კარტოგრაფების ადვოკატები მოწმეთა სიაში ელენე ხოშტარიას დამატებას ითხოვენ
კარტოგრაფების საქმეზე გამართულ სასამართლო სხდომაზე ბრალდებულების ივერი მელაშვილისა და ნატალია ილიჩოვას დაცვის მხარემ სასამართლოს შუამდგომლობით მიმართა და სთხოვა, მტკიცებულებებს დაემატოს მოძრაობა "დროას" მიერ მომზადებული გამოძიება ამ საქმის მნიშვნელოვანი მოწმისა და მტკიცებულებების რუსეთიდან საქართველოში ჩამომტანის, დავით ხიდაშელის შესახებ, მოწმეთა სიას კი - ელენე ხოშტარია, რომელიც გამოძიებაში საუბრობს ხიდაშელის რუსულ სპეცსამსახურებსა და დანაშაულებრივ რეჟიმებთან კავშირებზე. გამოძიება დავით ხიდაშელის შესახებ ელენე ხოშტარიამ 26 მარტს გამოაქვეყნა.