Путин АКШ президенти Трамптын кеңешчиси Жон Болтонду кабыл алат
Бул тууралуу Кремлдин басма сөз катчысы Дмитрий Песков журналисттерге билдирди. Анын айтымында, орус лидери кандай сүйлөшүүлөр болгону тууралуу маалымат алат.
“Болтон эртең дагы бир катар жолугушууга катышат. Силер билесиңерби, жоопторго караганда суроолор алда канча көп” деп билдирди ал. Бул тууралуу ТАСС агенттиги жазды.
Дүйшөмбү күнү Болтон Орусиянын Коопсуздук кеңешинин катчысы Николай Патрушевге жолуккан. “Америка үнү” жазгандай, анда куралдандыруу келишимин көзөмөлдөө, Сирия, Иран, Түндүк Корея жана терроризмге каршы күрөшүү талкууланган. Тараптар Москва менен Вашингтон ортосунда “стратегиялык маселелер боюнча” диалогду өркүндөтүү мүмкүнчүлүгүн талкуулашты. (КЕ)