Орындаушылық тәртіп – басты назарда
Жамбыл облысының әкімі Нұржан Нұржігітовтің төрағалығымен өткен аппарат кеңесінде орындаушылық тәртіп, азаматтардың өтініштері мен мәселелерінің шешілу барысы қаралды. Басқосуда баяндама жасаған облыс әкімі аппараты өңірлік бақылау және ұйымдастыру-инспекторлық жұмысы бөлімінің бас инспекторы Ерсұлтан Жарқынбай аймақ басшысының Мойынқұм ауданына жұмыс сапарлары кезінде берілген тапсырмалардың орындалу деңгейіне тоқталды. Атап айтар болсақ, өткен жылы ұйымдастырылған кездесулерде мойынқұмдықтар тарапынан […]
Сообщение Орындаушылық тәртіп – басты назарда появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.
Жамбыл облысының әкімі Нұржан Нұржігітовтің төрағалығымен өткен аппарат кеңесінде орындаушылық тәртіп, азаматтардың өтініштері мен мәселелерінің шешілу барысы қаралды.
Басқосуда баяндама жасаған облыс әкімі аппараты өңірлік бақылау және ұйымдастыру-инспекторлық жұмысы бөлімінің бас инспекторы Ерсұлтан Жарқынбай аймақ басшысының Мойынқұм ауданына жұмыс сапарлары кезінде берілген тапсырмалардың орындалу деңгейіне тоқталды.
Атап айтар болсақ, өткен жылы ұйымдастырылған кездесулерде мойынқұмдықтар тарапынан 20 мәселе көтерілсе, оның 10-ы шешімін тауып, 8-і орындалу үстінде. Қалған екеуі шешілмеген.
Ал, ағымдағы жыл басынан бері облыс әкімімен өткен кездесулерде 30 мәселе көтерілген. Аймақ басшысы ол мәселелерді жан-жақты қарастырып, нәтижелі шешу бойынша жауаптыларға нақты міндеттер жүктеген болатын. Бүгінге дейін оның тоғызы толығымен орындалса, 20-сы орындалу үстінде.
Сондай-ақ, жиында облыс әкімінің кеңесшісі Нұрмұхаммед Ниязбеков жеке азаматтардың арыз-шағымдарының қаралу барысын баяндады.
Ауыз су тарту, ағаш отырғызу, интернетпен қамту секілді өзге де бірқатар мәселелерге қатысты басқарма басшылары мен аудан әкімінен жауаптар алынды.
Нұржан Нұржігітов тұрғындардың әрбір өтініші, көтерген мәселелері назардан тыс қалмай, оларды сапалы шешу шаралары тұрақты түрде жүзеге асуы тиіс екендігін атап өтті.
— Біз Мемлекет басшысының тапсырмасына сәйкес, ауылдарда халықпен тек кездесіп қана қоймай, оларды алаңдататын мәселелерге барынша көңіл бөлуіміз керек. Олардың өтініштерін сөз жүзінде ғана емес, іс жүзінде нақты шешу жолдарын жүргізуге міндеттіміз. Бұл бойынша берілген тапсырмалар сапалы әрі уақытылы орындалуы қажет. Ол жеке бақылауымда болады. Сонда ғана тұрғындардың жергілікті билікке деген сенімін нығайта аламыз, — дей келе облыс әкімі басқарма басшыларына, Тараз қаласы мен аудан әкімдеріне де өз деңгейінде тиісті жұмыстарды үздіксіз жүргізуді тапсырды.
Айта кетейік, басқа аудандар бойынша да берілген тапсырмалардың орындалуын талдау алдағы уақытта да жалғасатын болады.
Сообщение Орындаушылық тәртіп – басты назарда появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.