Латвиядагы орус тилдүү Meduza.org сайтынын башкы редактору Иван Колпаков өзүнүн өтүнүчү менен кызматтан бошотулду. Анын милдетин долбоордун негиздөөчүсү Галина Тимченко убактылуу аткарып турат. Бул тууралуу Тимченко өзүнүн "Фейсбуктагы" баракчасына жазды. Дем алыш күнү Колпаковду жүрүм-турумуна байланыштуу айыпташкан. Анын маңызы ачык айтылган жок. Редакциянын ичиндеги айыптоолордон кийин ал кызматын тапшырган.
ВВСнин орус кызматы Колпаков жыныстык ыдык көрсөтүүгө байланыштуу күнөөлөнүп жатканын эки булакка таянып жазды. Маалыматка караганда, ал басылмада иштегендердин биринин аялына тийишкен, кийин муну “тамаша болчу” деп жооп берген. Колпаков бул боюнча өзү да жооп берерин жазды.