Новости за 30.03.2018

Бишкек Жылуулук электр борборундагы авария боюнча козголгон кылмыш иши тергелип бүтө элек. Бул тууралуу Башкы прокурордун орун басары Нурлан Дүйшембиев журналисттерге маалымат жыйынында айтты. Анын айтымында, ишти учурда УКМК тергеп жатат. Эгер тергөөдө башка да жагдайлар аныкталса өзүнчө кылмыш иши козголушу мүмкүн. 26-январда Бишкек ЖЭБинде авария болуп, борбор калаа 5 күн жылуулуксуз калган. Буга байланыштуу Башкы прокуратура энергетика тармагындагы кызмат адамдарына “шалаакылык” беренеси боюнча кылмыш ишин козгоп... Читать дальше...

КТРКнын мурдагы алып баруучусу Чынара Капарова каналдын башкы директору Илим Карыпбековду Жогорку соттон утуп алды. Бул тууралуу аталган мекеменин маалымат катчысы Сюита Соурбаева “Азаттыкка” билдирди. Анын айтымында, Жогорку сот 26-марттагы токтому менен буга чейин Ленин жана Бишкек шаардык соту чыгарган чечимдерди күчүндө калтырды. - Чынара Капарованын мурда ээлеген кызмат ордуна орноштуруу тууралуу доо арызы канааттандырылды. Капарова “Ала-Тоо” маалымат программалар студиясынын баяндамачысы болуп кызмат ордуна барат, - деди Соурбаева. Читать дальше...

Кыргызстандын премьер-министри Сапар Исаков 27-март  - Бүткүл дүйнөлүк театр күнүнө карата көрүнүктүү өнөрпоздор, Эл артисттери, учурда ооруп жаткан Замирбек Сооронбаев жана Дүйшөн Байдөбөтовдун акыбалын сурады. Бул тууралуу өкмөттүн аппаратынан кабарлашты. Өкмөт башчы атактуу артисттерге атамекендик көркөм өнөргө кошуп келген салымдары үчүн ыраазычылык билдирди. - Сиздердин өз кесибиңерди сүйүп, жан дилиңерди берип, жана ушул ишиңерге кызылдай мээнетиңерди салып жатканыңарды билебиз. Өкмөт биздин... Читать дальше...

Жогорку Кеңеш өкмөт сунуш кылган "Мамлекеттик жөлөк пулдар жөнүндө" мыйзамды экинчи жана үчүнчү окууда жактырып, кабыл алды.

Бишкекте 30-мартта жол коопсуздугуна арналган "Жарык бол" аттуу акция өтөт. Иш-чара Ички иштер министрлигинин Жол кыймылы коопсуздугун камсыздоо башкармалыгынын "Мен жол эрежесин сактайм" аттуу республикалык долбоорунун алкагында уюштурулууда.  Аталган мекеменин басма сөз кызматы кабарлагандай, кечки саат беште эски аянтта өтө турган акцияда ырчы-бийчилердин коштоосунда түрдүү оюн-зооктор, флешмобдор болот. Келгендерге жол эрежесин сактоо тууралуу кеңештер айтылат.  Кыргызстанда соңку жылдары... Читать дальше...

Өспүрүмдөр арасындагы токсикомания барган сайын өрчүп, аларды дарылаган, реабилитациялаган атайын стационардык бөлүм жок экенин Саламаттык сактоо министрлиги бирдирди. Спайс, желим, карб жыттаган жеткинчектер үчүн эл аралык донорлордун жардамы менен Бишкектеги Наркология борборунда 10 орундук бөлүм ачылган. Бирок донорлордун жардамы бүткөндөн кийин аталган бөлүм жабылып, токсикоман балдар кыска мөөнөттүк эле дарыланууга алынууда. Башкы нарколог Татьяна Борисова өлкөдө баңги өспүрүмдөрдү дарылоого... Читать дальше...

Кыргызстанда аялдар арасында ичимдикке берилгендердин саны жылдан жылга көбөйүп жатат. Мындай маалыматты Саламаттык сактоо министрлигинин башкы наркологу Татьяна Борисова билдирди. Бишкектеги наркологиялык борбордо аялдардын бөлүмүндө 15 гана орун болсо, ага жатып дарылангандар көбөйүп кеткендиктен дагы кошумча беш орун ачылды. Адистер аракка берилген аялдар менен иштөө абдан оор экенин белгилешүүдө. 2017-жылы Бишкекте ичкиликке берилип кеткендердин жалпы саны 3161 болуп, 2016-жылга салыштырмалуу 500 кишиге азайган. Читать дальше...

31-мартка белгиленген КСДП партиясынын курултайына журналисттер киргизилбейт. Бул тууралуу партиянын төрага орун басары Фарид Ниязов “Азаттык” радиосуна билдирди. Анын айтымында, курултай өтүүчү зал тар болгондуктан делегаттар гана батат. - Курултайга 190 делегат чакырылган. Зал тар болгондуктан алар араң батат. Ошондуктан журналисттер киргизилбейт. Бирок Алмазбек Шаршенович курултай бүтөрү менен маалымат жыйын өткөрүп, журналисттердин бардык суроолоруна жооп берет, - деди Ниязов. Ниязов кошумчалагандай... Читать дальше...

Кыргызстанда мүмкүнчүлүгү чектелген 25 адам программалык камсыздоо жана компьютердик сабаттуулук боюнча акысыз билим алат. Бул тууралуу Кыргызстандын программисттер ассоциациясынын аткаруучу директору Ширин Муканбетова билдирди. Курстун катышуучулары өлкөнүн бардык аймактарынан тандалып алынат. Аларды алты ай бою испаниялык IT адиси Серхио Моро окутат. Билим алып жаткандардын жатаканасы, тамак-ашы да бекер болот. Долбоор Европа Биримдигинин каржылык колдоосунда ишке ашууда. Социалдык өнүктүрүү министрлигинин маалыматы боюнча... Читать дальше...

Жайкы сахнанын ачылыш аземине өкмөт башчы Сапар Исаков, Ош шаарынын мэри Айтмамат Кадырбаев баштаган жетекчилер катышты. Салтанат учурунда улуттук кийимдердин коллекциясы көрсөтүлүп, шаардыктар үчүн концерттик программа тартууланды. Иш-чара 29-мартта болду. Шаар мэриясынын маалыматы боюнча, Ак-Буура дарыясынын үстүнө курулган подиум-көпүрө маданий эс алуучу иш-чаралар өткөрүлүүчү жай болот. Анда улуттук маданий көргөзмөлөр, концерттер, майрамдык салтанаттар белгиленмекчи. Курулуштун тендердик баасы 16,4 миллион сомду түзгөн. Читать дальше...

Айрым басылмаларга жарыяланган бул маалымат чындыкка дал келбесин өкмөттүн Оштогу өкүлчүлүгүнүн басма сөз катчысы Жумамидин Сулайманкулов "Азаттык" радиосуна билдирди: - 29-мартта Фергана шаарында Кыргызстан менен Өзбекстандын чектеш облус жетекчилеринин алгачкы кеңешинде козголгон маселелер арасында жайыт маселеси да өзбек тараптан көтөрүлгөн. Кыргыз өкмөтүнүн Ош облусундагы ыйгарым укуктуу өкүлү Таалайбек Сарыбашев журналисттерге өзбек тарап Союз учурунда ижарага пайдаланып келген Алай районундагы... Читать дальше...

Жогорку Кеңештин депутаты Курманкул Зулушев кечээ "азыркы өкмөт бардык тармактар боюнча банкрот болду" деп катуу сынга алды. Сапар Исаков баштаган өкмөт кандай иштеп жатат? Аны кызматтан кетирүүгө кызыккан күчтөр барбы?

Өзбек премьер-министри Абдулла Арипов жолугушуу жемиштүү болгонун белгилеп, жыйында эки тарап көп маселе боюнча бир пикирге келгенин билдирди. Анын айтуусунда жыйында көтөрүлгөн маселелерди чечүү боюнча тиешелүү органдарга тапшырма берилет. Кыргызстандын өкмөт башчысы Сапар Исаков чектеш жайгашкан аймактардын кызматташтыгы эки тараптуу мамилеге өзгөчө маанилүү экенин айтты. "Биз күн тартибине коюлган көп маселе боюнча келише алдык деп ишенимдүү айта алам. Биздин делегация аймактар аралык кызматташтыктын... Читать дальше...

Буга калың жааган суу кар себеп болгонун алайкуулук тургун Бакыт Бердалиев "Азаттык" радиосуна билдирди. Анын айтымында, эки күндөн бери тынымсыз жааган кардын калыңдыгы 35 сантиметрге жетип токтоду. Кардан улам электр зымдары үзүлүп, аймактагы Алайкуу, Кызыл-Жар, Ой-Тал айыл өкмөттөрү жарыксыз калган: - Дээрлик үч күн болду электр энергиясы жок. Райондун борборуна баруучу жолдор жабык. Айылыбыздагы дүкөндөрдө азык-түлүк да азайып жатат. Азырынча кыйынчылык ушул. Бул маалыматты Кара-Кулжа районунун акими Примберди Дыйканов да ырастады. Читать дальше...

Казакстандын Караганды облусундагы "АрселорМиттал Темиртау" шахтасында иштеп, жараат алган кенчилер жөлөк пулду көбөйтүүнү талап кылышты. Алар “Коргоо” кесиптик кошуунуна жардам сурап кайрылышты. "Коргоо" кесиптик кошуунунун төрагасы Марат Миргаязов “декабрда кенчилер иш таштагандан кийин айлык акысы жогорулап, ушундан кийин өндүрүштө жараат алган майып-кенчилер дагы жөлөк пулду көтөрүүнү талап кылышууда” деди. Кесиптик кошуун Эмгек жана калкты иш менен камсыздоо министрлигине кат жолдоду. Мындан... Читать дальше...

Түркмөнстандын Жогорку экономикалык банкы февралдын ортосунда 30 миңдей Visa картанын 29 миңин чектегени белгилүү болду. "Түркмөнстандын альтернативдүү жаңылыктары” кабарлагандай, карталарга бөгөт коюлгандыктан, чет өлкөдө жүргөн түркмөнстандыктар акчасын албай калган. Басылма өз булактарына таянып билдиргендей, Visa карталарын президент Гурбангулы Бердымухамедовдун үй-бүлөсүнө жакын кишилер жана тандалма бизнесмендер гана колдоно алат. “Азаттыктын” түркмөн кызматы Түркмөнстандын Мамлекеттик банкынан бул боюнча комментарий ала алган жок. Читать дальше...

Орус президентинин басма сөз катчысы Дмитрий Песковдун түшүндүрмөсү боюнча, миңдеген кишиден турган топ менен сүйлөшүү "Путиндин стили" эмес. Ал муну Жогорку экономика мектебиндеги ток-шоу учурунда айтты. Кремлдин басма сөз катчысы Путинди популизмден алыс "так президент" деп атады. Кемеровонун губернатору Аман Тулеевдин митингге чыккан оппозицияны "бөлүп-жаруучулар" деп атаганы ийгиликсиз болуп калганын белгиледи. "Чыныгы оппозициясы жок өлкө жашай албайт" деген Песков орус оппозициясы Григорий Явлинский... Читать дальше...

Москва Скрипалдын ууланышына байланыштуу орусиялык дипломаттарды чыгарып жаткан бир катар өлкөлөргө жооп кылып, алардын элчилик өкүлдөрүн чыгарат. Бул тууралуу орус тышкы иштер министри Сергей Лавров билдирди. Орусиядан АКШнын 60 дипломаты чыгарылат, алардын 58и Москвада, экөө Екатеринбургда иштеген. Аларга өлкөдөн 5-апрелге чейин чыгып кетүү эскертилди. Эки күн ичинде АКШнын Санкт-Петербург шаарындагы башкы консулдугу да жабылат. Орусиялык дипломаттарды чыгарарын 22 өлкө билдирген. Анын ичинде Евробиримдик өлкөлөрү... Читать дальше...

Орус өкмөтү каржыланган Russia Today телеканалынын АКШнын борбор калаасында көрсөткөн эки тв-станциясы (WNVT жана WNVC) 1-апрелден баштап ишин токтотот. Телеканал жергиликтүү кабелдик системадан да жоголот. Телеканалдын башкы редактору Маргарита Симоньян Russia Today Вашингтондо башка булактар аркылуу чыга берерин билдирди. Анын айтымында, канал ишин "чет элдик агент" макамына байланыштуу токтоткон. Бул макам телеканалга өткөн жылы ноябрда берилген.  Былтыр январда АКШнын борбордук чалгын башкармалыгы... Читать дальше...

Өзбекстанда окуучулар ата-энелеринин коммуналдык кызматы үчүн карыздары тууралуу маалыматтарды чогултууга милдеттендирилди. 26-мартта Ташкент облусунун Янгийул районунда 6-9-класстын окуучуларына үйүндө суу, газ жана электр энергия үчүн эсептегичтеги көрсөтмөлөрдү толтуруу боюнча анкета таратылган. Үч күн ичинде анкетаны толтурбагандарга начар баа коюлары эскертилген. Бул жергиликтүү тургундардын түшүнбөстүгүн жаратты. Янгийул районундагы мектеп директорлорунун бири мындай көрсөтмө жергиликтүү бийликтен келгенин айтты. Читать дальше...

Кадамжайдын Майдан айыл өкмөтүндө жайгашкан Бел-Алма көмүр кенин иштетүүдөгү коррупциялык иштер жана облустук УКМК кызматкерлеринин аракети тууралуу 30-мартта жергиликтүү активисттер маалымат жыйын өткөрмөкчү. Алар кенди иштетип жаткан компания мурда берген убадасын аткарбай жатканын белгилешүүдө.  Бел-Алма көмүр кенин чалгындоого уруксат алган “Беш-Арча ”ишканасы кенди коррупциялык жолдор, мыйзам бузуу менен казып жатканын айткан жергиликтүү тургундар бир топ убакыттан бери нааразылык билдирип келет. Читать дальше...

Башкы көзөмөл органынын өкүлдөрү Коопсуздук кеңешинин чечимине ылайык ИИМ, прокуратура жана сот органдарындагы коррупцияга каршы жүрүп жаткан күрөш тууралуу журналисттерге маалымат берет. Кызматтык, экономикалык кылмыштарга, мамлекеттик мүлктү уурдоого байланышкан коррупциялык аракеттерге байланыштуу токтотулган, кыскартылган кылмыш иштери жөнүндө да айтылат. Маалымат жыйынга баш прокурордун орун басары Нурлан Дүйшөмбиев, Башкы прокуратуранын ички иликтөөлөр бөлүмүнүн башчысы Марс Абышкаев, экономикалык... Читать дальше...