Темир Сариев УКМКга суракка чакырылды
Мурдагы премьер-министр Темир Сариев Улуттук коопсуздук боюнча мамлекеттик комитетке (УКМК) суракка чакырылды. Ушул тапта атайын кызматта көрсөтмө берип жатканын УКМКнын басма сөз катчысы Рахат Сулайманов "Азаттыкка" билдирди:
-Темир Сариев Жылуулук электр борборун (ЖЭБ) модернизациялоого байланыштуу коррупция фактысы боюнча күбө катары чакырылды.
Бишкектеги Жылуулук электр борборунда быйыл кышында авария болуп, калаа эли бир жума жылуулуксуз калган. Андан соң аталган мекемени оңдоп-түзөөдө мыйзам бузуулар аныкталып, бир катар аткаминерлерге кылмыш иши козголгон. (SE\TSh)