نړیوال بانک د افغانستان د باغدارۍ لپاره ۷۵ میليونو ډالرو مرسته کوي
د دغه وزارت ویاند اکبر رستمي نن یکشنبه ازادي راډيو ته وویل چې دغه پیسې به د باغ لرونکو او کروندګرو د پياوړتیا، د غلو دانو د تولید د زیاتوالي او د زراعتي متشبثینو د ملاتړ په برخه کې ولګول شي.
ښاغلی رستمي وايي، د نړیوال پراختیايي بانک د دغو مرستو په لګولو سره به زراعتي تولیدات زیات او ورسره به د خلکو په اقتصاد کې هم د پام وړ بدلون راشي.
د ده په خبره، دا چې افغانستان يو زراعتي هېواد دی، نو دا شان مرستې کولای شي چې د خلکو په ژوند او د کرنیزو تولیداتو د کچې په لوړولو کې د پام وړ رول ولوبوي.