Новости за 19.08.2021

Чолпон-Атада өтө турган Евразия өкмөттөр аралык кеңешинин отурумунун алкагында бүгүн, 19-августта президент Садыр Жапаров Армениянын өкмөт башчысы Никол Пашинян менен жолукту. Бул тууралуу президенттин басма сөз кызматы кабарлады. Жапаров эки өлкөнүн ортосундагы соода-экономикалык кызматташтыкты өнүктүрүүгө мүмкүнчүлүктөр көп экенин белгиледи. Илим-техникалык, маданий-гуманитардык жана соода-экономикалык байланышты чыңдоого багытталган өкмөттөр аралык кеңешмени тез арада өткөрүү зарылдыгын билдирди. Читать дальше...

Жеңиш чокусуна чыгып бара жатып, 4-августта дайыны чыкпай калган британиялык альпинист Мехри Жафаринин жакындары аны издөөгө каражат чогултууну токтотту. Эми алар Кыргызстандын расмийлеринен Мехринин өлүмү тууралуу тастыктоону күтүп жатат. Мехри менен жыйырма жылдан бери достошуп келген Вашингтондогу курбусу Сепидех Жойдери аны эскерди.

АКШ баш болгон бир катар өлкөлөр Ооганстандагы кырдаалга байланыштуу аялдар жана кыздардын абалына тынчсызданган кайрылуу жарыялашты. "Биз ооган аялдарынын, кыздарынын абалына, алардын билим алуу, иштөө жана эркин жүрүү укуктарынын чектелишине терең тынчсызданып жатабыз. Биз Ооганстандагы бийлик жана ыйгарым укуктарга ээ болгондорду аялдардын коопсуздугун камсыз кылууга чакырабыз»,-деп айтылат кайрылууда. Документке АКШ,  Австралия, Албания, Аргентина, Бразилия, Британия, Гватемала, Гондурас... Читать дальше...

Орусиянын өкмөт башчысы Михаил Мишустин менен Казакстандын премьер-министри Аскар Мамин Евразиялык өкмөттөр аралык кеңешинин отурумуна катышуу максатында Кыргызстанга келди. Алардын учактары Ысык-Көлдөгү "Тамчы" эл аралык аэропортуна бүгүн, 19-августта, түштөн кийин конду. Орусиянын өкмөт башчысы Михаил Мишустинди энергетика министри Доскул Бекмурзаев, Казакстандын премьер-министри Аскар Маминди инвестиция министри Алмамбет Шыкмаматов тосуп алды. Аларды президенттин Ысык-Көл облусундагы өкүлү Мирбек Кожоев коштоп жүрдү. Читать дальше...

Ысык-Көл облусунда 19-20-августта боло турган Евразиялык өкмөттөр аралык кеңешинин отурумуна катышуучулардын алды "Тамчы" эл аралык аэропортуна келе баштады. Алгачкылардан болуп, Армениянын премьер-министри Никол Пашиняндын учагы көл жээгиндеги аба майданына конду. Андан кийин Беларустун өкмөт башчысы Роман Головченко келип түштү. Конокторду президенттин Ысык-Көл облусундагы өкүлү Мирбек Кожоев, Министрлер кабинетинин мүчөлөрүнүн коштоосунда тосуп алды. 19-20-августта Чолпон-Ата шаарында Евразия... Читать дальше...

Кыргыз-орус өнүктүрүү фонду менен Евразия өнүктүрүү банкы Ысык-Көлдө өтүп жаткан кыргыз-орус ишкерлеринин бизнес форумунун алкагында келишим түздү. Келишимдеги шартка ылайык, Өнүктүрүү фондунун каржылоосу рубль менен ишке ашырыла баштайт. Ошондой эле, насыя берүүнүн жолдору жеңилдетилип, аны төлөө мөөнөтү үч жылга чейин узартылды. Кыргыз-орус өнүктүрүү фондунун башчысы Артем Новиковдун журналисттерге билдиргенине караганда, эки тараптуу келишим фонддун каражатын Кыргызстандагы долбоорлорду ыңгайлуу шартта каржылоого да мүмкүнчүлүк берет... Читать дальше...

Бишкек шаардык ички иштер башкармалыгынын басма сөз катчысы Улан Жумаков "Социал-демократтар" партиясынын лидери Темирлан Султанбековдун сабалганына байланыштуу арыз түшпөгөнүн "Азаттыкка" кабарлады. Буга чейин социалдык тармактын айрым колдонуучулары Султанбековго партиялаштарынын бири кол салганын жазышкан. Султанбеков өзүнүн "Фейсбук" баракчасына да бул маалыматты төгүндөп, эс алууда жүргөнүн жарыялады. 7-августта Бишкектин четиндеги “Ак-Өргө” конушунда активист Алга Кылычевдин бутуна ок тийип ооруканага жеткирилген. Читать дальше...

Орусиянын Астрахан облусунда МиГ-29 үлгүсүндөгү аскердик учак кулап, учкучу набыт болду. Шаршембиде учак пландалган машыгууну өткөрүп жатканда кырсыкка кабылган. МиГ-29 Ашулук полигонунун аймагына кулаган. Алдын ала маалымат боюнча кырсыкка учактын тетиктеринин иштен чыгышы себеп болгон. Учурда кырсыктын себептерин аныктоо иштери башталды. Эки күн мурун Москва облусунда Ил-112В үлгүсүндөгү жүк ташуучу учактын жаңы үлгүсү кулаган эле. Машыгуу учурунда кыймылдаткычы өрттөнүп, конгонго жетишпей калган. Читать дальше...

Куттуктоодо бүтүндөй дүйнө эли үчүн оор болуп турган учурдагы талыкпаган эмгеги жана туруктуулугу үчүн ыраазычылык айтылат.

Жалал-Абад облусунун Токтогул шаарында 11-августта ажатканадан табылган ымыркайдын энеси 18 жаштагы А.К аттуу кыз зордуктоонун натыйжасында боюнда болуп калганын милицияга билдирди. Бул тууралуу "Азаттыкка" Жалал-Абад облусттук ички иштер башкармалыгынын басма сөз кызматынын өкүлү Нурдинбек Жээнтаев маалымдады. 11-августта Токтогулдагы үйлөрдүн биринин дааратканасынан жаңы төрөлгөн наристе табылган, үй ээси милицияга билдирип, жүргүзүлгөн ыкчам тергөө аракеттеринин натыйжасында Бишкек шаарынын... Читать дальше...

АКШ дүйнөдөгү мамлекеттердин жетекчилерин сентябрдагы БУУнун Башкы ассамблеясынын жыйынына видеоконференция түрүндө катышуу мүмкүнчүлүгүн кароону чакырды. Мындай чара коронавирусту жайылтпоо максатында сунушталууда. Кошмо Штаттардын БУУнун 192 мүчө-өлкөсүнө жолдогон катында Башкы ассамблеядан башка жолугушуу жана жыйындарды онлайн өткөрүүгө чакырык камтылган. «Эгерде делегациялар  Нью-Йорктогу жыйынга катышууну чечишсе, анда аз адамды алып келүүнү суранабыз»,-деп жазды АКШнын БУУдагы өкүлү Линда Томас-Гринфилд. Читать дальше...

ГКЧПнын август кутумуна (путч) 30 жыл болду. 1991-жылы 19-августта КПСС БКнын мүчөлөрүнүн тобу эгемен республикалар шериктештигин түзүүгө жол бербөө максатын көздөп, кутум уюштурган. Мындай келишимге СССРдин курамына кирген республикалардын жетекчилери 20-августта Ново-Огареводо кол коюшмак.

Бүгүн тарыхта ГКЧП деген ат менен калган Советтер Союзундагы мамлекеттик төңкөрүшкө туура 30 жыл болду. 1991-жылы 19-21-август күндөрү Коммунисттик партия менен Коопсуздук мамлекеттик комитетиндеги (КГБ) консервативдүү күчтөр Өзгөчө кырдаал боюнча мамлекеттик комитет (ГКЧП) түзүлгөнүн жарыялашкан. СССР президенти Михаил Горбачевго каршы кутум уюштурган. Алар Советтер Союзун сактап калууну  жактаган жана Көз карандысыз мамлекеттер биримдигин түзүлүшүнө каршы туруп, өлкөдөгү демократиялык өзгөрүүлөрдү токтотууну көздөшкөн. Читать дальше...

Москвада өлтүрүлгөн кыргызстандык кыздын ишин Орусиядагы элчилик көзөмөлүнө алды. Бул тууралуу Тышкы иштер министрлиги кабарлады. Ага ылайык, элчилик кызды өлтүргөн адамдын жоопкерчиликке тартылышына көз салат жана кыздын апасына укуктук жардам берет. Элчиликтин маалыматына караганда, 6-августта Москва облусунун Мытищи шаарында белгисиз киши 19 жаштагы кыргызстандык кыздын сумкасын алып качууга аракет кылган. Кыз каршылык көрсөткөн учурда далысына тогуз жолу бычак сайып качып кеткен. Кыз ошол жерден жан берген. Читать дальше...

Ооганстандан бир катар өлкөлөр өз жарандарын жана алар менен иштеген оогандыктарды чыгарууну улантып жатат. 15-августта “Талибан” кыймылы Ооганстандын борбор калаасы Кабулду басып алган соң миңдеген адамдар бул өлкөдөн чыгып кетүүгө аракет кылууда. Талибдердин башчылары бул жолу шарияттын негизиндеги инклюзивдүү өкмөт түзөрүн, тычнтыкты каалашарын, каршылаштарынан өч албоого убада кылганы менен ага эл аралык коомчулук жана жергиликтүү тургундар ишенбей турат. Бүгүн “Талибандын” согушкерлери Кабулдун... Читать дальше...

Бириккен Улуттар Уюмунун Ооганстанга көмөк көрсөтүү миссиясы жана башка агенттиктеринин кызматкерлери Казакстандын Алматы шаарына убактылуу көчүрүлдү. Бул тууралуу Казакстандын Тышкы иштер министрлиги кабарлады. Маалыматка ылайык, БУУнун кызматкерлери түшкөн учак 18-августка караган түнү Алматыга конгон. “Ооганстандагы ички саясий абалдын курчуганына байланыштуу БУУнун Казакстанга Ооганстанга көмөк көрсөтүү миссиясы (UNAMA) жана башка агенттиктерин Алматыга убактылуу жайгаштыруу өтүнүчү менен кайрылган. Читать дальше...

Министрлер кабинетинин төрагасынын орун басары, экономика жана финансы министри Акылбек Жапаров Евразиялык экономикалык биримдикке (ЕАЭБ) мүчө өлкөлөрдү АКШ доллары менен эсептешүүдөн баш тартууга чакырды. Ал бул тууралуу бүгүн, 19-августта Ысык-Көлдө өтүп жаткан эл аралык бизнес-форумда билдирди. Жапаров биримдиктин алкагында эсептешүүгө доллар сыяктуу "котормочу" валютага муктаждык болбошу керектигин айтты. Экономика жана финансы министрин Кыргыз-Орус өнүктүрүү фондунун жетекчиси Артем Новиков да кубаттады. Читать дальше...

Саламаттык сактоо жана социалдык өнүктүрүү министрлиги 28, 29, 30 жана 31-августту эс алуу күндөрү катары жарыялаган токтом кабыл алды. Бул тууралуу аталган мекеменин басма сөз кызматы кабарлады. Жарлыкка ылайык, 2021-жылдын 10-майындагы эс алуу күнү 2021-жылдын 30-августуна которулган. Ошентип кыргызстандыктар 4 күн эс алышат 28-29-август ишемби, жекшембиге туура келет. Ал эми 31-августта Эгемендик күнү белгиленет. Быйыл Кыргызстандын эгемендик алганына 30 жыл толот. (BCh)

Кыргызстандын гидрометеорология агенттигинин маалыматына ылайык, 20-августта түнкүсүн Ысык-Көл, Нарын облустарынын кээ бир райондорунда, Ош облусунун тоолуу райондорунда өткүн өтүп, күн күркүрөйт, калган аймактарда жаан-чачын күтүлбөйт. Күндүз Талас, Ысык-Көл, Нарын облустарынын кээ бир райондорунда, Ош, Жалал-Абад облустарынын тоо этектеринде жана тоолуу райондорунда, Чүй, Баткен облустарынын тоолуу райондорунда өткүн өтүп, күн күркүрөшү күтүлөт. Ош, Жалал-Абад облустарынын өрөөндөрүндө жана Чүй... Читать дальше...

Министрлер кабинетинин төрагасынын орун басары Акылбек Жапаров жакын арада президенттин жарлыгы менен ишкерлерге мамлекеттик кепилдик берүү жаатында сынак жарыяланарын билдирди. Бул тууралуу Ысык-Көлдүн, Сары-Ой айылында өтүп жаткан эл аралык бизнес-форумда cөз болду. Жапаровдун айтымында, конкурстун алкагында 30 улуттук, 300 аймактык жана үч миң айылдык деңгээлдеги долбоорлор каралат. Анын жеңүүчүлөрүнө Экономика жана финансы министрлиги тарабынан каржылык ресурстарды алууга кепилдик берилет.... Читать дальше...

26-августта Бишкек, Ош жана Токмок шаарларынын мэрлери шайланат.

Совет өлкөсүндөгү ГКЧП деп ат менен белгилүү мамлекеттик төңкөрүшкө туура 30 жыл толду.

Баткен, Ош, Жалал-Абад облустарында  жаштар арасында инновациялык жана IT  багытында стартаптар үчүн гранттык сынак өтөт.  Эл аралык уюмдардын колдоосу менен жүрүп жаткан тандоого катышуу тууралуу Accelerate Prosperity Кыргызстан уюмунун бизнести өнүктүрүү боюнча менеджери Бибинур Алибаева “Азаттыкка” айтып берди.  -"Аракетчил" долбоору жакында Баткен, Ош, Жалал-Абад облустарында сынактын негизинде бир топ стартаптарды колдогону жаткан экен. Сынакка кимдер катыша алат? Канча адам колдоого ээ болуп, алар кандай өлчөмдө каржыланат? Читать дальше...

Дүйнөлүк саламаттыкты сактоо уюмунун Бишкектеги кеңсесинин жетекчиси Назира Артыкова Кыргызстанда коронавируска каршы эмдөө жай жүрүп жатканын 18-августтагы басма сөз жыйынында билдирди. Ошондой эле өлкөдө апрель айында COVID-19 вирусунун альфа, бета варианттары табылганын кабарлады. "ДСУнун максаты сентябрь айына чейин дүйнөдөгү ар бир өлкөдө калктын 10%, жыл соңуна чейин 40%, келерки жылы 70% эмдөө. Пандемияны бул максатты ишке ашыруу менен гана жеңе алабыз", - деди Артыкова. Кыргызстанда... Читать дальше...

20 жыл ичинде Москванын "Талибанга" мамилеси курч душмандыктан кубулма өнөктөштүккө чейин өсүп жетти. Кремль башында бул кыймылды "террорчул" деп таанып, ага Орусияда тыюу салса, соңку жылдары талиб жоочуларынын анабашылары Москванын ардактуу коногуна айланды. Мындай саясий эки жүздүүлүктүн себеби эмнеде? Чечен согушунда төгүлгөн кандын изи кайда алып барат? Москва Орусиядагы чечен согушунун маалында Ооганстанды ошол мезгилде башкарып турган "Талибанды" эл аралык терроризмдин очогу деп баалаган. Читать дальше...