АКШ менен Кытай аскердик сүйлөшүү жүргүзөт
Кошмо Штаттар менен Кытай аскердик чөйрөдө сүйлөшүү өткөргөнү жатат. АКШнын 26-июнда Бээжинге барган коргоо министри Жим Мэттис жолугушууларда стратегиялык деп эсептелген маселелерге көңүл бурары күтүлүүдө. Ал ушул айдын башында Кытайды Түштүк-Кытай деңизиндеги аралдарды аскерлештирип жатканы үчүн кескин сындаган, ал эми Бээжинге сапарын утурлай Кошмо Штаттар Арктикада өз турумун бекемдөөгө умтулушу керек экенин айтып чыкты.