Акыйкатчы УКМКнын тергөө абагында жаткан саясатчыларга жолугуп чыкты
Анда Артыкбаев ден соолугуна байланыштуу бөгөт чарасын өзгөртүп, үй камагына чыгарып берүүнү өтүнсө, Сатыбалдиев адвокаттарга жолугушуу зарыл экенин белгилеген. Авазов үй-бүлөсү менен көрүштүрүүнү суранса, Исаков тергөө изолятордун шартына нааразычылыгы жок экенин билдирген.
Быйыл 26-январда Бишкек ЖЭБинде авария болуп, -20 градустан ашкан катуу суукта абоненттерге беш күн бою жылуулук берилбей калган. Бул окуя жарым жыл мурун модернизацияланган ишканага карата сынды күчөтүп, Кытай берген 386 миллион доллардын максаттуу сарпталганы суроо жараткан. Башкы прокуратура Кылмыш-жаза кодексинин 303-беренеси ("Коррупция") менен иш козгоп, УКМК тергөө баштаган. Бул фактыларга байланыштуу бир нече саясатчылар камакка алынган. (TSh)