Ат-Башыда 18 адам кутурмага каршы эмдөөдөн өттү
Бул тууралуу Саламаттык сактоо министрлигинин алдындагы Карантиндик жана өтө кооптуу оорулар боюнча республикалык борборунун директорунун орун басары Нурболот Үсөнбаев “Азаттыкка” билдирди.
Арпа жайлоосунда кутурмадан кырылган элүүдөй койдун өлүгү 15 күндөй талаада жатып, мурдагүнү көмүлгөнүн жергиликтүү тургун Оёнбек Жумабаев 17-июнда “Азаттыкка” билдирген.
Казыбек айылынан Арпа жайлоосуна чыккан тургундун малына карышкыр кол салган. Бул окуядан кийин мал ээси менен ветеринар койдон кутурма ылаңынын белгилерин байкап, Бишкек шаарына текшерүүгө жөнөтүшкөн. Текшерүүнүн жыйынтыгы менен малга кутурма жукканы аныкталган. (ErN)