Чүйдө киши өмүрүн алган катуу жол кырсыгы болду
Чүй облусунун Токмок шаарына жакын жайгашкан трассада бүгүн, 16-декабрда бир нече машиненин катышуусунда катуу авария болду. Андан бир нече киши каза тапканы айтылууда. Облустук милиция жол кырсыгынын курмандыктары боюнча тактоо иштери жүрүп жатканын кабарлады.
Интернетке күбөлөр тарткан видеолор тарады. Анда аварияда "Тойота Ипсум" жана "Вольксваген Пассат" үлгүсүндөгү машинелер кагылышканын, "Пассат" толугу менен күйүп кеткенин көрүүгө болот.
Авария болгон жерде милиция жана "Тез жардам" кызматкерлери иштеп жатат. (KR)