د طاهر داوړ د وژنې تپوس به هرو مرو کوو: محسن داوړ
له اسلام اباده د اکتوبر پر ۲۷مه د تښتول شوي پېښور پولیس افسر طاهر داوړ مړي ته د هغه د کورنۍ خلک او قامي مشران په حیات اباد کې د وژل شوي پولیس چارواکي د کور خوا کې په انتظار ناست دي او هلته د نوموړي د فاتحې لپاره هم خلک ور-روان دي. هلته له شمالي وزیرستانه د قومي اسمبلۍ غړی محسن داوړ هم ناست دی. هغه د مشال راډیو له خبریال غلام غوث سره په خبرو کې ویلي د طاهر داوړ د وژنې تپوس به هرومرو کوي.