Трамп мурдагы мамкатчы Тиллерсонду ачуу сындады
Ошол эле учурда Дональд Трамп учурдагы мамлекеттик катчы Майк Помпеонун иши менен сыймыктанарын белгилеген.
7-декабрда Рекс Тиллерсон CBS каналындагы маегинде Трамп менен мамилеси бир катар баалуулуктар боюнча эки башка көз карашта болгону үчүн начарлаганын айтып берген. Тиллерсондун айтканына караганда, ал Трампка бир топ талаптары мыйзамсыз экенин бир нече жолу эскерткен. Бирок кайсы талаптары жөнүндө ачык айткан жок.
Дональд Трамп Рекс Тиллерсонду мамлекеттик катчы кызматынан ушул жылдын март айында бошоткон. Ал АКШнын тышкы саясат мекемесин бир жылга жакын башкарды. Айрым маалымат каражаттары Трамп менен Тиллерсондун мамилеси Түндүк Корея жана Иран менен өзөктүк келишимдер боюнча маселеден улам начарлаганын жазып чыккан.