Бүгүн премьер-министр үйлөрдү сел алган аймактарга барат
Премьер-министр ошондой эле талаа иштеринин жүрүшү, көпүрө жана башка социалдык объектилердин курулушу, чакан ГЭСтин жана айыл чарба продукцияларын кайра иштеп чыгарчу кичизаводдун ишин көрөт. Иш сапар эки күнгө созулат.
15-июндан берки катуу жаан-чачындан улам Баткен облусунда жалпысынан 259 үйдү сел каптаган. Алардын көбүнүн короолоруна суу кирип, бир тобунун ичине кирип кеткен. Бир нече үйлөрдүн дубалдары бузулган.
Селге байланыштуу 15-июнда Лейлек, Баткен жана Кадамжай райондорунда өзгөчө кырдаал режими киргизилген. Жергиликтүү бийликтер жана Өзгөчө кырдаалдар министрлигинин куткаруучулары селдин кесепеттерин жоюу иштерин ушул күндөрү да улантып жатат. (ErN)