په سویډن کې په ترورېستي حملې تورن ازبک پناه غوښتونکی محاکمه کېږي
په سویډن کې په ترورېستي حملې د تورن ازبک پناه غوښتونکي محاکمه د سې شنبې په ورځ په پام کې ده.
۳۹ کلن رحمت اکیلوف د ستاکهلم د ۲۰۱۷ کال د اپریل د میاشتې د هغې خونړۍ ترورېستي حملې په تور محاکمه کېږي چې د موټر په وسیله یې یوشمېر لارویان لاندې کړل.
په دې پېښه کې ۵ تنه وژل شوي وو.
د اکیلوف محاکمه به تر مې میاشتې پورې دوام وکړي او تمه ده چې محکمه به خپله وروستۍ پرېکړه په جون کې اعلان کړي.