Бишкекте алданган үлүшчүлөрдүн көйгөйү талкууланат
"24.kg" агенттигиндеги жыйынга парламент депутаттары, Мамлекеттик архитектура, курулуш жана турак жай-коммуналдык чарба агенттиги, Мамлекеттик каттоо, Экономикалык кылмыштарга каршы күрөшүү кызматы (Финансы полициясы), Ички иштер, Юстиция министрлиги, Бишкек мэриясы, БУУнун өнүктүрүү программасынын өкүлдөрү жана үлүшчүлөр катышмакчы.
Талкууда үлүшчүлөрдүн укуктарын коргоо, алардын маселесин чечүү жолдору талкууланат.
Кыргызстанда акыркы жылдарда курулуш компанияларына акчасын алдын ала берип, бирок батир ала албай жүргөн жарандардын катары калыңдап баратат.
"Азаттыктын" "Ыңгайсыз суроолор" телепрограммасы быйыл 3-октябрдагы чыгарылышында Бишкекте "батир алам" деп акча төлөп, бирок берген каражатынан да, үйдөн да кур жалак калгандардын арыз-муңун, мамлекет жөнгө сала албай жаткан системаны иликтеген. (NT)