პოლიციამ დააკავა ყოფილი ცოლის დაჭრაში ბრალდებული
პოლიციელებმა ყაზბეგში დააკავეს ყოფილი ცოლის დაჭრაში ბრალდებული პირი. შინაგან საქმეთა სამინისტროს ინფორმაციით, გამოძიებამ დაადგინა, რომ 1973 წელს დაბადებულმა პირმა თბილისში, ხოშარაულის ქუჩაზე, სიტყვიერი შელაპარაკებისა და მუქარის შემდეგ ყოფილი ცოლი ცივი იარაღით დაჭრა და შემთხვევის ადგილიდან მიიმალა. დაჭრილი ქალი საავადმყოფოში მოათავსეს და მის სიცოცხლეს და ჯანმრთელობას საფრთხე აღარ ემუქრება. შემთხვევა 11 თებერვალს მოხდა. გამოძიება მიმდინარეობს ჯანმრთელობის განზრახ მძიმე დაზიანების ფაქტზე, რაც 3-დან 6 წლამდე პატიმრობას ითვალისწინებს.