د خیبر انتظامیې پیر نورالحق قادري د انتخاباتو ګټونکی اعلان کړ
د خیبر انتخاباتي او انتظامي چارواکو د قامي اسمبلۍ د ۴۳مې حلقې د ازاد امېدوار حاجي شاه جي ګل اپریدي غوښتنلیک منظور کړی او د جولای پر ۲۸مه د ووټونو بیاشمېر پیل او بیا ودرول شو. په دې بهیر کې د پاکستان تحریک انصاف ګوند نوماند پیر نورالحق قادري او شاه جي ګل اپریدي پلویان، د پاکستان انتخاباتي کمېشن چارواکي، خبریالان او د ناحکومتي ادارې څارونکي موجود ول. انتخاباتي افسر زاهد عثمان ماښام مهال اعلان وکړ چې د ټاکنو ګټونکی قادري دی. نوموړي په دې اړه یو بیان خپور کړی چې پکې یې ویلي که امېدواران اوس هم شکایت لري او د الېکشن کمېشن جرګګۍ ته دې ورشي. تفصیل په ویډیويي رپورټ کې.