Гиппократ антына адал болу үлкен жауапкершілік жүктейді – төрт буынға жалғасқан дәрігерлік династия өкілі
АЛМАТЫ. ҚазАқпарат- Дәрігер – үлкен жауапкершілікті қажет ететін мамандық. Қызығы мен қиындығы қатар жүретін салада абыройлы еңбек етіп, науқастардың алғысына бөленіп жүрген дәрігерлер династиясы баршылық. Солардың бірі Төлеутаевтар отбасы. Төрт буынға жалғасқан дәрігерлік кәсіпті кардиохирург, кардиолог, онколог, торокалды хирург, педиатр, жалпы тәжірибе дәрігері жалғастырып келеді. Медицина қызметкерлерінің күні қарсаңында, «ҚазАқпарат» тілшісі Төлеутаевтар отбасынан шыққан дәрігер Кардиология және ішкі аурулар ҒЗИ жасанды қан айналымы және операциялық блогымен зертханасы бар кардиохирургия бөлімшесінің меңгерушісі, хирургиялық қызметтің басшысы, медицина ғылымдарының кандидаты Рүстем Төлеутаевпен сұхбаттасты.