په کندهار کې د طالبانو یوه اووه کسیزه ډله نیول شوې
د کندهار د والي ویاند داوود احمدي په دې اړه آزادي راډیو ته وویل چې دغه کسان د تخریبي فعالیتونو له کبله ترتعقیب لاندې وه چې تېره ورځ ونیول شول:
"د کندهار د ملي امنیت ریاست کشفي منسوبینو د طالبانو اړوند هغه اووه تنه چې په بېلابېلو ولسوالیو او سړکونو کې د ماینونو په ایښودلو او نورو تخریبي فعالیتونو مشکوک و، تعقیب او بلاخره نیولي دي."
ښاغلی احمدي وایي، دغو کسانو پر خپلو جرمونو اعتراف کړی دی.