Новости за 10.12.2018

Улуу Британиянын премьер-министри Тереза Мэй британ парламентинде Брексит келишимине добуш берүү кийинкиге жылдырыларын билдирди. Ал Өкүлдөр палатасындагы чукул кайрылуусунда британ өкмөтү менен Евробиримдиктин ортосунда өткөн айда макулдашылган келишим парламентте чоң айырма менен четке кагылышы мүмкүндүгүн мойнуна алды. Ошол эле учурда бул келишимди туура мунаса катары мүнөздөп, депутаттарды тынчсыздандырган маселелер боюнча Евробиримдик менен сүйлөшүшү мүмкүндүгүн ишара кылды. Ноябрдын соңунда... Читать дальше...

Украинанын президенти Петро Порошенко Орусия менен достук келишимин жокко чыгарган мыйзам долбооруна кол койду. Ал 10-декабрдагы видео кайрылуусунда бул мыйзамды "колониалдык тарыхтан толугу менен баш тартуу жана Европага кайра багыт алуу" аракети деп мүнөздөдү. Украина менен Орусиянын ортосундагы достук, кызматташтык жана өнөктөштүк келишими 31-мартта аягына чыгат. Украин депутаттары бул келишимди жокко чыгарган мыйзам долбоорун 6-декабрда жактырган. Достук келишими 1997-жылы 31-майда он жылдык мөөнөткө кабыл алынып... Читать дальше...

Мурдагы президент Алмазбек Атамбаев президент Сооронбай Жээнбеков менен элдешүү үчүн жыл башынан бери бир топ кишини ортого салып көргөнүн, президент жана анын туугандары бул ишараны туура эмес түшүнгөнүн айтты. Атамбаев бул оюн “Апрель ТВ” телеканалынын журналистинин “Сооронбай Жээнбеков экөөңөр элдешсеңер болбойбу?” деген суроосуна жооп берип жатып билдирди. “Улуу башты кичүү кылып, "элдешели-жарашалы, мунун эч кимге кереги жок" дедим. Чыр чыгарып, ынтымакты кетирип эмне пайда табат түшүнбөй жатам. Читать дальше...

Европа Биримдиги Украинанын чыгышындагы жикчилдердин өткөн айдагы шайлоосун уюштурууга тиешеси бар делген тогуз адамды "кара тизмеге" киргизди. Мындай чечим уюмдун тышкы иштер министрлеринин 10-декабрда Брюсселде өткөн жыйынында кабыл алынды. Тизмеге Донбасстагы жикчилдердин лидерлери, жергиликтүү кеңештердин башчылары да кошулду. Евробиримдиктин министрлери бул адамдар "Украинанын аймактык бүтүндүгү, суверендүүлүгү жана көз карандысыздыгына шек келтиргени" үчүн санкцияга кабылганын айтышты. ... Читать дальше...

Түркиянын Сакария университетинин Түрк дүйнөсүн изилдөө борбору жана аталган окуу жайдагы Кыргыз студенттеринин коомдук бирикмеси уюштурган иш-чарада залкар жазуучу Чыңгыз Айтматовдун чыгармалары боюнча илимий баяндамалар окулду. Чыңгыз Айтматов жана анын чыгармалары боюнча жергиликтүү студенттерге суроо-жооп катары оюн уюштурулуп, баалуу сыйлыктар берилди. Ошондой эле кыргызстандык студенттердин демилгеси менен жазуучунун чыгармалары сахналаштырылды. Түрк маданиятынын эл аралык уюму (ТҮРКСОЙ) 2018-жылды "Айтматов жылы" деп жарыялаган. Читать дальше...

Түркиянын билим берүү министрлиги тарабынан бекитилген "100 классикалык чыгарма" тизмесине кыргыз жазуучусу Чыңгыз Айтматовдун да чыгармалары кирген. Орто мектеп жана университеттердин окуу программасына Айтматовдун "Ак кеме" повести дагы бекитилген.

Мурдагы кыргыз президенти Алмазбек Атамбаев “Апрель ТВ” телеканалы менен маегинде “Ата Мекен” партиясынын камактагы лидери Өмүрбек Текебаевдин маселеси боюнча пикирин билдирди. Ал Текебаевге чара туура колдонулганын, ошентсе да “аны каматтырбай койсом болмок” деген өкүнүчү бар экенин айтты. “Мыйзамды бузуп, каматтырбай эле койсом болмок окшойт. Бирок мыйзам боюнча чара туура колдонулган. Миллиондун алынганы чын”,-деди Атамбаев. “Ата Мекен” партиясынын лидери Өмүрбек Текебаев жана анын партиялашы... Читать дальше...

Мурдагы президент Алмазбек Атамбаев “Апрель ТВ” телеканалына курган маегинде мурдагы премьер-министр, былтыркы президенттик шайлоодо утулуп калган Өмүрбек Бабановго козголгон кылмыш иштери жабылышы керектигин айтты. Ал Бабанов шайлоо өнөктүгү маалында кастыкты козутууну көздөбөгөнүн кийинки кадамдары менен далилдегенин билдирди: "Чындыгында Бабановдун иштери жабылыш керек. Чынында Бабановго рахмат айтыш керек. Бир жылда бир нерсе кылдыбы, айттыбы? Ынтымакты, тынчтыкты бузуш үчүн бир аракет кылдыбы? Читать дальше...

Нарында бир айылдын көчөсүн тургундар сахнага айландырышты. Жалал-Абаддагы абакта мөөнөтү бүтүп жаткандар кесипке үйрөнүп, психологдон жардам ала баштады. Бишкекте арабада отургандар үчүн атайын бий студиясы иштей баштады. Европа шаарларын кыдырып кыргыздын көөнөрбөс көркөм улуттук кийим-кечегин даңазалаган уз айымдар. Ушул жана башка баяндар “Данисте” телетоптомунун мазмунун түздү.

БУУнун Балдар фонду (ЮНИСЕФ) катуу зомбулукка кабылды деген эки жаштагы баланын өлүмүнө байланыштуу кабатырлануусун билдирди.

Кыргызстандын мурдагы президенти Алмазбек Атамбаев “Апрель ТВ” телеканалынын журналистинин суроолоруна жооп берип жатып, былтыркы президенттик шайлоону эң чоң адашуусу катары мүнөздөдү. Ал бир топ региондордон ага адамдар келип, президент тууралуу нааразылыгын айтып жатканын билдирди. “Алардын эң негизги нааразычылыгы, “сага ишенип, президенттикке көрсөткөн адамыңды колдосок, ушундай болуп жатат, өзүнө каршы иштеген Байсалов, Тербишалиев сыяктууларды көтөрүп жатат” деп таарынычтарын, армандарын айтып жатышат. Читать дальше...

Кытай бийлиги 2 миңден ашуун этникалык казактарга Казакстанга чыгып кетүүгө уруксат берди. Бул тууралуу Казакстандын Тышкы иштер министрлигинин расмий өкүлү Айбек Смадияров 10-декабрда Астанадагы брифингде билдирди. "Кытай тарап жакшы санаалаштык иретинде 2 миңден ашуун казактарга Кытайдын аймагынан чыгууга уруксат берди. Алар кармалган адамдар эмес, өлкөдөн чыга албай жаткандар",-деп тактады министрликтин өкүлү. Маалыматка ылайык, расмий Бээжин мындай уруксатты Кытай жана Казакстандын жарандыгы бар казактарга гана берди. Читать дальше...

Армениядагы шайлоодо Никол Пашиняндын блогу алдыга чыкты. Францияда “сары кемселчендердин” акциялары төрт жумадан бери токтой элек. Сауд Аравия менен Иран кайрадан бири-бирин айыпташты. Евробиримдик сириялык качкындарга баш паанек берген мамлекеттерге колдоо көрсөтүүнү улантат.

Орусиянын курамындагы Татарстандын баш калаасы Казанда жекшемби күнү оппозициячыл партиялардын тарапташтары жана шаардыктар биргелешкен нааразылык акциясына чыгышты. Мэрия менен макулдашылган митинг калаа борборундагы аянтта өттү. Алар жергиликтүү бийликтен жана Орусия президентинен Татар улуттук университетин түзүүнү жана татар тилин бардык тармактарга киргизүү менен кошо “Эне тилдерин окутуу жөнүндө” мыйзамды жокко чыгарууну талап кылышты. Ошондой эле алар жумуриятта таштандыны кайра иштеткен заводду куруудан баш тартууга да чакырышты. Читать дальше...

Бириккен Улуттар Уюмунун (БУУ) Адам укуктары боюнча жалпы декларациясынын 70 жылдыгына арналган эл аралык жыйын Бишкекте президент Сооронбай Жээнбековдун катышуусунда өттү.

Сауд Арабиясы менен Иран кайрадан бирин бирин айыпташты. Расмий Эр-Рияд Перс булуңунун Кызматташтык Кеңешинин кезектеги саммитинде Иранды "чөлкөмдөгү өлкөлөрдүн ички иштерине кийлигишип жатат" деп сынга алды.

Европадагы Коопсуздук жана Кызматташтык Уюмунун (ЕККУ) байкоочулар миссиясы Армениядагы кезексиз парламенттик шайлоо "чыныгы атаандаштык" менен өткөнүн билдирди. Байкоочулардын 10-декабрда жарыяланган баштапкы корутундусунда айтылгандай, жекшембидеги шайлоо учурунда добуш сатып алуу, шайлоочуларды коркутуу сыяктуу мыйзам бузуу фактылары жалпысынан катталган жок. "Ачык саясий дебат, анын ичинде маалымат каражаттарындагы талкуу жандуу өнөктүккө салым кошту. Бирок Интернеттеги кастыкты козутуучу билдирүүлөр тынчсыздануу жаратты"... Читать дальше...

Арменияда ыңкылапчыл күчтөр эми парламентке да келишти.

Бириккен Улуттар Уюмунун (БУУ) Адам укуктары боюнча жалпы декларациясынын 70 жылдыгына арналган эл аралык жыйын Бишкекте президент Сооронбай Жээнбековдун катышуусунда өттү.

Орусияда кыргызстандык аял “өз кызын бычактап өлтүрдү” деп шектелип жатат. Окуянын күбөлөрү “Азаттык” радиосуна айтып бергенине караганда, окуя 8-декабрда Красноярск шаарында болгон. Жалал-Абад облусунун Сузак районунан барып, ошол жакта пол жууп иштеп жүргөн 48 жаштагы аял нан бышыруучу цехте иштеген 25 жаштагы кызы менен уруша кетип, чырдын аягы өлүм менен аяктаганы айтылууда. Учурда ал полицияда камакта, күнөөсүн моюнуна алды. Красноярсктагы кыргыз жамааты кыздын сөөгүн Кыргызстанга жөнөтүү аракетин көрүп жатат. Читать дальше...

Жумгал районунда каза болгон 8-класстын окуучусунун өлүмү боюнча Кылмыш-жаза кодексинин 104-беренесинин 1, 2-бөлүмү (“Саламаттыкка адамдардын тобу тарабынан бейбаштык максаттарда атайын оор залал келтирилип, байкабастыктан жабырлануучунун өлүмүнө алып келген кылмыштын белгилери”) менен иш козголду. Бул тууралуу Нарын облустук ички иштер башкармалыгынын басма сөз кызматы билдирди. Маалыматта айтылгандай 9-декабрь күнү Жумгал районунун Кызыл-Жылдыз айылынын “Ынтымак” спорт ордосунда аталган айыл... Читать дальше...

Франциянын президенти Эммануэл Макрон бүгүн кечинде өлкөдөгү нааразылык акцияларына байланыштуу кайрылуу жасайт.

Бишкек, 10-декабрь, 2018-жыл. /ca-irnews.com/. Кыргыз Республикасынын Президенти Сооронбай Жээнбековдун Коррупцияга каршы күрөшүүнүн эл аралык күнүнө байланыштуу кайрылуусу.

Орусияда 22 аялды өлтүргөнү үчүн үч жыл мурда өмүр бою абакка кесилген мурдагы полиция кызматкерине дагы бир сот өкүмү чыкты.  Иркутсктун соту 10-декабрдагы өкүмү менен 54 жаштагы Михаил Попковго дагы 56 аялды өлтүргөнү үчүн экинчи ирет өмүрүнүн акырына чейин абакка кесүүнү, аны сержант наамынан ажыратууну чечти.  Орус медиасында "Ангарск маньягы" деген атка конгон Попков Орусиянын тарыхындагы эң коркунучту киши өлтүргүч катары мүнөздөлүп келет.  Чыгыш Сибирдеги Ангарск шаарында полиция кызматкери... Читать дальше...

Абдиламит Мурзаевич МАТИСАКОВ телерадиого президент болуп келгенде «Тандыр», «Кыргыз өңү Чокморовдун өңүндөй», «Атамды көргөн өлбөсүн...», «Ак коргон» аттуу прозалык төрт китептин автору, СССР журналисттер Союзунун лауреаты, Кыргызстан жаштар Союзунун лауреаты болуп, кыргыздын төл газетасы «Кыргыз Туусу» газетасынын башкы редактору болуп иштегенге үлгүргөн.