Новости за 20.02.2019

Бишкекте көчөлөрдүн дээрлик 12 пайызынын аталышы жок. Бул тууралуу өкмөттө эл каттоого даярдык талкууланган жыйында айтылды. Жалпысынан республика боюнча көчөлөрдүн 5% аталышы жок. Эң көбү Бишкекте. Ош облусунда – 9 Талас жана Баткен облустарында – 6,7%. Ал эми аталышы бар, бирок бир да жазуусу жок көчөлөрдүн саны дээрлик 33%. 2020-жылы Кыргызстанда эл жана турак жай фондун каттоо өнөктүгү өтөт. Пилоттук негизде каттоо алгач быйыл 25-марттан 3-апрелге чейин Чүй районунун жана Токмок шаарынын аймагында өтөрү маалым болду. Читать дальше...

Кытай бийлиги АКШнын Иранга каршы санкцияларына карабай Ирандан мунай сатып алууну улантат деп Кытайдын тышкы иштер министрлигинин басма сөз катчысы Гэн Шуан маалымдады.

Жалал-Абад шаарында кишенделген абалда жардам сураган окуучу кыз реабилитациялык борборго жаткырылды. Бул тууралуу 20-февралда “Азаттык” радиосуна шаардын социалдык өнүгүү башкармалыгынын өкүлү Назира Жакыпова билдирди. Адистин айтымында, окуя шейшемби күнү болгон. Колу кишенделген 16 жаштагы окуучу кыз жардам сурап үйдөн көчөгө качып чыккан. Милиция териштиргенде ал 9-класстын окуучусу экени, ата-энеси ажырашып жаткандыктан атасына баруусуна тыюу салган апасы кыздын колун тушап, үйдөгү жылуулук батареясына байлап койгону аныкталган. Читать дальше...

Кыргызстандык балет бийчиси Фарух Садыркулов Москвада өткөн DANCEMOSCOW эл аралык сынагында биринчи орунга татыды. 17-февралда жыйынтыкталган сынакка классикалык, элдик-сахналык жана заманбап хореографиялык багытта бийлеген жаш артисттер катышты. Кыргыз улуттук опера жана балет театрынын маалыматына караганда, бул маданий мекеменин алдыңкы солисти Фарух Садыркулов Кыргызстандын хореографиясынын тарыхында аталган эл аралык сынакта биринчи орунду ээлеген алгачкы бийчи болуп калды. Садыркулов... Читать дальше...

Шейшемби күнү Пекинде Иран Ислам Республикасынын тышкы иштер министри Кытайдын тышкы иштер министри менен жолугушту.

2020-жылы Кыргызстанда эл жана турак жай фондун каттоо өнөктүгү өтөт. Бул тууралуу өкмөттүн басма сөз кабарлады. Мекеменин маалыматына караганда, каттоого даярдык биринчи вице-премьер-министр Кубатбек Боронов өткөргөн жыйында талкууланды. Анда каттоо пилоттук негизде алгач быйыл 25-марттан 3-апрелге чейин Чүй районунун жана Токмок шаарынын аймагында өтөрү маалым болду. Боронов «2020-жылы эл жана турак жай фондун каттоо бул жөн эле статистика эмес, бул өтө маанилүү мамлекеттик деңгээлиндеги чоң иш-чара” деп белгиледи. Читать дальше...

Сугат сууну пайдалануудан  2018-жылы 61 миллион сом түшкөн. Бул тууралуу каржы министринин орун басары Алмаз Азимов Жогорку Кеңештин депутаты Руслан Казакбаевдин суроосуна жооп берип жатып билдирди: - 2018-жылы Кыргызстандын бюджетине ички суу пайдалануудан 61,1 миллион сом түшкөн.  Руслан Казакбаев бир жылда бир миллион долларга жетпеген акча түшкөнүн айтып, Айыл чарба, тамак-аш өнөр жайы жана мелиорация министрлигин сынга алды.  Депутат Дүйнөлүк саламаттык сактоо уюмунун стандарты боюнча... Читать дальше...

ИИР ТИМнин басма сөз катчысы Арабстан  такфирчиликтин борбору катары дүйнөлүк деңгээлде уюштурулган террорчулукту тарбиялап чыгараарын жарыялады. 

Мамлекет башчысы Сооронбай Жээнбековдун Баткен облусуна бир күндүк иш сапары башталды. Ушу тапта президент Кызыл-Кыя шаарынын жана Кадамжай районунун активи менен жолугушуп жатат. Андан кийин Өтүкчү айылында жаңы ачылып жаткан "Факел" чек ара тозотунун имаратынын ачылышына катышат. Бул тууралуу "Азаттык" радиосуна өкмөттүн Баткен облусундагы ыйгарым укуктуу өкүлчүлүгүнүн басма сөз кызматы билдирди. "Факел" тозоту Өзбекстан менен 32 км чек араны кайтарат. Анын 12 км суу аркылуу өтөт. (JsA)

Кыргызстан Казакстандын гидропостторго эсептегич коюу талабын аткарбайт. Бул тууралуу Кыргызстандын Айыл чарба, тамак-аш өнөр жайы жана мелиорация министри Нурбек Мурашев ЖК депутаты Абдывахаб Нурбаевдин суроосуна жооп берип жатып билдирди:  - Бизге суу чарбасына ар бир гидропостко атайын автоматташтырылган эсептегич орноткула деп өзүнүн талабын койду. Биз аны аткарбайбыз. Себеби биз өзүбүзчө өкмөтпүз. Суунун канча кетип жатканы тууралуу маалыматты бизге берип тургула дейт. Эми ал Кыргызстандын өзүнүн купуя иши да. Читать дальше...

Кыргыз өкмөтү мамлекеттик органдардын коррупцияга каршы иш-чараларынын үч жылдык планын даярдады жана документти коомдук талкууга чыгарды.

Талас облусундагы аскер бөлүгүндө ур-токмоктон сол көзүнөн ажыраган жоокер Кубан Молдалиевдин иши сотко жиберилди. Бул тууралуу жоокерге укуктук жардам көрсөтүп жаткан “Кылым шамы” уюмунун жетекчиси Азиза Абдирасулова билдирди. Анын айтымында, иш Талас облустук сотунда же Бишкек шаардык сотунда каралат. Аскердик прокуратуранын кабарынан кийин гана так белгилүү болот. 2018-жылы жазында армияга чакырылган Кубан Молдалиев Мамлекеттик чек ара кызматынын №2029 аскердик бөлүгүндө кызмат кылып жүрүп ушул эле жылдын 11-июнунда таяк жеген. Читать дальше...

Тажикстанда эрте жана мажбурланган нике үй-бүлөдөгү уруш-талашка, ажырашууга, аялдардын өз жанын кыйышына жеткирип жатканын иликтөөлөр көрсөттү.

2018-жылдын жыйынтыгы менен орточо айлыктын өсүшү 3,8 пайызды түзүп, 16 218 сом деп эсептелди. Бул тууралуу Финансы министрлиги билдирди. Былтыр ноябрь айында Улуттук статистика комитети Кыргызстандагы бир айдагы орточо эмгек акынын өлчөмү 15 752 сом (226 доллар) сомду түзгөнүн кабарлаган. 2017-жылы болсо бул көрсөткүч 14 800 сом болчу. Эл аралык уюмдардын маалыматында 2018-жылы Борбор Азиядан Казакстанда орточо айлык 480 доллар, Түркмөнстан 320 доллар, Өзбекстан 235 доллар, Кыргызстанда 220 доллар, Тажикстан 110 доллар деп эсептелген. Читать дальше...

Париждеги антисемитизмге каршы акцияга 20 миңдей адам чыкты. Бул тууралуу франциялык басылмалар өлкөнүн Социалисттик партиясына таянуу менен жазды. Акция өткөрүү демилгесин бир катар партиялар, анын ичинде социалисттер, республикачылар жана президенттик “Алга, республика!” партиясы көтөргөн.   Митингдин катышуучулары “Антисемитизм жана жек көрүү жок болсун!” жана “Зомбулук токтосун!” деген плакаттарды кармап турушту. Париждин Республика аянтындагы митингге Франциянын премьер-министри Эдуар Филипп... Читать дальше...

Орусиянын Санкт-Петербург шаарында он бир жаштагы кыргызстандык өспүрүмдүн өлүмүнө шектүү катары кармалган, анын тууганы Дастонбек Жалилов 19 жылга эркинен ажыратылды. Бул тууралуу соттун басма сөз кызматына таянуу менен орусиялык басылмалар кабарлады. Прокуратура өкүлдөрү Жалиловду өмүр боюу абакка кесүүнү өтүнгөн. Соттолуучу отурумда көрсөтмө берүүдөн баш тартты. Кандуу окуя былтыр январдын этегинде болгон. Кыргызстандын 42 жаштагы жараны анын уулу апасы менен жүрүп дайынсыз болуп жатканын айтып, милицияга арыз жазган. Читать дальше...

Кыргызстандын тышкы иштер министри Чыңгыз Айдарбеков Кытай Эл Республикасына расмий иш сапар менен барды. Бул тууралуу аталган министрликтен кабарлашты. Билдирүүдө айтылгандай, чет элдик саясат боюнча мекеменин башчысы Кытайдын тышкы иштер министри Ван И менен жолугушат. Мындан башка расмий өкүлдөр менен да кездешүү болот. ТИМ иш сапар учурунда кытайлык кыргыздардын бул өлкөдөгү тарбиялоочу деп аталган лагерлерде камакка алынганы сөз болобу, жокпу тактаган жок. Кытайда башка азчылык улуттун... Читать дальше...

20-февралдан 24-февралга чейин Бишкек шаарындагы Бакен Кыдыкеева атындагы Кыргыз мамлекеттик жаш көрүүчүлөр театрында “Кат-кагаз учактар” ("Письма-самолётики") спектакли коюлат. Бул тууралуу “Азаттыкка” иш-чаранын уюштуруучуларынын бири Алтын Капалова билдирди. Анын айтымында, театрдык оюн куурчактар менен артисттердин аралашуусунда аткарылат. Ал чоңдорго балалык, өмүр, өлүм жана кыял темасы жөнүндө баяндап берет. Спектакль жазуучу Эрик-Эмманюэль Шмитттин “Оскар и Розовая дама” чыгармасынынын негизинде жазылган. Читать дальше...

Бишкек шаардык мэриясынан кабарлашкандай, суу өткөрүүчү жаңы түтүктөрдү орнотуу иштери дээрлик аяктады. Муздак суу мэрия убадалагандай түнү саат 24:00дө эмес, таңга жуук үйлөргө келе баштады. Жылуу суу айрым үйлөргө жете элек. 35 жаңы скважинаны пайдаланууга бериш үчүн түтүктөрдү туташтыруу максатында кечээ, 19-февралда Бишкектин 20дай кичирайонунда, 10 чакты массивде жана 10 чакты айылда суу берүү токтогон. Буга байланыштуу кырктан ашуун мектеп, бала бакча жана бейтапкана иштеген эмес. Суу... Читать дальше...

Учурунда “Азаттык” үналгысынын өрүшүнө өз салымын кошкон чыгыш таануучу, урал-алтай таануучу, профессор Чарлз Карлсондун 80 жылдык мааракесине арналган блог.