Новости за 20.02.2019

Аткаминерлердин оюну 23-февраль күнү саат 10.00дө башталат.

Кыргызстандын мурдагы президенти Алмазбек Атамбаевди жана Мамкаттоонун мурдагы төрагасы Тайырбек Сарпашевди сотко берген жарандын арызы артка кайтарылды. Бул тууралуу Жогорку соттун басма сөз кызматы кабарлады. Чүй облусунун Аламүдүн райондук сотуна Айдар Халиков аттуу жаран 2019-жылдын 19-февралында колго жазылган арыз менен кайрылган. Анда ал көчүп келгендигине байланыштуу паспорттон "улуту" графасын алып салгандыгын мыйзамсыз деп табууну өтүнүп, ал үчүн экс-президент Атамбаевди жана мамлекеттик... Читать дальше...

Шейшембиде Аргентинада жүздөгөн аял бойдон алдырууну мыйзамдаштырууну талап кылып, өлкө парламенти - Улуттук конгресстин имаратынын алдына демонстрацияга чыгышты. Былтыр депутаттар абортту мыйзамдаштыруудан баш тартышкан. Түштүк Америкадагы бул мамлекетте бойдон алдыруу эненин саламаттыгына коркунуч жаралганда же зордуктоодон улам бойго бүтүп калганда гана уруксат берилет. Анткен менен Саламаттык сактоо министрлиги жыл сайын Аргентинада 350 миңдей аял мыйзамсыз бойдон алдыра турганын билдирүүдө. Читать дальше...

Израилдин премьер-министри Биньямин Нетаньяху Москвага белгиленген сапарын токтотту. Бул тууралуу шаршембиде Израилдин маалымат каражаттары жазып чыгышты. Маалыматка караганда, сапардын токтотулушу Израилдеги ички саясий абал менен байланыштуу.  Нетаньяху 21-февралда Орусияга иш сапары менен барганы жаткан.  Кремлдин басма сөз кызматы Нетаньяху менен Орусия президенти Владимир Путин соода-экономикалык, гуманитардык кызматташтыкты талкуулап, Сириядагы кырдаал, Палестина-Израил маселесин жөнгө салуу тууралуу пикир алмашаарын кабарлаган.

Анастасия Бакырдинова бир айдан бери кыргыз тил курсуна барат. Эки жыл мурун нарындык жигитке турмушка чыккан келин кыргыз тилин билүү зарыл экенин түшүнгөн. Настя барган тил курсуна башка улуттун өкүлдөрү да келишет.

Ооганстандын чыгышындагы Лагман провинциясында автоунаа жолго коюлган бомбага урунуп, анын ичиндеги алты карапайым жаран каза тапты. Провинция бийлигинин өкүлү Асадулла Давлатзай окуя 19-февралда, маркумдар Каргай району тарапка баратканда болгонун ырастады.   Жардыруу үчүн жоопкерчиликти азырынча эч ким мойнуна ала элек. Бирок "Талибан" кыймылынын согушкерлери жергиликтүү жана чет элдик коопсуздук күчтөрүнө жарылуучу заттарды коюп жүрүшөт. Мындай иштен карапайым жарандар жабыркаган учурлар көп. Читать дальше...

Орусиянын Мамлекеттик чалгын башкармалыгынын мурдагы кызматкери Сергей Скрипалдын энеси былтыр мартта Британиянын Солсбери шаарында ууландырылган уулу менен небересин дайынсыз жоголгон деп табуу өтүнүчү менен Москва полициясына кайрылды.  Анын Виктория аттуу жээни "Интерфакска" билдиргендей, эгерде Скрипаль менен кызы Юлия дайынсыз жоголду деп табылса, энеси алардын мүлкүнө ээлик кыла алат.   Сергей менен Юлия Скрипаль 2018-жылдын 4-мартында Солсбериде эс-учун жоготкон абалда табылган. Британ... Читать дальше...

Орусия президенти Владимир Путиндин Федералдык Кеңештеги жылдык кайрылуусу угулуп жатат.  Путиндин кайрылуусу ага карата элдин ишеними төмөндөп кеткени тууралуу сурамжылоолор чыккан учурга дал келди.  Орусиянын лидери бийлик тизгинин президент жана премьер-министр катары 1999-жылдан бери кармап келатат.  2018-жылдын мартында өткөн шайлоодо 66 жаштагы Путин төртүнчү жолу алты жылга президент болуп шайланган. Саясий атаандаштары аны "саясий оппозицияны басып, бийликти монополияга айлантты" деп сындап жүрүшөт. Читать дальше...

Айлана-чөйрөнү коргоо жана токой чарба мамлекеттик агенттигинде аудит жүргүзүлүп, 15 миллион сомдук каржылык мыйзам бузуу аныкталды. Бул тууралуу бүгүн, 20-февралда өлкөнүн Эсеп палатасынын басма сөз кызматы билдирди. Мекеменин маалыматына караганда, акчанын жана товардык-материалдык баалуулуктардын кем чыгышы 510 миң, каражат чыгымдоодогу эреже бузуу жана кемчилик 13 миллион 833 миң, бюджеттин ашыкча кошуп эсептелген кирешелери 640 миң жана Социалдык фонддун бюджетине ашыкча кошуп эсептелген кирешелери 291 миң сомду түзгөн. Читать дальше...

Эл аралык республикалык институт (IRI - International Republican Institute) жүргүзгөн изилдөөнүн жыйынтыгы боюнча азыркы президент Сооронбай Жээнбековго суралгандардын 27 пайызы ишеним көрсөтөрүн айткан. Суралгандардын 14 пайызы саясатчы Адахан Мадумаровго ишенет. Өмүрбек Бабанов 13 пайыздык ишенимге жете алса, "Ата Мекендин" абактагы лидери Өмүрбек Текебаевге суралгандардын 9 пайызы ишенерин билдирген. Андан кийинки сапта 8 пайыз менен Камчыбек Ташиев турса, Сапар Исаковго болгон ишеним анын тең жарымын же 4 пайызды түзгөн. Читать дальше...

Мындай чечимди Көк бөрү федерациясы кабыл алган.

20-февралга карата 49 823 салык төлөөчү бирдиктүү салык декларациясын тапшырды. Бул тууралуу Мамлекеттик салык кызматынын басма сөз бөлүмү кабарлады. Анын ичинде 9 169 юридикалык жак, 25 732 жеке ишкер, 4 387 жеке жаран, 5 860 салык салынуучу кирешеси жок жеке жарандар жана 4 675 мамлекеттик жана муниципалдык кызматкер бар. Мыйзамга ылайык юридикалык жактар 1-мартка чейин, ал эми жеке жарандар 1-апрелге чейин былтыр тапкан кирешелери же ээлик кылган жер тилкелери менен мүлкү, экономикалык ишмердиги... Читать дальше...

24 жаштагы кыргызстандык Раманбек Бейшеналиев - Орусиядагы Мариинский театрында балет бийчиси.

21-февралда Кыргызстандын аймагында түнкүсүн жаан-чачын болбойт. Күндүз Чүй, Талас, Ош, Жалал-Абад, Баткен облустарынын көпчүлүк аймактарында жаан, кар, тоо этектеринде жана тоолуу райондорунда кар жаайт. Нарын, Ысык-Көл облустарында жаан-чачын болбойт. Батыш тараптан келген шамалдын ылдамдыгы секундасына 4-9 метрден, Чүй, Талас, Ысык-Көл облустарынын кээ бир райондорунда 15-20 метрге жет. Абанын температурасы: Чүйдө жана Таласта түнкүсүн -2...-7, күндүз -1...-6, Ысык-Көлдө түнкүсүн -5...-10... Читать дальше...

Америкалык “The Washington Post” басылмасы Тажикстандын аймагында Кытайдын жашыруун чек ара бекети жайгашканын жазып чыкты. Журналисттер расмий Дүйшөмбү менен Бээжинден бул тууралуу так маалымат ала алышкан эмес.  Гезиттин маалыматына караганда, Кытайдын чек ара бекети Мургаб районундагы ооган-тажик чек арасындагы Вахан бекетине чукул жайгашкан. Басылманын журналисти Гарри Ших тажик-ооган чек арасына барганда Кытайдын “чакан аскер базасын” да көрүп келген. Ших Мургабдагы базарда кытайлык аскерлерге кезиккен... Читать дальше...

Бишкекте жазында хоккей боюнча эл аралык мелдеш өтөт. Ага Орусиядан, АКШдан, Словениядан, Польшадан жана башка өлкөлөрдөн спортчулар чакырылган. Бирок азырынча алар так жообун бере элек. Бул тууралуу "Азаттыкка" Бишкек шаарынын дене тарбия жана спорт башкармалыгынын башчысынын милдетин аткаруучу Мейрхан Аманбеков кабарлады.  Мэрдин кубогу ушуну менен үчүнчү ирет өткөрүлүүдө. Буга чейинки мелдешке былтыр Орусия менен Казакстандан оюнчулар келишкен. Анда Кыргызстандык хоккейчилер экинчи орун алып... Читать дальше...

Буга чейин Жогорку Кеңеш өкмөткө карата «укуктук ченемдеринен аша чаап жатат» деген сынга кабылып келсе, эми Жогорку соттун парламентке жыл сайын отчет бериши Баш мыйзамга каршы келери айтылууда.

Аскар Акаев Улуттук илимдер академиясынын академиктер тизмесинен чыгарылган жок. Бул тууралуу «Азаттыкка» Улуттук илимдер академиясынын басма сөз катчысы Ыкыбал Айдарова билдирди. Буга чейин «Акипресс» маалымат агенттиги «Кыргызстандын туңгуч президенти Аскар Акаев Улуттук илимдер академиясынын башкаруучу кеңешинин тизмесинен чыгарылды» деген маалымат тараткан. Ыкыбал Айдарова бул маалыматты төгүндөп, Акаев болгону жылдык жыйынга катышуучу мүчөлөрдүн курамынан чыгарылганын билдирди: - Акаевди академиктердин мүчөлүгүнөн алып салышкан жок. Читать дальше...

Ысык-Көл облусуна эс алууга келген белгиялык турист кар көчкү астында калып каза болду. Бул тууралуу “Азаттыкка” Ысык-Көл облустук өзгөчө кырдаалдар башкармалыгынын башчысы Замирбек Жумагазиев билдирди. Анын маалыматына караганда 13-февраль күнү Белгия мамлекетинин жарандары, 38 жаштагы Дриз Эмил Кукенс жана анын карындашы, 34 жаштагы Кларте Март Кукенс Каракол шаарына конокко келишкен. 16-февраль күнү алар Ак-Суу районунун Боз-Учук капчыгайына лыжа тебиш үчүн Д.Забиров, М.Турсунбеков, А.Асанов... Читать дальше...

АКШнын президенти Дональд Трамп өлкөнүн жаны куралдуу күчтөрүн түзүү жөнүндө буйрукка кол койду. Ага ылайык космостук аскерлер түзүмү негизделет жана алар өлкөнүн космостогу кызыкчылыгын коргоону максат коет. Өткөн жумада АКШнын аскердик чалгын агенттиги жарыялаган баяндамада АКШнын потенциалдуу каршылаштары катары Орусия жана Кытай аталган. Баяндамада Москва менен Бээжин АКШ менен космосто күрөшүүгө бир катар чараларды көрүп жатканы жазылып, алар аскердик жандоочторду, энергетикалык куралды... Читать дальше...

Талас шаардык кеңешинин депутаттары бүгүн кезексиз сессияга чогулуп, мэрди иштен алуу боюнча маселени карашты. Бул тууралуу “Азаттыкка” кеңештин депутаттары билдиришти. Маалым болгондой, жыйынга жалпысынан 28 депутат катышкан. Анын 18и калаа башчы Айдар Жузупбековду кызматтан алууга макул экендигин билдирсе, тогузу каршы болгон. Дагы бир депутаттын добушу жараксыз деп табылды. Добуш берүү жабык өттү. Натыйжада депутаттардын мэрди кызматтан алуу аракети ишке ашкан жок. Мэрге ишеним көрсөтпөш үчүн тиешелүү чечимге 21 депутат макул болушу керек.

Иран Ислам Республикасынын январь айындагы мунай экспорту күтүлгөндөн дагы жогору болду.

Ош шаарынын мэри Таалайбек Сарыбашов Кыргызстандын Футбол федерациясынын президенти Канатбек Маматов жана “Алай” футболдук клубунун курамы менен жолугушту. Жыйында “Алай” командасын 2018-жылы өлкөнүн вице-чемпиондук наамына ээ болгондугу үчүн сыйлоо аземи болду. Анда Футбол федерациясынын президенти Канатбек Маматов команданын жалпы курамына вице-чемпиондук медалдарды жана 280 миң сом акчалай сыйлык тапшырды. Ал эми Ош шаарынын мэри “Алай” клубунун вице-президенти Сеитбек Аматовго, командага 100 миң сом акча каражатын берди. Читать дальше...

Камбар-Ата-1 ГЭСин Өзбекстан менен чогуу куруу боюнча жумушчу топ жакында Ташкентке барат. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасынын орун басары Айтмамат Кадырбаев Жогорку Кеңештин депутаты Бакыт Төрөбаевдин суроосуна жооп берип жатып билдирди: - Камбар-Ата-1 боюнча атайын жумушчу топ түзүлдү. Жакын арада ошол топтун Өзбекстанга барышы күтүлүп жатат. Ал 2018-жылдын аягында түзүлгөн. Бул тууралуу алдын-ала телефон аркылуу байланышуу болду. Читать дальше...

"Кумтөр" алтын кенин казган ишкана жылына Петров көлүнөн 5 миллион куб/метр суу пайдаланат. Бул тууралуу "Кыргызалтын" ачык акционердик коомунун төрагасынын орун басары Мурадил Жумадил уулу Жогорку Кеңештин депутаты Кожобек Рыспаевдин суроосуна жооп берип жатып билдирди. Бирок "Кыргызалтындын" өкүлү Петров көлүнүн суусуна жана мөңгүлөргө компенсация төлөө боюнча сүйлөшүүлөр Суу кодексине жана "Суу жөнүндө мыйзамга" өзгөртүүлөр кабыл алынгандан кийин гана башталарын айтты. Депутат Рыспаев "Кумтөрдөн"... Читать дальше...