فرانسه کې په جنسي تیري تورن رمضان په روغتون کې بستر شوی
رپوټونه وايي چې هغه د [ﻣﻮﻟﺘﯿﭙﻞ اﺳﮑﻠﺮوزﯾﺲ] په نوم عصبي ناروغي پېښه شوې او د جمعې په ورځ روغتون ته لېږدول شوی دی.
په فرانسه کې دوو ښځو پر هغه د جنسي تیري تور پور کړی دی. خو طارق رمضان پر ځان لګېدلي تورونه رد کړي او د هغه د بدنامولو هڅه یې بللې ده.
طارق رمضان د سویس تابعیت لري او په مصر کې د اخوان المسلمین ډلې د بنسټ اېښودونکی، حسن البنا لمسی دی.
د فرانسې د استناف محکمې د فبرورۍ په دوهمه نېټه هغه په دوو موردونو کې په جنسي تیری تورن وباله.
فرانسوي چارواکو دوه اوونۍ مخکې ویلي وو چې ۵۵ کلن طارق رمضان د ابتدايي څېړنو لپاره په توقیف کې ساتل شوی دی.
طارق رمضان د انګلستان په اکسفورډ پوهنتون کې تدریس هم کاوه.
د رپوټونو په حواله، هغه به د خپلواکو ډاکټرانو یوه ډله معاینه کوي او بیا به پرېکړه کېږي چې محکمې ته تر حاضرېدو پورې په زندان کې وساتل شي که نه؟
د طارق رمضان وکیل ویلي چې د هغه روغتیايي وضعیت د خرابېدو په حال کې دی او د فبرورۍ په ۱۳مه د هغه په ابتدايي معاینه کې څرګنده شوې چې په "زندان کې د پاتې کېدو په شرایطو برابر نه دی.