Мьянмада абактагы журналисттер кыйноого кабылганын айтышты
Эки журналист "мамлекеттик сырды ачыкка чыгарган" деп айыпталууда. Алардын күнөөсү далилденсе, 14 жылга чейин түрмөгө кесилип кетиши ыктымал.
Журналисттер кармалган учурда рохинжа мусулмандарынын аскерлердин колунан өлтүрүлүшүн иликтеп жүрүшкөн эле.
Өткөн жылдын августунда башталган куралдуу кагылышуудан кийин Мьянмадан 650 миңден ашуун рохинжа мусулмандары коңшу Бангладешке өтө качкан. Ал кандуу окуяны Улуттар Уюмунун өкүлү "улутка кыргын салуу" деп баалап, жергиликтүү бийликти сынга алган. Мьянманын бийлиги бул боюнча дооматтарды четке кагып келатат.