ҚР Президентінің Жарлығымен Әл-Азһардың Жоғарғы имамы мен Мысыр Парламенті Сенатының Төрағасы марапатталды
КАИР. ҚазАқпарат - Мемлекет басшысы Қасым-Жомарт Тоқаевтың Жарлығымен екі ел арасындағы ынтымақтастықты нығайтуға үлкен үлес қосқаны үшін Мысырдағы Әл-Азһардың Жоғарғы имамы шейх Ахмед ат-Тайеб І дәрежелі «Достық» орденімен және Мысыр Парламенті Сенатының Төрағасы Абдель Уахаб Абдель Разек ІІ дәрежелі «Достық» орденімен марапатталды. Бұл туралы Президент тапсырмасы бойынша Мысырда Бейбарыс сұлтан мешітінің ашылу рәсіміне қатысқан ҚР Парламенті Сенатының Төрағасы Мәулен Әшімбаев мәлім етті, деп хабарлайды ҚазАқпарат.