې شي.

هشت صبح دا جرګه نمايشي بللې او لیکلي يې دي چې دا جرګه یوازې د دې لپاره جوړه شوې چې د حکومت په پرېکړو د تایید مهر ولګول شي.

ساینسپوهانو له فضا څخه په اخیستل شویو تصویرونو کې په انتارکتیکا کې د پنګوینونو څو نوې ډلې موندلي دي چې مخکې له دې نه وې لیدل شوې.

د امریکا د بهرنیو چارو وزارت تېره شپه په یوه اعلامیه کې وویل، چې مایک پومپیو او د هغه پاکستاني ساري شاه محمود قریشي د نورو موضوعاتو تر څنګ د افغانستان د سولې په پروسه کې د امریکا او پاکستان د همکارۍ پر اهمیت بحث وکړ.

عبدالله عبدالله، چې د درې ورځنۍ مشورتي لویې جرګې مشري هم کوي، پرون ناوخته له ملي ټلویزیون نه په مرکه کې وویل، له مېرمن روشن سره شوي چلند خواشیني کړی دی.

په مسابقو کې به د دغو اتو ولایتونو ټیمونه په خپلو کې مسابقه کوي، چې پایلوبه یا نهايي مسابقه به یې په کابل کې وشي.

د تېرې سې شنبې په هغه چاودنه کې د مړو شمېر لږ تر لږه ۱۵۴ ته رسېدلی او د بروت زیاتې برخې تخریب شوي دي.

د بشري حقونو هغې ډلې چې دغه کسان یې غړي دي پرون وویل، چې څارنوال د دغو درېیو فعالانو لپاره له ۱۸ میاشتو تر درېیو کلونو د بند سزا غوښتنه کړې ده.

د حکومت د پروني امر دلیل لا روښانه نه دی، خو ګڼو کسانو چې دولتي کارکوونکي دي د نوم نه ښوولو په شرط ازادۍ راډیو ته ویلي، دا امر د میاشتنیو معاشاتو د اخیستو پر وخت صادر شوی، چې حکومت ته د کارکوونکو له معاشونو د دغو لګښتونو د ګرځولو چاره اسانه کوي.