“Манас” аэропортунун бир жылдык кирешеси 2 млрд. сомго чукулдады

“Манас” эл аралык аэропортунун бир жылдык жалпы кирешеси 1 миллиард 800 миллион сомду түзөт. Бул тууралуу Жогорку Кенештин Транспорт жана коммуникация боюнча комитетинде аталган аэропорттун директору Эмир Чукуев билдирди.

Анын айтымында, аталган каражаттын 850 миллион сому дивиденд катары мамлекеттик бюджетке төлөнөт. Ал эми калган каражат аэропортту өнүктүрүүгө жумшалат.

Жыйындын жүрүшүндө депутаттар аэропортту өнүктүрүүгө арналган акча натыйжалуу иштетилбей жатканын айтып чыгышты. Ошондой эле алар мамлекетке дивиденд катары төлөнүүчү каражаттын көлөмүн карап көрүүнү сунуш кылышты.

“Манас” аэропортунун өкүлдөрү быйыл аэропортто учуш 2,5% көбөйгөнүн билдиришти. (BkA\ErN)