Новости за 28.03.2018

د افغانستان د کرکټ د ملي لوبډلې ځوان لوبغاړی ګلبدين نايب د نړيوال کپ د غوراوي په سياليو کې د کامياب ال راونډر «بالر او بېټسمین» معرفي شوی. د کريک انفو د وېب‌پاڼې د معلوماتو له مخې، نايب خپل بېټنګ او بالېنګ له پخوا ښه کړی او په لوبډله کې يې د باوري لوبغاړي ځای پیدا کړی دی. ۲۷ کلن نایب تر اوسه پورې د افغانستان لپاره په ۷۹ سياليو کې لوبېدلی دی. هغه په يو ورځنیو ۴۱ سياليو کې ۶۱۵ منډې جوړې کړي او ۲۹ وېکټې يې اخيستې دي. هغه په ۲۰ اووريزو ۳۸ سيالیو کې ۴۳۲ منډې جوړې کړي او نهه لوبغاړي یې سوځولي دي.

د هلمند ځوانانو د پرلت په ۵مه ورځ له حکومته د اوربند غوښتنه وکړه. د هلمند ځوانان او ښځې چې د تېرې اوونۍ د ...

یوه ورځ وروسته له هغې چې د تاشکند په غونډه کې ازبکستان د افغان دولت او وسله‎والو طالبانو ترمنځ د سولې خبرو کوربه‎توب ته ...

افغان پیلوټان په کندهار کې د امریکايي په بلیک هاک چورلکو کې روزنه تر سره کوي. په دې اړه د امریکا غږ ډیوه راډیو ویډیو وګورئ.

د خوست د پوهنې ریاست چارواکي وايي چې د ښوونځیو د ودانیو د کمښت یوه ستونزه د ځمکو نشتوالی دی. چارواکي زیاتوي، که چېرې خلک په هغو سیمو کې چې د ښوونځیو ودانیو ته په‌کې اړتیا موجوده وي، په وړیا توګه ځمکې وقف کړي، نو هغوی چمتو دي چې د ښوونځیو ودانۍ په‌کې جوړې کړي. د خوست د پوهنې ریاست مرستیال مولوي شرف‌الدین یادې څرګندونې نن چارشنبه ښوونې او روزنې ته د ماشومانو د لاسرسي د لوړولو په اړه د پوهنې د کاري ځواک په رسنیزه ناسته کې وکړې. دا په داسې حال کې ده چې سروې ګانو او ارقامو ښودلې چې لا هم په افغانستان... Читать дальше...

افغان حکومت د روسيې د بهرنیو چارو د وزیر دا څرګندونې رد کړې چې ګواکې طالبان په مستقیم او یا غیر مستقیم ډول د افغانستان د خاورې پر نیمايي کنټرول لري. د دفاع وزارت د ویاند دفتر سرپرست محمد رامنش نن چهارشنبه ازادي راډيو ته وویل، افغان ځواکونو د هېواد زیاتې برخې په واک کې لري او یوازې په ۹ ولسوالیو کې نه‌شته. ښاغلي رادمنش وویل، د سرګي لاوروف دا خبره په بشپړه توګه ناسمه ده. د روسيې د بهرنیو چارو وزیر سرګي لاوروف د افغانستان په اړه د تاشکند په نړیوال کنفرانس کې ویلي دي چې طالبان په مستقیم او غیر مستقیم ډول د افغانستان پر نيمايي برخه کنټرول لري.

د افغانستان د عامې روغتیا وزارت وتلی سندرغاړی فرهاد دریا د «اېچ. ای. وي» اېډز ویروس سره د مبارزې لپاره د ښه نیت ...

د خوست د پوهنې ریاست چارواکي وايي، چې د ښوونځیو د ودانیو د کمښت یوه ستونزه د ځمکو نه شتون دی.

دا په تيرو ۱۱ کلونو کې درېم وار دی چې د وزيراعظم او سپريم کورټ چيف جسټس ترمينځ لیدنې کېږي.

د کابل چاپ ورځپاڼو په خپلو نننیو ګڼو کې تر ډېره د افغانستان په اړه د تاشکند کنفرانس نتیجو ته کتنه کړې ده.

چین وايي،د شمالي کوریا واکمن کیم جونګ ون روانه اوونۍ بیجنګ ته تلې وو او هلته يې د چین له ولسمشر شي جین پینګ سره ملاقات کړی دی.

د ناټو غړیو د نړۍ د نورو ۲۷ حکومتونو په شان روسي ډپلوماټان له خپلو هېوادونو ویستلي دي.

وسله‌والو طالبانو د هلمند ولایت د ځوانانو د سولې غوښتنو ته مثبت، خو مشروط ځواب ویلی دی. په هغه غږیز پیغام کې چې د ...

د مخدره موادو پر ضد د مبارزې عدلي او قضايي مرکز وايي، په ۱۳۹۶ لمریز کال کې د نشه‌يي موادو اړوند ۵۶۸ قضيې او ۷۴۱ مشکوک کسان د عدلي او قضايي تعقیب لپاره دې مرکز ته سپارل شوې دي. د یاد مرکز ویاند خالد مؤحد نن په کابل کې خبریالانو ته وویل د نشه‌يي موادو د قاچاق په قضیو کې له نیول شویو کسانو څخه یو ایرانی، یو پاکستانی، ۲۸ ښځې او ۵۹ د عامه خدماتو کارکوونکي دي. نوموړي وویل، تېر کال په کابل کې د نشه‌يي موادو اړوند ۲۰۰ جرمي قضيې او په دوهم قدم کې په ننګرهار کې ۱۰۵ قضيې ثبت شوې دي.

د هرات ولایت د سوداګرۍ او صنایعو خونې چارواکي وايي، ټاکل شوې چې په راتلونکو میاشتو کې به د یوه لوی نندارتون پرمهال په دغه ولایت کې څو تولیدي فابریکې افتتاح شي. د دغې خوني مرستیال توریالي غوثي نن چهارشنبه ازادي راډیو ته وویل، په یاد نندارتون کې به په افغان لوړپوړو چارواکو سربېره په افغانستان کې یوشمېر بهرني سفیران او د بهرنیو بنسټونو استازي هم ګډون وکړي. دغه نندارتون د ثور د میاشتې په ۱۰ مه په هرات ولایت کې جوړېږي چې د ښاغلي غوثي په وینا، دا کورنیو تولیداتو ته د بازار موندنې او په افغانستان کې پانګې اچونې ته د خلکو هڅونې لپاره ښه فرصت دی. Читать дальше...

د افغانستان د کرنې او مالدارۍ وزارت وايي چې تر راتلونکو شپږو میاشتو به په څو ولایتونو کې د شپږو مسلخونو د جوړونې کارونه بشپړ شي. د دغه وزارت ویاند اکبر رستمي نن چهارشنبه ازادي راډيو ته وویل، دا به د هېواد په کچه تر ټولو لوی مسلخونه وي چې هر یو به‌یې د ۵۰۰ پسونو او ۱۰۰ غواګانو د ذبحې ظرفیت ولري. ښاغلی رستمي زیاتوي، دا مسلخونه به په کابل، بلخ، هرات او کندهار ولایتونو کې ګټې اخیستنې ته وسپارل شي. د کرنې وزارت ویاند وايي، د دغو مسلخونو لښګت یو میلیون ډالر ته رسېږي چې د اسیايي بانک په همکارۍ د دغه وزارت له لوري ورکول کېږي.

د افغانستان د ډاکترانو سراسري ټولنه وايي، که حکومت د ډاکترانو او روغتیايي کار کوونکو امنیت خوندي نه‎کړي، ډاکتران به ...

د خېبر پښتونخوا په پېښور کې په موټرسایکل سپرو وسله‌والو یوه جنسیت بدله ښځه او د هغې ملګری په ډزو ووژل. د پېښور د پولیسو یوه افسر محمد طاهر وویل، دا دوه کسان پرون نا وخته هغه مهال چې په یوې رکشا کې سپاره وو، په ډزو ووژل شول. په خېبر پښتنونخوا کې لسګونه جنسیت بدله کسان د نا معلومو وسله‌والو په ډزو کې وژل شوي دي. که څه هم چا د دې وژنو مسؤلیت پر غاړه نه‌دی اخیستی، خو په سیمه کې هغه وسله‌والې ډلې فعالې دي چې جنسیت بدله کسان له فحشا سره تړلي بولي.

د هلمند ولایت ګرشک او نادعلي ولسوالیو کې د هوایي بریدونو پر مهال د طالبانو د یو قوماندان په ګډون شپږ تنه وسله‌وال وژل شوي دي. د ۲۱۵ میوند قول اردو په یوه بیان کې نن سهار ویلي چې پنځه وسله‌وال د هلمند ګرشک ولسوالۍ په شورکیان سیمه کې د افغان هوايي ځواکونو په یوه هوايي برید کې ووژل شول. د بیان له مخې د نادعلي ولسوالۍ شاول سیمه کې هم افغان هوایي ځواکونو د وسله‌والو طالبانو پر یو قوماندان چې شبکه مخلص نومېده برید وکړ او هغه‌یې له‌منځه وړی دی.

د روسیې د هوايي چلند اداره وايي، یوې مسافر وړونکې الوتکې په کابین کې د لوګي د رامنځته کېدو په سبب ستونزه پیدا کړه، خو چاته زیان ونه‌رسېد. دې ادارې ویلي چې د ګلوبوس روسي شرکت بوینګ ۷۳۷ الوتکې په دوموده‌دوو  هوايي ډګر کې دا ستونزه پيدا کړه. د روسیې د هوايي چلند د ادارې د راپور له مخې دې الوتکې غوښتل له ۱۲۹ سپرلیو او ۷ کار کوونکو سره د سایبریا ختیځ ته ولاړه شي. په دې اړه څېړنې پیل شوې دي.

د ایران سپاه پاسداران انقلاب ځواکونو د سعودي عربستان تورونه رد کړي دي. سعودي تور پورې کړی چې ایران په یمن کې حوثي یاغیانو ته هغه میزایل ورکړي وو چې د سعودي په پلازمېنه‌یې ویشتلي دي. تسنیم خبري اژانس د ایران د سپاه پاسداران سیاسي افسر یدالله جواني ویلي چې سعودي عربستان دا ادعاوې د دې لپاره کوي، څو د ده په خبره په یمن کې له خپلو ورانکاریو څخه د خلکو توجه واړوي. د سعودي په مشرۍ ائتلاف د مارچ په ۲۶مه تهران تورن کړ چې حوثي یاغیانو ته‌یې اووه میزایل ورکړي او هغوی په ریاض ویشتلي دي. د سعودي چارواکو... Читать дальше...

چارواکي وايي تېره شپه د کندهار په شاه وليکوټ ولسوالۍ کې درې وسله وال طالبان وژل شوي او پنځه نور ټپیان شوي دي. د کندهار د امنيې قوماندانۍ ویاند ضیا دراني ازادي راډیو ته وویل چې تېر ماښام د ملي اردو ځواکونو په شاه وليکوټ ولسوالۍ کې وسله والو طالبانو ته کمين نيولی و چې پر مهال يې درې وسله وال طالبان وژل شوي او پنځه نور ټپيان دي. د دراني په وینا، په دغه نښته کې د ملي اردو ځواګونو ته تلفات نه دي رسېدلي.  وسله والو طالبانو تر اوسه په دې اړه څه نه دي ویلي.

چارواکي وايي تېره شپه د کندهار په شاه وليکوټ ولسوالۍ کې درې وسله‌وال طالبان وژل شوي او پنځه نور ټپیان شوي دي. د کندهار د امنيه قوماندانۍ ویاند ضیا دراني ازادي راډیو ته وویل چې تېر ماښام د ملي اردو ځواکونو په شاه وليکوټ ولسوالۍ کې وسله‌والو طالبانو ته کمين نيولی و چې پر مهال‌يې درې وسله‌وال طالبان وژل شوي او پنځه نور ټپيان دي. د دراني په وینا، په دغې نښته کې د ملي اردو ځواګونو ته تلفات نه‌دي رسېدلي.  وسله‌والو طالبانو تر اوسه په دې اړه څه نه‌دي ویلي.

د کونړ په ماڼوګي ولسوالۍ کې د وسله والو طالبانو په برید کې ۴ پولیس وژل شوي او دوه ټپیان دي. د کونړ د امنیې قوماندانۍ ویاند فرید الله دهقان د چهارشنبې په سهار ازادي راډیو ته وویل چې تېره شپه وسله والو طالبانو په ماڼوګي ولسوالۍ کې د ملي پولیسو په درېیم نمبر پوسته ډله ییز برید کړی چې پکې ۴ پولیس وژل شوي او دوه ټپیان دي. دهقان وايي، ټپیان روغتون ته رسول شوي او ډاکټرانو يې روغتیايي حالت د ډاډ وړ ښودلی دی. د پولیسو ویاند وايي، کېدای شي وسله والو برید کوونکو ته هم مرګ ژوبله اوښتې وي، خو له دوی سره يې تراوسه د شمېر په اړه معلومات نشته. Читать дальше...

افغان هوايي ځواک د لومړي ځل لپاره د لیزر په واسطه رهبري شوی بم د دولت پر وسله‎والو مخالفینو استعمال کړی. ناټو پرون په یوې اعلامیه کې وویل چې د افغان هوايي ځواک «اې ۲۹» ډوله جنګي الوتکې د تېرې پنجشنبې په ورځ په فراه ولایت کې د طالبانو پر یوه مرکز دا بم وغورځاوه. ناټو وايي، دا بمونه په دقیق ډول خپل هدف له‎منځه وړي او له‎دې لارې به د هوايي عملیاتو پر مهال د ملکیانو د مرګ‎ژوبلې مخه ونیول شي. سټارز اېنډ سټرایپس امریکايي پوځي ورځپاڼې ویلي دي چې افغان هوايي ځواک ته د دې بمونو د کارولو روزنه ورکول... Читать дальше...