Жетісу облысында жарықсыз отырған Қаратал ауданына электр қуаты берілді
ТАЛДЫҚОРҒАН. ҚазАқпарат - Жетісу облысы Қаратал ауданында нөсер жауын мен қатты желдің салдарынан зақымданған электр желісі қалпына келіп, ауданға электр жарығы берілді. Ал Елтай ауылдық округіне қарасты Абай ауылының үзілген электр желісін апаттық бригада жөндеу жүргізіп жатыр. Мамандар Абай ауылына жарық ертең, яғни 13 тамыз күнгі сағат 13.00-ге дейін берілетінін айтады, деп хабарлайды ҚазАқпарат облыс әкімінің баспасөз қызметіне сілтеме жасап.