Қызылорда облысында жол апатынан екі адам қаза тауып, тағы бесеуі жараланған
Қызылорда облысындағы тасжолда жантүршігерлік жол апаты болып, екі адам қаза тапты, - деп хабарлайды Tengrinews.kz тілшісі ІІМ баспасөз қызметіне сілтеме жасап.
12 тамызда түнгі сағат 03:00 шамасында Қызылорда-Жалағаш тасжолында Жалағаш ауданы Ақсу ауылының тұсында Toyota автокөлігінің жүргізушісі рөлге ие бола алмай, жол апатына түскен.
"Жол апаты салдарынан 2 жолаушы көз жұмып, жүргізушімен қоса қалған бес адам түрлі жарақаттар алды. ҚР ҚК-ның 345-бабы 4-бөлігі бойынша соталды тергеп-тексеру әрекеттері жүргізіліп жатыр", - делінген хабарламада.
Тиісті сараптамалар тағайындалды. Оқиғаның мән-жайы анықталып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!