د افغانستان او ازبکستان ترمنځ د فوټبال لوبه پیلېږي
د افغانستان د فوټبال فدراسیون وايي چې نن پنجشنبه مازدیګر د افغانستان او ازبکستان د فوټبال له ۱۶ کلونو کم عمره ځوانانو لوبډلې لوبه لري.
د فوټبال فدراسیون د رسینو مسؤل شفیع شاداب نن ازادي راډيو وویل، د مرکزي اسیا د فوټبال د ۱۶ کلونو کم عمره ځوانانو د لوبډلو دغه سیالۍ چې د افغانستان او ازبکستان ترڅنګ په کې قرغزستان او تاجکستان هم برخه لري چې تر روانې میلادي میاشتې تر ۹ مې نېټې به دوام وکړي.
نوموړی وايي، په دې سالیو کې افغانستان له ازبکستان وروسته له تاجکستان او قرغزستان لوبډلو سره هم لوبې لري.
ښاغلي شاداب وویل چې افغان لوبډلې د دغو سیالیو لپاره پوره تیاری نیولی او دوی هیله مندي لري چې افغانستان به د دې سیالیو اتلولي ترلاسه کړي.