Новости за 26.02.2019

«Твиттерде» #metoosebat деген хэштег менен акция жүрүп жатат.

Улуттук банктын төрагасы Толкунбек Абдыгулов банктан алган турак жай ссудасынын калган бөлүгүн толугу менен төлөп берет. Бул тууралуу Абдыгулов 26-февралда маалымат жыйынында билдирди. Анын айтымында, коомчулукта түрдүү пикирлерди жараткан бул окуя боюнча Башкы прокуратура учурунда текшерүү жүргүзгөн. Анын натыйжасында ссуданы эсептен чыгарууда мыйзам бузуу болбогону аныкталган. Буга карабай, Улуттук банктын төрагасы ссуданын эсептен чыгарылган бөлүгүн да толугу менен мамлекетке төлөп берүүнү чечти. Читать дальше...

Борбор Азия, Орусия жана Ооганстандын чек ара органдарынын жетекчилери жолугушат.

Иран Ислам Республикасынын тышкы иштер министри Мухаммад Жавад Зариф  Instagram аркылуу кызматтан кеткенин жарыялады.

Бишкек шаардык ИИБнын маалыматы боюнча, бычак жеген жаран 19 жашта болгон. 24-февралда Ала-Тоо аятында жаш жигиттердин ортосунда чатак чыгып, эки адам бычак жеген. Ооруканага жеткирилгенден кийин, алардын бири операция учурунда каза болгон. Экинчиси ооруканада. Бул иш боюнча 23 жаштагы Т. А. аттуу жаран кармалып, Бишкек ШИИБнын убактылуу камоочу жайына киргизилди. Ал эми иш кылмыштар жана жоруктар кодексинин 138-беренесинин 3-бөлүгү (ден соолугуна оор залал келтирүү) менен бирдиктүү реестрге катталып... Читать дальше...

Франция кыргызстандык журналист Улугбек Бабакуловго качкын макамын бергенин “Фергана” агенттиги жазды. Макамды берүү эрежелерине ылайык, Бабакулов кайсы бир убакка чейин Кыргызстанга келе албайт жана чет өлкөдөгү элчилик, дипломатиялык өкүлчүлүккө кайрыла албайт. Бабакулов Франциядагы Качкындар жана жарандыгы жок адамдардын башкармалыгынан ушундай мазмундагы маалымдама алганын билдирген.  Улуттук коопсуздук боюнча мамлекеттик комитет Бабакуловго Фергана.ру сайтына жазган макаласында "улуттар... Читать дальше...

Ысык-Көл районунун Чоң-Сары-Ой айылынын 57 жаштагы тургуну А. Замирбектин үйүнөн 8,1 кг марихуана табылган. Тинтүү учурунда маңзат жасачу жасалма станок алынган. Ысык-Көл облустук ички иштер башкармалыгынын маалыматына караганда, кармалган жаран мурда мал уурулук үчүн соттолгон. Бул иш кылмыштар жана жоруктар кодексинин 267-беренеси (маңзаттарды сатуу максаты менен мыйзамсыз даярдоо) боюнча бирдиктүү реестрге катталып, сотко чейинки териштирүү иштери башталды. Ал эми кармалган киши Ысык-Көл... Читать дальше...

АКШнын вице-президенти Майк Пенс Венесуэладагы кырдаалды талкуулоо үчүн дүйшөмбү күнү Колумбиянын борбору Боготага барды. Ал өзүн Венесуэланын президентинин милдетин аткаруучу деп жарыялаган Хуан Гуайдо, Колумбиянын президенти Иван Дуке Маркес менен жолугушту. Үч тараптуу сүйлөшүүдө АКШ Гуайдону толугу менен колдой турганы айтылды.  Пенс Венесуэладагы саясий кризисти жөнгө салуу үчүн 2017-жылы түзүлгөн улуттук Лима тобунун лидерлери менен жолукту. Бул топко Түштүк жана Борбордук Америка өлкөлөрүнүн көп бөлүгү кирген. Читать дальше...

Бишкек шаарынын мэри Азиз Суракматов кол койгон буйрукка ылайык, Октябрь районунун акиминин орун басары болуп иштеп келген Татьяна Кузнецова социалдык маселелер боюнча вице-мэр болуп дайындалды. Транспорт тармагын тескеген вице-мэр Максим Ситников кызматынан бошотулуп, Октябрь районунун акими болуп дайындалды. Анын ордуна мэриянын жер ресурстары башкармалыгын жетектеген Азизбек Алымкулов келди. Мэрдин дагы бир буйругу менен капиталдык курулуш башкармалыгын жетектеп келген Уланбек Азыгалиев шаар... Читать дальше...

Өзбекстандын жеке компаниялары жаңы түзүлгөн келишимге ылайык, Кыргызстандан картошка сатып ала баштады. Бул тууралуу Айыл чарба, тамак-аш өнөр жайы, мелиорация министри Нурбек Мурашев “Азаттык” радиосуна билдирди. - Жеке компаниялар менен беш миң тоннага келишим түзүлгөн. Мындан сырткары онго жакын жеке компания келишими жок эле келип сатып алууларды жүргүзүп жатат. Аларга шарт түзүп берип жатабыз, - деди Мурашев.   Картошка сортуна карап 5,5-7,5 сомдон сатылууда. Казакстан 19-февралда Кыргызстандан... Читать дальше...

Жогорку Кеңештин тармактык комитети “Кыргызалтын” ишканасынын 2018-жылдагы ишинин жыйынтыгы жана келечектеги пландарын талкуулайт. Бул тууралуу парламенттин басма сөз кызматы кабарлады. Анда “Кыргызалтындын” башкармалыгынын төрагасы Алмаз Алимбеков баяндама жасайт. 30-январдагы тоо-кен өнөр жайына, андагы абалга арналган Коопсуздук кеңешинин жыйынында премьер-министр Мухаммедкалый Абылгазиев “Кыргызалтындын” негизинде мамлекеттик тоо-кен компаниясын түзүү зарыл экенин айткан. Азыркы ишкана... Читать дальше...

АКШ президенти Дональд Трамп 25-февралда Вашингтондон Вьетнамга учуп кетти. Ал Ханой шаарында Түндүк Кореянын лидери Ким Чен Ын менен экинчи саммитин өткөрөт. Эки өлкөнүн башчылары 27-28-февралда корей өзөктүк программасын талкуулоо үчүн жолугат. Трамп Вашингтондон чыгаар алдында "Твиттерге" “толук куралсыздандыруудан кийин Түндүк Корея бат эле экономикалык өсүштүн генератору болот. Ансыз – мурда кандай болсо, ошондой бойдон калат. Төрага Ким туура чечим кабыл алат”, - деп жазды. Түндүк Кореянын... Читать дальше...

Казак президенти Нурсултан Назарбаев өкмөттүн курамын бекитти. Ак ордонун сайтында жарыяланган токтомго ылайык, Аскар Мамин – Казакстандын жаңы премьер-министри. Өкмөт башчынын орун басарлыгына буга чейин индустрия жана инфраструктуралык өнүгүү министрлигин жетектеп келген Женис Касымбек дайындалды. Каржы министрлигине Алихан Смаилов келди, ал премьер-министрдин биринчи орун басары кызматын дагы аркалайт. Аскар Жумагалиев – санариптик өнүгүү, коргонуу жана аэрокосмостук өнөр жай министри, Даурен Абаев ... Читать дальше...

Кытай жаранына турмушка чыккан намангандык Саида аттуу келин күйөөсү орой мамиле жасаганын айтып, үйүнө кайтууга жардам сураган. 19- февралда ал Өзбекстандын Кытайдагы элчилигинин жардамы менен мекенине кайткан. Өзбек консулу Бабур Яхёевдин айтымында, Саида учурда үйүндө. Буга чейин кордук көргөнүн билдирген кыз социалдык түйүндөр аркылуу журналисттерден жардам сураган. Саиданын айтымында, күйөөсү аны бир жума жууна турган бөлмөдө камап койгон. Ур-токмоктон тышкары сексуалдык зомбулук көрсөткөн. Читать дальше...

Бишкекте мектеп окуучулары үчүн “Жашоо сабагы” инновациялык программасынын бет ачары өтөт. Программаны турмуштук тажрыйбадан топтогон жашоо сабактарын, салттуу билимдерин жана элдик акылдарды жаш муундарга ачып берүү жана жеткирүүнү көздөгөн “Бакдөөлөт” коомдук фонду иштеп чыккан. Программа мамлекеттин билим берүү тармагына микро-модель катары сунушталууда. Фонддун жетекчиси Мелис Мураталиев бул программаны тарбиялык сааттын алкагында өткөрүүнү сунуштап жатат. (КЕ)

26-февралда Бишкектин Октябрь райондук соту саясатчылар Азимбек Бекназаров, Ахматбек Келдибеков жана Кеңешбек Дүйшөбаевдин экс-президент Алмазбек Атамбаев жана “Апрель” телеканалына каршы берген доо арызы боюнча териштирүүнү уланат. Бекназаровдун “Азаттык” радиосуна билдиргенине караганда, сотто тараптар жарыш сөзгө чыгышат. 15-февралдагы соттук отурумда Азимбек Бекназаров мурдагы президент Алмазбек Атамбаев аларды негизсиз каралап, кадыр-баркына шек келтиргенин, максат Атамбаев же телеканалдан акча өндүрүү эмес экенин айткан. Читать дальше...

Баткендиктер Тажикстандан кирген азык-түлүктүн сапаты начар экенин айтып чыгышты. Облус аймагындагы соода жайларда кошуна өлкөдөн алынып келинген эт жана сүт азыктары, өсүмдүк майы сатылат. Жергиликтүү жашоочулардын айрымдары бул товарлардын сапаты көзөмөлгө алынбай жатат деген ойдо.

Бүгүн, 26-февралда Бишкекте курулуш тармагында алданган үлүшчүлөрдүн маселеси талкууланат. Жыйын “Плаза” мейманканасында өтөт. Үлүшчүлөр менен депутаттар жолугушат. Кыргызстанда акыркы жылдары курулуш компанияларына акчасын алдын ала берип, бирок батир ала албай жүргөн жарандардын катары калыңдап баратат. Буга чейин алданган үлүшчүлөрдүн маселеси Жогорку Кеңеште да көтөрүлүп, “Республика - Ата Журт” фракциясынын депутаты Махабат Мавлянова үлүшчүлөрдү коргоо үчүн мыйзам иштелип чыгышы керек экенин билдирген. Читать дальше...

Басмырлоону токтотуунун эл аралык күнүн (#ZeroDiscriminationDay) утурлай 26-февралда Ош шаарында кыска метраждуу тасмалар көрсөтүлөт. Анда көрүүчүлөргө эки тасма сунушталат. Биринчиси - ВИЧ илдети жуккан кыздын жашоосун баяндаган, “Баары татаал” тасмасы. Бул – сүйүү жана коркуу сезимдери тууралуу баян. Тасманын каарманы ар кимдин түрткүсүндө калуудан коркуп жашайт. Экинчиси - ата-энеси баңгизат колдонгон үй-бүлөнүн тагдырын баяндаган "Америкадагы Кудайдын пенделери” аттуу тасма. Ата-эне маңзат... Читать дальше...

Дастан Шаршеев кикбокстун К-1 версиясы боюнча профессионал мушкерлер арасында өткөн беттеште чемпион атыкты. Ал орусиялык атаандашы Алексей Додоновду экинчи раундда нокаут менен утту. “Мыктылардын мелдешин” жаңы түзүлгөн кыргызстандык "К-1 Max Pro" промоутердик компания уюштурган. Анын алкагында 10 беттеш өтүп, Кыргызстан, Казакстан жана Орусиядан спортчулар катышты. Мелдеш Кожомкул атындагы спорт ордосуңда 25-февралда өттү. Дастан Шаршеев буга чейин эрежесиз эр уруштун ММА версиясы боюнча мелдештерге катышып келген. Читать дальше...

Акыры жеңиш Фелипе Пенага ыйгарылып, ызы-чуу салган балбанды спорттук аренанын коопсуздук кызматы сыртка чыгарып кетти.