Новости за 18.05.2019

Бишкек-Ош автожолунда кырсыктан беш адам жабыркады. Өзгөчө кырдаалдар министрлигинин маалыматына караганда, окуя бүгүн 18-майда Төө-Ашуудагы тоннелдин ичинде болгон. "Тойота" жана "Мерседес-Бенс" жеңил машиналары сүзүшүп, "Тойотадагы" беш адам ар кандай жараат алган. Аларга куткаруучулар биринчи жардам көрсөтүп, "Тез жардамга" өткөрүп беришти. "Мерседес-Бенцтеги" үч адам жабыркаган эмес.

“КТ Мобайл” компаниясы кандай болгон күндө да ишке кириши керек. Мындай пикирин бүгүн 18-майда премьер-министр Мухаммедкалый Абылгазиев “Азаттык” радиосуна билдирди.

Жалал-Абад шаарында бүгүн 18-майда Борбор Азияда жүрөккө алгач операция жасалган күнгө карата эл аралык илимий конференция өтүүдө. 60 жыл мурда Бишкекте Иса Ахунбаев баштаган кардиохирургдар тобу биринчи ирет жүрөккө операция жасашкан. Иш-чарага Казакстан, Түркия, АКШ өлкөлөрүнөн жана бул мамлекеттерде билим алган кыргызстандык белгилүү кардиохирург профессорлор катышууда. Конференциянын алкагында медициналык көргөзмөлөр, илимий-практикалык отурумдар болуп жатат. (BCh)

Бишкек шаардык кеңешинин жыйынында эки депутаттын этикага сыйбаган кайым айтышы социалдык тармактарда талкууга түштү. Бул депутаттардын жүрүм-туруму сынга кабылган алгачкы учур эмес.

“КТ Мобайл” компаниясы кандай болгон күндө да ишке кириши керек. Мындай пикирин бүгүн 18-майда премьер-министр Мухаммедкалый Абылгазиев “Азаттык” радиосуна билдирди. - Бул мамлекеттик долбоор. Аны аягына чейин жеткиришибиз керек. Чарбалык, экономикалык маселени саясий маселеге айлантып жатканыбыз туура эмес. Өкмөт башчы бул долбоорду өзү колдогонун, маселени иликтеп жаткан депутаттык комиссиянын тыянагын күтүү керектигин жана туугандары аралашканы жөнүндө  маалыматтарды тастыктоо зарылдыгын айтты. Читать дальше...

Бүгүн 18-майда Чолпон-Ата шаарынын ат майданында «Ысык-Көл 2019» эл аралык туристтик жарманкеси өтүп жатат. Жарманкенин ачылышына вице-премьер-министр  Алтынай Өмүрбекова катышып, дүйнөдө туризм тармагы жакшы өнүгүп жатканын, бул тенденциядан Кыргызстан да артта калбашы керектигин айтты. Өмүрбекова белгилегендей, дүйнөдө туризм ички дүң өнүмдүн 10 пайызын түзүп, экономиканы бекемдөөгө салым кошууда. - Ошондуктан Кыргызстан да артта калбашы керек. 2018-жылы ички дүң өнүм 27,8 миллиард сомго чыкты. Читать дальше...

Украинанын Жогорку Радасында башкаруучу коалиция ыдырагандан кийин бул парламенттин өзүн таркатууга жаңы президенттин укугу бар болобу же жокпу деген маселе талкууга түшүп жатат. Раданын төрагасы Андрей Парубий "Европалык Украина" коалициясы ишин токтотконун 17-майда жарыялады. Буга депутаттарынын саны жагынан экинчи орунда турган “Элдик фронт” фракциясынын коалициядан чыгышы себеп болду. Парламенттин мындай кадамын аны таркатууга мүмкүнчүлүк бербөө аракети катары баалагандар бар. Украинанын... Читать дальше...

Валентина Шевченко 2018-жылдын 9-декабрында эң жеңил салмак боюнча Джоанна Енджейчикти жеңип, UFC уюмунун чемпиону болгон.

Санариптешүү берген жеңилдиктерди Кыргызстандын эң четки айылдарына чейин сезе башташат. Бул тууралуу бүгүн 18-майда премьер-министр Мухаммедкалый Абылгазиев Бишкекте DataCon Central Asia 2019 конференциясынын ачылышында сүйлөп жатып айтты. Премьер-министр кыргыз өкмөтү элдин тиричилигин жакшыртуу үчүн ачык маалыматтар менен иштөөгө өтүп жатканын, 12 мамлекеттик орган пилоттук долбоор катары электрондук ыкмага толук өткөнүн айтты. Каттоого алуу жеңилдегенин, маалымкат жана башка расмий кагаздарды берүү... Читать дальше...

Быйылкы жылдын биринчи кварталында Орусиянын экономикасында солгундоо байкалды. Орус өкмөтү буга кошумча нарк салыгы көбөйтүлгөнү негизги себеп болгонун айтып чыкты. 17-майда өлкөнүн статистика комитети баштапкы маалыматтарга таянып ички дүң өнүм былтыркы жылдын биринчи кварталына салыштырганда 0,5 пайызга гана өскөнүн билдирди. Экономика министрлиги бул көрсөткүч 0,8 пайыз болот деп болжолдосо, Улуттук банк 1,5 пайыз болорун айткан. Статистика комитетинин маалыматынан кийин өкмөт жыйынтык ушундай болорун билгенин... Читать дальше...

Кыргызстандын тышкы иштер министри Чыңгыз Айдарбеков ооганстандык кесиптеши Салахуддин Раббани менен памирлик кыргыздардын маселесин талкуулады. Бул тууралуу тышкы саясат мекемесинин басма сөз кызматы кабарлады. Маалыматта жолугушуу 17-майда Тажикстандын борбору Дүйшөмбү шаарында өткөнү, эки министр ал жакка аймактагы коопсуздук боюнча эл аралык конференцияга катышуу үчүн барганы айтылат. “Жолугушууда Ооганстандын Чоң жана Кичи Памириндеги этникалык кыргыздарды колдоо маселесине өзгөчө көңүл бурулду” деп билдирди мекеме. Читать дальше...

Чехиядагы кыргыз диаспорасынын уюму расмий каттоодон өттү. 17-майда Борбордук Европа өлкөсүндөгү кыргыздардын өкүлдөрү бул окуяны чакан маданий кечеге чогулуп белгилешти.

Катышуучулар спорттун кикбокс, ушу-саньда, пенчак силат, аралаш мушташ жана оксуз кармашуу (рукопашный бой) түрү боюнча күч сынашмакчы.

“Күлкү кербендин” кезектеги азил шиңгили кызматка орношуу көйгөйүнө арналды.