Шымкентте 18 жастағы қыз жоғалып кетті
Полицейлер жоғалған 18 жастағы Шымкент тұрғынын іздеп жатыр, - деп хабарлайды Tengrinews.kz тілшісі.
5 тамызда әл-Фараби аудандық полиция басқармасына жоғалған қыз туралы хабарлама келіп түскен.
Ағасының айтуынша, 2004 жылы туған Аида Әбілда 4 тамыз күні сағат 16:30 шамасында үйден шығып, оралмаған. Қыздың жүрген жерін анықтау үшін Шымкент полиция департаментінің жеке құрамы түгел жұмылдырылды.
Аида Долана - "Бұлақ" колледжінің 1-курс студенті. Бойы 160-165 см, орта денелі, шашы қара, көздері қысыңқы келген, мойын аймағында ісігі бар (ЗОБ).
Полиция жоғалған қыздың қайда екені туралы ақпарат білетіндерді 102 нөміріне хабарласуды өтінді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!