Новости за 18.02.2019

Жумгал районунда хоккейге кызыгуу күч. Кокус барып калсаңыз көк муштум болгончо муз аянтында жүргөндөрдү көрөсүз. Элеттиктердин мындай жапырт кызыгуусунан улам, Жумгалдын ар бир айылына атайын хоккей борттору коюлуп, хоккей мектептери ачылды.

Мамлекеттик бажы кызматынан "Азаттык" радиосуна кабарлашкандай, товардын жалпы суммасы 500 миң сомдон ашат. Мыйзамсыз товарлар Оштогу "Достук” өткөрмө пунктунан 200 метр алыстыкта, Кыргызстан менен Өзбекстандын чек арасын бөлүп турган тосмо зымдын түбүнөн табылган. Мүшөктө Өзбекстанда пахтадан согулуп, тигилген көйнөктөр болгон. Жүктүн ээси табыла элек. Бул факт маалыматтарды каттоо журналына катталып, тергөө үчүн Ош облустук прокуратурасына өткөрүлүп берилди. Кыргызстан 2012-жылдан бери Евразиялык экономикалык биримдикке мүчө. Читать дальше...

Жол кыймылынын эрежесин бузуу болгон-болбогону 10 күн аралыгында гана билинет. Бул тууралуу бүгүн 18-февралда «Азаттык» радиосуна Жол коопсуздугун камсыздоо башкы башкармалыгынын басма сөз катчысы Тилек Оторов билдирди. Оторовдун белгилешинче, маалыматтар «Инфокомдун» базасына, андан соң башкармалыктын Мониторинг борборунун базасына келип түшүп жатат: - Бузуулар жөнүндөгү кодекс боюнча бузуулар тууралуу келип түшкөн бардык кабарлар 10 күндүн ичинде каралып чыгып, юридикалык баа берилгенден кийин гана бузуу болуп эсептелет. Читать дальше...

Коомдук телеканалдын Байкоочу кеңешинин мүчөсү Азамат Болгомбаевдин "Азаттыкка" билдиргени боюнча, 18-февралда КТРКга жетекчи болууну каалаган 11 талапкер арыз тапшырды: "Ушул сааттарга карата он бир талапкер арыз берди, бүгүн кечке чейин дагы көбөйүшү ыктымал". Болгомбаевдин айтуусунда, бүгүн саат 17:00дө КТРК жетекчилигине талапкерлерден арыз алуу аяктайт. Талапкерлердин аттары арыздар кутучадан алынгандан кийин гана белгилүү болот. "Коомдук телерадиоберүү корпорациясы жөнүндө" мыйзамга ылайык, башкы директор төрт жылга шайланат. Читать дальше...

Орусиянын тышкы иштер министринин орун басары  Сергей Вершинин Ливан менен Ирак Астана жыйынына катышууга даярдыгын жана алардын аталган сүйлөшүүлөргө байкоочу катары катышуу мүмкүнчүлүгү бар экенин билдирди.

Катар дүйнөдөгү бай өлкөлөрдүн бири. Бул жакка акыркы жылдары кыргызстандыктар көбүрөөк кызыгууда. Иштеп, каражат тапканга мүмкүнчүлүк издеп жатышат. Жол-жобосу, шарттары кандай? "Элдик экономика" түрмөгүндө сөз кылалы.

Бишкек-Ош магистралынын Жайыл районундагы аймагында жүргүнчү ташыган "Мерседес-Бенц" үлгүсүндөгү автоунаа менен жүк ташыган "Мерседес-Бенц" автоунаасы кагышкан. Натыйжада алты киши жаракат алып, Жайыл райондук ооруканасына жеткирилди. Алардын ичинен салондо кысылып калган экөөнүн абалы оор деп бааланууда. Өзгөчө кырдаалдар министрлигинин маалыматы боюнча, окуя 17-февралдын таңында болгон. (ZKo)

Кыргызстан «ВСП+» - Жалпы жеңилдиктер системасын колдонууга уруксат алгандан бери Европа биримдигине экспорту эки эсе өстү. Ишкерлер үч жыл мурда 50 млн. долларлык товар жөнөтсө, былтыр бул сумма 100 млн. долларга чукулдады.

Финансылык чалгындоо кызматы терроризмди каржылоо жана арам акчаны адалдоонун тобокелчиликтерине баа берүү боюнча иш-аракеттерин жүргүзүүдө. Бул тууралуу аталган кызматтын басма сөз кызматы маалымдады. Ага ылайык, арам акчаны адалдоонун тобокелчиликтерин иликтеген Евразиялык топ Кыргызстанга бул жаатта иштөөдө бардык кызыкдар тараптар менен терең жана тыгыз иш алып барууну, терроризмди каржылоого жана арам акчаны адалдоого каршы улуттук стратегия иштеп чыгууну сунуш кылган. Маалыматта айтылгандай... Читать дальше...

Акча которуу системалары аркылуу 2018-жылы 542,2 миллион доллар Кыргызстандан чет өлкөлөргө которулду. Бул тууралуу маалымат Улуттук банктын сайтында жарыяланды. Бул көрсөткүч 2017-жылга салыштырмалуу 90,3 миллион долларга көп. Өлкөнүн башкы каржы көзөмөлдөөчү мекемеси кабарлагандай, 2018-жылы ошондой эле чет жактагы мигранттар Кыргызстанга 2 миллиард 685,3 миллион АКШ долларын которду. Буга чейин “Азаттык” чет жакка акча которуулардын кескин көбөйүшүнүн себептерин иликтеген. Улуттук банк жеке... Читать дальше...

Душанбе Тажикстан менен Ооганстанды байланыштырган Пянж дарыясындагы көпүрөнү бир жарым айдан кийин ачты.

Жакынкы тарыхка чейин эле заттын эң майда бөлүкчөсү катары атом кабыл алынып келген.

Кыргызстандын аймактарында эл аралык стандарттарга жооп бере турган, айыл чарба азыктарын сактоочу 11 логистикалык борбор иштеп жатат. Бул тууралуу “Азаттыкка” Айыл чарба жана мелиорация министрлигинин статс-катчысы Максат Ташболотов билдирди. Анын айтымында, бул кампалардын сыйымдуулугу кеминде 1500-2000 тоннага жетет. Министрликтин өкүлү белгилегендей, мындай логистикалык борборлор келечекте 453 айыл өкмөттө бирден, болбосо жалпы Кыргызстанда 300-400гө чейин жетиши керек. Учурда сыйымдуулугу азыраак кампалар да бар. Читать дальше...

Борбор калаада Эл аралык футбол федерациясынын (ФИФА) талабына төп келген стадиондун курулуусу пландалып жатат.

Нигериянын  көз карандысыз улуттук шайлоо комиссиясы президенттик шайлоонун мөөнөтүн бир жумага жылдыруу чечимин  кабыл алды.

Конго демократиялык республикасынын түштүк чыгышында чыккан кызамык эпидемиясынан жылдын башынан бери 137 бала каза тапты.

ГРУнун мурдагы полковниги жана британ тыңчысы Сергей Скрипалдын саламаттыгы начарлап, дарыгерлер ага керектүү жардам көрсөтүп жатышат. Бул тууралуу британиялык "The Sunday Times" басылмасы британ атайын кызматындагы өздүк булактарына таянуу менен кабарлады. Дарыгерлердин пикиринде, Скрипал ууландырылган “Новичок” химиялык заты организмден чыгарылгандан кийин да адамга таасир эте бериши мүмкүн. Скрипал жана анын кызы Юлия 2018-жылдын март айында ууландырылган. Британ тергөөчүлөрү билдиргендей... Читать дальше...

Коомдук телерадиоберүү корпорациясынын жетекчилик ордуна жети киши арыз берди. Бул тууралуу “Азаттыкка” каналдын Байкоочу кеңешинин төрагасы Жыпар Жекшеев билдирди. Ал талапкерлердин аттары арыздар кутучадан алынгандан кийин гана белгилүү болоорун айтты. Документтерди кабыл алуу бүгүн, 18-февралда аяктайт.  Коомдук телерадиоберүү корпорациясы жөнүндө мыйзамга ылайык, башкы директор төрт жылга шайланат. Байкоочу кеңеш жабык добуш берүү жолу менен тандайт. Сынак КТРКнын азыркы жетекчиси Илим... Читать дальше...

Кыргызстан «ВСП+» - Жалпы жеңилдиктер системасын колдонууга уруксат алган соңку үч жылдан бери Европа биримдигиндеги өлкөлөргө экспорту өстү. Бул тууралуу “Азаттыкка” Экономика министрлигинин өкүлү Бүбүсара Токтоналиева билдирди. - Эгер алтынды эсепке албай, санак жүргүзсөк 2018-жылы Европа биримдигиндеги өлкөлөргө биздин экспортубуз 95 млн. долларды түздү. Бул 2017-жылга карата салыштырмалуу дээрлик 1,60 эсе өстү дегенди билдирет. Токтоналиеванын айтымында, Кыргызстан «ВСП+» – Жалпы жеңилдиктер системасына кошулганга чейин... Читать дальше...

18-февралда Бишкек Жылуулук электр борборун (ЖЭБ) модернизациялоого байланыштуу «Коррупция» беренеси менен козголгон кылмыш иши боюнча баштапкы соттук угуулар өтөт. Бул тууралуу анда айыпталып жаткан экс-премьер-министр Сапар Исаковдун адвокаты Нурбек Токтакунов билдирди. Отурум Бишкек шаарынын Свердлов райондук сотунда саат 14:00дө башталат. Ишти судья Инара Гилязетдинова карайт деп айтылып жатат. Аталган ишти бир апталык изилдөөдөн кийин Башкы прокуратура айыптоо корутундусун бекитип, 13-февралда сотко өткөрүп берген. Читать дальше...