Киев цыгандардын конушуна кол салууну Орусиядан көрдү
![Киев цыгандардын конушуна кол салууну Орусиядан көрдү](https://gdb.rferl.org/C58E0577-F433-4085-AB53-FC66B97CF6C9_w800_h450.jpg)
Украин бийлиги Львовдун жанындагы цыгандардын конушуна жасалган кол салууну Орусиядан көрдү. 25-июнда белгисиз бирөөлөрдүн кол салуусунан бир киши каза таап, беш-алты адам жаракат алышты. Полиция цыгандардын чатырларына өспүрүмдөр кол салышканын билдирди. Шектүү делген он чакты адам кармалды. Алардын баары неонацисттер тобунун мүчөлөрү экени маалым болду.
Украинанын ички иштер министри Павел Климкин “Орусия Украинаны адам укуктарын коргобогон радикал мамлекет катары көрсөткүсү келет. Биз Москванын мындай аракеттерине каршы күрөшүп келебиз”,-деди. Бул цыгандардын конушуна жасалган биринчи кол салуу эмес. Апрель айында беткапчан белгисиз адамдар баласын көтөрүп бараткан аялды таш бараңга алышкан.
Европа кеңеши Киевден күнөөлүүлөрдү таап жазалоону талап кылган. Укук коргоочулар украин бийлиги жетиштүү чара көрбөй жатканын сындап келишет.