Жазушы рухына құрмет жасалды
Облыс руханиятына өлшеусіз еңбек сіңірген ерен тұлға, жазушы, Қазақстан республикасының еңбек сіңірген мәдениет қызметкері, халықаралық «Алаш» әдеби сыйлығының лауреаты, Жамбыл облысының Құрметті азаматы Әлдихан Қалдыбаев тұрған үйге БАҚ өкілдерінің төл мерекесі қарсаңында момериалдық тақта орнатылды. Ескерткіш тақтаны Тараз қалалық мәслихаттының төрағасы Кенжебек Олжабай, жазушы Елен Әлімжан, Әлдихан Қалбыбаевтың асыл жары Бану Тасболатова ашты. Зиялы қауым […]
Сообщение Жазушы рухына құрмет жасалды появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.
Облыс руханиятына өлшеусіз еңбек сіңірген ерен тұлға, жазушы, Қазақстан республикасының еңбек сіңірген мәдениет қызметкері, халықаралық «Алаш» әдеби сыйлығының лауреаты, Жамбыл облысының Құрметті азаматы Әлдихан Қалдыбаев тұрған үйге БАҚ өкілдерінің төл мерекесі қарсаңында момериалдық тақта орнатылды.
Ескерткіш тақтаны Тараз қалалық мәслихаттының төрағасы Кенжебек Олжабай, жазушы Елен Әлімжан, Әлдихан Қалбыбаевтың асыл жары Бану Тасболатова ашты.
Зиялы қауым өкілдері жазушыны бір сәтке еске алып, естеліктерімен бөлісті.
– Бүгін ерекше күн. Бұқаралық ақпарат құралдары күні мерекесі қарсаңында журналистика саласының ардагері болған, қазақ әдебиетіне олжа салған қайраткер Әлдихан Қалдыбаевқа ескерткіш тақта орнатылып отыр. Әлдекеңнің қазақ әдебиетіне берген олжасы өте көп. Ұлттық құндылықтарды көп насихаттады. Сондықтан, бүгінгі іс-шараға жазушыны білетін замандастары, ардагерлер, жазушының шәкірттері, жақындары өте көп жиналды. Жазушының отбасын бүгінгі ескерткіш тақтаның ашылуымен құттықтаймын. Алдағы уақытта да Әлдихан Қалдыбайұлы оны білетіндердің жүрегінде жүреді. Ғажайып тұлғаның пейіште нұры шалқи берсін, -деді Кенжебек Олжабай.
Әлдихан Қалдыбайұлы 1939 жылы 3 қазанда Шу ауданындағы «Кербұлақ» ұжым-шарында туған. 1963 жылы Қазақ мемлекеттік университетінің филология факультетін бітірген. Еңбек жолын 1963 жылы Қызылорда облысының Арал ауданындағы Бөген орта мектебінде қазақ тілі мен әдебиеті пәнінің мұғалімі болып бастаған. 1965 жылдан Жамбыл облыстық телевизия және радио хабарларын тарату жөніндегі комитетінде редактор, облыстық «Еңбек туы» газетінде әдеби қызметкер, Жамбыл облыстық партия комитетінің нұсқаушысы болып қызмет атқарды. 1976–1995 жылдары облыстық «Еңбек туы» (қазіргі «Ақ жол») газеті редакторының орынбасары, облыстық «Ақ жол» газетінің бас редакторы болған. Қазақстан Жазушылар одағы басқармасының мүшесі, Қазақстан Жазушылар және Журналистер одағы облыстық ұйымдарының төрағасы болған.
Сообщение Жазушы рухына құрмет жасалды появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.