Новости за 22.12.2018

Блог ээси “Кыргызстан Борбордук Азиядагы демократиялуу жумурият катары кыйла илгери кеткенин далилдөө үчүн анын бийлиги Өмүрбек Текебаев, Дүйшөнкул Чотонов сыяктуу саясатчыларды тез арада абактан бошотуусу ылаазым” деп эсептейт.

Президент Сооронбай Жээнбеков 22-декабрда “Ата Мекен” партиясынын лидери, Жогорку Кеңештин мурдагы депутаты, ушул тапта сегиз жылдык абак жазасын өтөп жаткан Өмүрбек Текебаев менен сүйлөштү.  Мамлекет башчы Текебаевди 60 жашка чыгышы менен куттуктаганын “Азаттыкка” ишенимдүү булактары бышыктады. Бирок алардын сүйлөшүүсүнүн мазмуну белгисиз.  “Азаттыктын” булактары ырастагандай, Текебаев Жээнбеков менен 1995-жылдан бери саясий үзөңгүлөш экенин, Жогорку Кеңештин бир нече жолку чакырылыштарына чогуу депутат болушканын эстеп... Читать дальше...

Бул ыр эмес, сөз үйрөтүү үчүн оюн ыкмасына салынып жасалган атайын тил сөздүк. Муну бала бакчалардын тарбиячылары, мектеп мугалимдери, кыргыз-орус тилдерине арналып өткөрүлчү ар кандай иш-чаралардын уюштуруучулары өздөрүнө колдонмо катары пайдаланса болот деген ойдобуз.

АКШнын Жогорку cоту Дональд Трамптын администрациясына жаңы иммиграциялык, мыйзамсыз мигранттардын баш паанек алуусун чектеген эрежени колдонууга тыюу салды. 21-декабрда тогуз соттун бешөө Ак үйдүн апелляциясын четке какты. Трамптын администрациясы Калифорния сотунун 20-ноябрдагы токтомуна каршы жогорку инстанцияга арызданган. Судья Жон Тайгар баш паанек берүүдөгү жаңы эрежелерди колдонуу боюнча Ак үйдүн сунушуна убактылуу тыюу салган. Ноябрда соттордун көз карандысыздыгы боюнча Трамп менен талашкан Жогорку соттун төрагасы... Читать дальше...

Финансылык чалгын боюнча мамлекеттик кызмат коммерциялык банктарга жиберген катын террордук аракеттерди каржылоого жана арам акчаны адалдоого каршы эл аралык келишимдерди аткаруу милдети менен байланыштырды.

Ысык-Ата районунун 35 жаштагы тургуну Залина Үмөталиева 7-ноябрь күнү төрөт маалында мээсине кан куюлуп, комага түшкөн. Учурда ал Улуттук госпиталда дарыланып жатат. Залинанын окуясы Кыргызстанда инсульттан кийин бейтаптарды карай турган атайын жайлар жок экенин дагы бир жолу эске салды.

Кыргызстандагы бир катар саясатчылар, мурдагы өкмөт башчылар, Жогорку Кеңештин депутаттары, фракция лидерлери, укук коргоочулар “Ата Мекен” партиясынын абактагы лидери Өмүрбек Текебаев менен ал дарыланып жаткан ооруканага барып жолугушту.

Британиянын аскер-деңиз флотунун көп максаттуу гидрографикалык кемеси Одессанын портуна келди. Жума күнү аны Британиянын коргоо министри Гэвин Уильямсон барып көрдү. Ал кеменин Украинага келиши “Орусиянын президенти Владмир Путинге чоң коңгуроо” болорун жана Киевге карата колдоонун далили экенин белгиледи. Уильямсондун айтымында, зарылчылык болсо Кара деңизде Британиянын аскерий кемелери туруктуу түрдө болуп турат. "HMS Echo" гидрографикалык кемеси Кара деңизге декабрдын башында багыт алган.... Читать дальше...

Президент Сооронбай Жээнбеков Апрель окуясынын катышуучулары, жабыр тарткандардын жана курман болгондордун туугандары, коомдук уюмдун өкүлдөрү менен жолугушту. Жолугушууга катышкандар учурдагы көйгөйлөр жана актуалдуу маселелер, өлкөнүн социалдык-экономикалык өнүгүшү, коррупцияга каршы күрөш боюнча пикирин билдирип, апрель революциясынын катышуучуларынын жеке турмушундагы социалдык маселелер тууралуу ойлорун ортого салышты. Президент алар көтөргөн маселелер боюнча өз пикирин айтып, суроолорго жооп берип... Читать дальше...

23-декабрда айрым аймактарда бир аз кар жаашы күтүлөт. Түнкүсүн жана эртең менен Чүй, Талас, Ош, Баткен, Жалал-Абад облустарынын кээ бир райондорунда туман түшөт. Жолдор тайгак жана тоңголок болот. Шамалдын багыты өзгөрүп турат, ылдамдыгы секундасына 1-6 метрге жетет. Абанын температурасы: Чүйдө түнкүсүн -6...-11, күндүз -1...+4, Таласта түнкүсүн -9...-14, күндүз 0...-5, Ысык-Көлдө түнкүсүн -2...-7, күндүз -1...+4, Баткенде түнкүсүн -2...+3, күндүз 3...8, Ошто, Жалал-Абадда түнкүсүн -4...+1... Читать дальше...

“Ата Мекен” партиясынын абактагы лидери Өмүрбек Текебаев президенттен ырайым сурабай турганын “Азаттыктын” суроосуна жооп берип жатып билдирди. Анын айтымында, жаза мөөнөтүнүн беш жылдан ашуун бөлүгүн өтөдү. Ал мыйзам боюнча жакын арада жатак абакка жана мөөнөтүнөн мурда шарттуу түрдө абактан чыгууга мүмкүнчүлүгү бар экенин, ошол учурда өзүнүн актыгын далилдей турганын айтты. Бүгүн, 22-декабрда Өмүрбек Текебаев 60 жашка толду. Анын туулган күнүнө арналып Бишкекте уюштурулган иш-чарага саясатчылар... Читать дальше...

Кыргызстандагы бир катар саясатчылар, мурдагы өкмөт башчылар, Жогорку Кеңештин депутаттары, фракция лидерлери, укук коргоочулар “Ата Мекен” партиясынын абактагы лидери Өмүрбек Текебаев менен ал дарыланып жаткан ооруканага барып жолугушту. Абактагы саясатчы жолугушуу учурунда “Азаттыктын” суроосуна жооп берди. Саясатчы экс-президент Алмазбек Атамбаевдин айткандарын башкача түшүнгөнүн билдирди. - Көпчүлүгү Алмазбек Атамбаев каматып койгонуна өкүндү деп ойлоду. Мен башкача түшүндүм. Алмазбек Атамбаев... Читать дальше...

АКШнын биринчи учак конуучу кемеси өлкө өзөктүк келишимден чыккандары бери алгачкы жолу Перс булуңуна кирди.

БУУнун Коопсуздук Кеңеши  Стокгольмдогу Йемендин тарапташтарынын макулдашуусунан кийин добуш берүү менен өлкөнүн негизги портторунда ок атууну токтотуу макулдашуусун колдоого алып, 2452-номер менен биринчи токтомду кабыл алды.

Өмүрбек Текебаевди абактан бошотуунун механизмдери бар. Бул тууралуу Жогорку Кеңештин мурдагы төрагасы, коомдук ишмер Абдыганы Эркебаев Бишкекте “Ата Мекен” партиясынын абактагы лидери Өмүрбек Текебаевдин 60 жылдык мааракесине арналган иш- чарада сүйлөп жатып билдирди. - Адамгерчилик кылып, туура эмес ишти түзөлтүп, Текебаевди абактын чыгарса болот эле. Жаңы бийлик келди, анын жолдору, механизмдери бар болчу. Мындай иштерди колдонуп чыгарса болот деп дагы айттым эле. Жогорку Кеңеш, азыркы президент чындап ниети болсо... Читать дальше...

Абдыманап Көлбаев - онго жакын ыр, кара сөз жыйнактарынын автору. Ал элет адамынын кысталыш шарттагы, кыйын жагдайдагы абалын чагылдырууну жактырган сүрөткер. Бүгүн биз жазуучунун “Сүйүү менен коштошуу” аңгемеси тууралуу кеп кылабыз.

Сириянын Кытайдагы элчиси Американын өз аскерлерин Сириядан чыгаруусу боюнча ой-пикирин билдирди.

Өзбекстанда мурдагы президент Ислам Каримовдун тушунда Коопсуздук кеңешин башкарып турган генерал-майор Муиджон Тохирий кармалды. Бул маалыматты өлкөнүн Башкы прокуратурасы да ырастады. “Ал чын эле кармалды. Ага карата тергөө амалдары жүрүп жатат”, - деген башкы көзөмөл органдын өкүлү, тергөө кызыкчылыгынан улам башка маалымат берген эмес. Тохирий 2013-жылдан 2016-жылга чейин Коопсуздук кызматын башкарган. Ага чейин Улуттук коопсуздук кызматынын жетекчисинин орун басары болуп иштеген. 2016-жылдан... Читать дальше...

Непалдын батышында окуучуларды ташыган автобус капчыгайга кулап, каза болгондордун саны 23кө жетти. 14 жүргүнчү ар кандай жараат алды. Жергиликтүү Эн-ди-ти-ви телеканалы ишемби күнү кабарлагандай, каза болгондордун арасында айдоочу жана эки мугалим бар. Кырсык жума күнү кечинде болгон. Автобус жергиликтүү коллеждин 16-20 жаштагы окуучу, сутуденттерин ташып келаткан. Анда жалпысынан 37 адам болгон. Алар окуу-практикасынан кайтып келатышкан. Алдын ала маалыматка караганда, айдоочу тоолуу аймактагы жолдо автобусту башкара албай... Читать дальше...

Бүгүн башкы "атамекенчини" туулган күнү менен партиялаштары, саясатчылар куттуктап жатышат. Алар маараке учурунда Өмүрбек Текебаевдин ишин кайра карап, аны абактан чыгаруу маселесин кайталашты.

Бүгүн башкы "атамекенчини" туулган күнү менен партиялаштары, саясатчылар куттуктап жатышат. Алар маараке учурунда Өмүрбек Текебаевдин ишин кайра карап, аны абактан чыгаруу маселесин кайталашты.

Азыркы бийлик мурдагынын катасын кайталады. Бул тууралуу саясатчы, Убактылуу өкмөттүн мүчөсү Азимбек Бекназаров “Ата Мекен” партиясынын абактагы лидери Өмүрбек Текебаевдин туулган күнүнө арналган иш-чарада сүйлөп жатып билдирди. Ал президент Сооронбай Жээнбековдун Текебаев боюнча айткандарын сындады. 19-декабрда президент Сооронбай Жээнбеков маалымат жыйынында Текебаевди абактан бошотуу маселесине кийлигише албасын, бирок мыйзам боюнча ырайым берүүгө мүмкүнчүлүк бар экенин айткан. 22-декабрь белгилүү саясатчы... Читать дальше...

Кыргыз парламентинин түзүлгөнүнүн 80 жылдыгына арналган конференцияда экс-президент Роза Отунбаева Жогорку Кеңеш Текебаевдин маселесине көңүл бурбай жатканын белгиледи.

Кыргызстанда кышкы туристтик сезон расмий түрдө ачылды. 22-декабрда Аламүдүн районундагы ЗИЛ тоо лыжа базасында вице-премьер-министр Алтынай Өмүрбекованын катышуусу менен сезондун ачылыш аземи өттү. Анын айтымында, учурда өлкөдөгү 25 тоо лыжа базасынын 17и иштейт. Лыжа базанын 13ү Чүй облусунда жайгашкан. Кышкы туризм өлкө экономикасы үчүн маанилүү багыттардын бири. Бирок бул багытта аткарыла турган көптөгөн иштер бар экени белгиленип келет. Эксперттердин айтымында, жыл сайын кышкы спортко кызыккан чет өлкөлүк туристтердин саны көбөйүүдө. Читать дальше...

"Роза Отунбаеванын демилгелери" фондунун колдоосу менен балдарга арналган искусство жөнүндөгү китептердин сериясынын бет ачары өттү. Аларда Кыргызстандын, Казакстандын жана Өзбекстандын даңазалуу өнөр адамдарынын өмүр баяны, ийгиликке карай жолу тууралуу баяндалат. Композитор Муратбек Бегалиевдин, казакстандык скрипка чебери Айман Мусаходжаеванын, опералык ырчы Исмаил Жалиловдун, сүрөтчү Юристанбек Шыгаевдин кантип өз максатына жеткени тууралуу китепттердин бетачары классикалык концерт менен коштолду.