مسعود اوزېل: د جرمني د فوټبال په ملي لوبډله کې نور نه لوبېږم
د جرمني د فوټبال نامتو او مشهور لوبغاړي مسعود اوزېل د هغه څه له امله چې دی یې نسلي تعصب بولي، نور د جرمني د فوټبال په ملي لوبډله کې د نه لوبېدو اعلان وکړ.
اوزېل ترکي الاصله جرمنی دی چې له اوږدې مودې راهیسې د جرمني د فوټبال په ملي لوبډله کې لوبېږي.
نوموړي په ټویټرخپره شوې ویډیو کې ویلي دي چې د روان کال د مې په میاشت کې د ترکيې له ولسمشر رجب طیب اردغان سره له لیدو وروسته له ده سره توپیري چلند کېږي. تردې چې په تېر نړیوال جام کې د ټول ټیم پرځای یوازې ده ته د انتقاد ګوته نیول کېږي.