په کوټه کې پر مظاهره ناست اهل تشيع هزاره وګړو ته د شپې د پاکستان کورنيوو چارو وفاقي وزير، احسن اقبال ورغلی وو. هغه کوښښ وکړ چې مظاهره ختمه شي خو دوی ورته وويل تر هغې پورې کورونو ته نه ځي تر څو چې ورته پوځ د امنيت ډاډ نه وي ورکړی.
نیویارک ټایمز خبر ورکوي چې د امریکا ځانګړي مفتش رابرټ مولر چې د امریکا د ۲۰۱۶ کال د ولسمشرۍ په انتخاباتو کې د روسیې د مداخلې او د ټرمپ له خوا د عدالت د مخنیوي د احتمال په اړه څېړنه کوي، د پوښتنو یو لېست د امریکا د ولسمشر ټرمپ وکیلانو ته سپارلی دی. دغې ورځپاڼې نن سې شنبه وویل، په دغه لېست کې چې یوه کاپي یې ترلاسه کړې، بېلابېلې پوښتنې لکه یوکال مخکې د FBI یا د پولیسو د فدرالي ادارې له ریاسته د جیمز کومي د لېرې کولو لپاره د ټرمپ انګېزه څه وه، یا د ټرمپ انتخاباتي کمپاین له روسانو سره څّه ډول اړیکې ټینګې کړې وې، شوې دي. Читать дальше...
په هرات ولایت کې د کورنیو تولیداتو نندارتون پرانیستل شو. د افغانستان د سوداګرۍ او صنایعو خونې وزارت ویاند مسافر قوقندي نن ازادي راډيو ته وویل دغه نندارتون د افغانستان کورنیو تولیداتو ته د بازار موندنې په هدف جوړ شوی. ښاغلی قوقندي زیاتوي دغه نندارتون چې پنځه ورځې به دوام وکړي د هرات ولایت ۵۲ قلمه تولیدات په ۱۳۰ غرفو کې نندارې ته اېښودل شوي دي. مسافر قوقندي وايي دغه نندراتون ته هر ورځ د کابل او یوشمېر ولایتونو په ګډون بېلابېل خلک راځي او له کورنیو توکو لیدنه کوي. د سوداګرۍ او صنایعو وزارت د... Читать дальше...
د پکتیا ولایت د کرنې او مالدارۍ رئیس وايي، ډېر ژر به په دغه ولایت کې د چرکانو د وړو فارمونو پرژوې پلې او په کار به پیل وکړي. ولید احمد تسل نن ازاډي راډیو ته وویل ټاکل شوې دغه پروژې په روان کال کې په شواک او پټان ولسوالیو کې پلې شي چې له مخې به یې هرې کورنۍ ته له دانې سر بېره شا اوخوا ۱۰۰ د هګیو چرګې وویشل شي. ښاغلی تسل زیاتوي دغه کار او بار به د بېوزله کورنیو پر اقتصاد ښه اغېز ولري او د دوی اقتصاد به پیاوړی کړي. د پکتیا د کرنې او مالدارۍ ریاست وايي چې یادو کورنیو ته به د چرګانو ساتنې او روزنې او د واکسین په برخه کې هم زده کړې ورکړل شي.
د ارمنستان د پراخو مظاهرو مشر نیکول پاشینیان پرمظاهره کوونکو غږ کړی چې بېرته واټونو ته راووځي او په پارلمان کې د د صدراعظم پرټاکنې څارنه وکړي. هغه خبرداری ورکړی چې واکمن ګوند ښایي د دغه بهیر د بې لارې کېدو هڅه وکړي. پاشینیان چې د صدرات لپاره یواځنی کاندید دی، په هغه وینا کې چې نن سې شنبه په ژوندۍ بڼه خپرېده، د پخواني ولسمشر سیرژسرکیسیان واکمن جمهوري غوښتونکی HHK ګوند تورن کړ چې هڅه کوي د پارلمان هغه ځانګړې غونډه ګډوډه کړي چې له صدارته د هغه له استعفا وروسته رابلل شوې وه. ۴۲ کلن پاشینیان په... Читать дальше...
د افغانستان لپاره د امریکا د بیارغونې سرپلټونکې اداره سیګار وایي، طالبانو او نورو سخت دریځو ډلو په افغانستان پرګڼ مېشتو سیمو د کنټرول ساحه پراخه کړې او د افغان امنیتي ځواکونو ځواک ډېر کم شوی دی. سیګار ویلي، د روان کال د جنورۍ تر۳۱ مې، د یوه کال په موده کې د افغان امنیتي ځواکونو شمېر په سلو کې لس کم شوی او اوس یې شمېر۲۹۶ زره او ۴۰۹ تنو ته رسېږي. د سیګار د راپور له مخې، وسله والو طالبانو او د اسلامي دولت ډلې په وروستیو میاشتو کې پر افغان امنیتي ځواکونو حملو ته زور ورکړی چې اوس د افغانستان د ۴۰۷ ولسوالیو په سلو کې څوارلس نیمو کنټرول لري. Читать дальше...
نن د سې شنبې په ورځ په خوست کې د بي بي سي راډیو د وژل شوي خبریال احمدشاه جنازه په خپله...
د برازیل مارسیو میزایل پر ریوډي جنېرو ساحل د رېګ یوه کلا جوړه کړې او هلته اوسېږي. نوموړی وايي د بیلونو له ورکولو او سخت ژوند نه د ځان ساتنې لپاره ساده ژوند ته لومړیتوب ورکوي. د انیسه اجمل دا ویډیويي راپور وګورئ
د ترکیې او ازبکستان ولسمشرانو د درې میلیاردو ډالرو په ارزښت، څو تړونونه لاسلیک کړل. د ترکیې ولسمشر رجب طیب اردوغان او ازبکستاني سیال یې شوکت میرضیايیف پرون په تاشکند کې وویل چې غواړي د خپلو هېوادونو ترمنځ د تېرو کلونو کړکېچ لېرې او په خپلو کې اقتصادي او کلتوري اړیکې پیاوړې کړي. اردوغان وویل، د ترکیې او ازبکستان اړیکې ستراتیژیک پړاو ته رسېدلې دي. د ازبکستان ولسمشر شوکت میرضیاییف هم وویل چې تاشکند ته د اردوغان درې ورځنی سفر د دواړو هېوادو په اړیکو کې، نوې پاڼه پرانیسته. میرضیايیف په ۲۰۱۶ کال... Читать дальше...
اروپايي ټولنې هغه اسناد بې اعتباره بللي دي چې د اسرائیلو صدراعظم بنیامین نتانیاهو د اټمي وسلو د جوړولو لپاره د ایران د هڅو د یوه ثبوت په توګه وړاندې کړي دي. خو امریکا یې هرکلی کړی او دا یې د ایران د دروغو د ثبوت لپاره اسناد بللي دي. د امریکا د بهرنیو چارو وزیر مایک پومپیو د منځني ختیځ او اروپا له سفر څخه واشنګټن ته د ستنېدو پرمهال پرون دوشنبه ناوخته وویل، دا اسناد ښيي چې ایران د څو کلونو لپاره د اټمي وسلو د جوړولو پټ پروګرام درلود، خو انکار یې کاوه. پومپیو زیاته کړه چې د دې معنا دا ده چې له... Читать дальше...
د ازادي راډیو د خبریال سباوون کاکړ جنازه په کابل کې خاورو ته وسپارل شوه. د کابل د پروني برید د دوو نورو قربانیانو د ازادي ...
د امریکا د بهرنیو چارو وزارت په کابل کې پر خبریالانو برید غندلی او د افغان حکومت پر وسله والو مخالفینو یې تور لګولی چې غواړي د ډیموکراسۍ پر بنسټونو د حملې په وسیله د افغانستان را روان انتخابات وګواښي. مایک پومپئو پر ټویټر په یوه پیغام کې د کابل پرونۍ حمله چې د نهو خبریالانو په ګډون ټول ۲۹ ملکي وګړي په کې ووژل شول یو وحشیانه عمل بللی دی. د ازادې اروپا- ازادي راډیو عمومي رئیس توماس کینټ هم د کابل په حمله کې د ازادي راډیو د درېیو خبریالانو او نورو ژورنالېستانو پر مړینه ژوره خواشیني څرګنده کړې ده. Читать дальше...
د پیسو په تاریخ ارزښت او ډولونو خبرې کوو، په پیل کې پهدې ځان خبروو چې پیسې څه وخت پیدا شوې؟ او زموږ په ژوند کې څه اهمیت لري؟
د افغانستان په ختیځ کې د یوې چاودنې په نتیجه کې یو امریکایي سرتېری ووژل شو. د امریکا د پوځ د اعلامیې له مخې د دغه هېواد یو بل سرتېری چې په یوه چاودنه کې ټپي شوی وو، د بګرام روغتون ته انتقال شو او حالت یې د ډاډ وړ دی. په اعلامیه کې په ځانګړي ډول د چاودنې د څرنګوالي او د پېښې د ځای په اړه څه نهدي ویل شوي. د امریکا پوځ دا تأییدوي چې د افغانستان په ختیځ کې د عملیاتو په نتیجه کې یو شمېر افغان امنیتي ځواکونو ته مرګ ژوبله اوښتې ده.
د لغمان چارواکي وایي، په علیشنګ درې کې د روانو عملیاتو په ترڅ کې شاوخوا ۳۵ لوی او کوچني کلي د وسلهوالو مخالفینو له ګواښه پاک شوي دي. د لغمان والي محمد اصف ننګ د عملیاتو په سیمه کې خبریالانو ته د وینا پرمهال د ملکي وګړو د خوندیتوب په اړه ډاډ ورکړ او ویې ویل چې پهدې عملیاتو کې د راتلونکو پارلماني او ولسوالیو شوراګانو د انتخاباتو لپاره شاوخوا ۲۰ مرکزونه هم چې تر سخت امنیتي ګواښ لاندې وو، خوندي شول. دی وايي: "د علیشنګ اکثریت ساحې پاکې شوې. له هغو ۴۰ انتخاباتي مرکزونو چې ګواښ یې زیات بلل کېده، تقریباً ۲۰ مرکزونه اوس په امن کې دي. Читать дальше...
کابل چاپ ټولو ورځپاڼو په خپلو نننیو ګڼو کې نن په کابل کې د پرونۍ چاودنې په اړه لیکنې چاپ کړي دي.
بریتانيا مېشتې ګارډين ورځپاڼې په کابل کې د دوشنبې د ورځې غبرګو ځانمرګو حملو ته کتلي دي.
په کابل کې د دوشنبې د سهار د دوو پرلهپسې خونړیو بریدونو وروسته د نړیوالو غبرګونونو په لړ کې د بخښنې نړیوال ...
په پاکستان کې د ژورنالېستانو تنظیم «PFUJ» په کابل کې پر خبریالانو برید غندلی او له افغان ژورنالېستانو سره یې یووالی ښودلی دی.
د کابل په پروني برید کې چې په تېرو ۱۷ کلونو کې یې ساری نه درلود، د بېلابېلو رسنیو نهه تنه خبریالان په ابدي خوب ویده شول.
د ترکیې ولسمشر رجب طیب اردوغان ازبکستان ته د خپل سفر پر مهال وویل چې د مرکزي اسیا له دغه هېواد سره یې اړیکې تر ستراتژیک حده رسیدلي دي. د ازبکستان ولسمشر شوکت میرضیایف هم د اپریل پر ۳۰ مه له ښاغلي اردوغان سره تر لیدو وروسته وویل چې دغه سفر د دواړو هېوادونو تر منځ د اړیکو یوه نوې پاڼه پرانېستله. میرضیایف چې په ۲۰۱۶میلادي کال کې واک ته ورسېد هڅه کوي د سیمې او د هغه ورهاخوا له نورو هېوادونو سره د ازبکستان اوږدمهاله کړکېچنې اړیکې سمي کړي. نوموړي تېره ورځ وویل، له ولسمشر اردوغان سره یې د دواړو هېوادونو... Читать дальше...
ټاکل شوې د ارمنستان پارلمان نن سې شنبه د دغه هېواد د راتلونکي صدراعظم د ټاکلو لپاره رأی واخلي. د وروستیو اعتراضونو مشر نیکول پاشینیان دغه پوست ته یوازیني نوماند اعلان شوی دی. پاشینیان په پلازمېنه ایروان کې خبریالانو ته وویل، که د صدراعظم په توګه وټاکل شي لومړنۍ هڅه به یې د ازادو او ډیموکراتیکو انتخاباتو ترسره کولو ته چمتو والی وي. نوموړي د ارمنستان د پخواني صدراعظم سرژ سرکیسیان پر ضد اعتراضونو مشري کوله چې په نتیجه کې یې سرکیسیان له دندې لېرې شو.
د اسرائیل صدراعظم وایي، هېواد یې د ایران د اټمي پروګرام په تړاو داسې لسګونه زره نسخې لري چې ښیې تهران د اټمي وسلې د ترلاسه کولو هڅه کوي. بنیامین نتانیاهو د دوشنبې په ورځ په یوه خبري غونډه کې په تلابیب کې وویل چې تهران د خپل اټمي پروګرام ارشیف پټ کړی دی او په پام کې لري داسې بم جوړ کړي چې د هېروشیما د بم پنځه برابره ډېر قدرت لري او دغه بم په بالسټیک توغندوی کې د نصب قابلیت لري. نتانیاهو دغه راز له ایران سره د نړۍ شپږو سترو قدرتونو د ۲۰۱۵میلادي کال اټمي تړون د درواغو پر بنسټ ولاړ وباله. د ایران... Читать дальше...
د کونړ ژورنالستانو په کابل کې پر خبریالانو او نورو ملکې وګړو بریدونه وغندل. په دغه پېښه کې د ازادي راډیو د درېیو خبریالانو په ګډون، تر اوسه ۲۹ تنه شهیدان شوي او لسګونه نور ټپیان دي. په کونړ کې د خبریالانو دخوندیتوب ټولنې او همداراز د خبریالانو د دفاع ټولنو له وسله والو ډلو وغوښتل چې باید د خبریالانو ژوند ته پام وکړي او په خبره یې، خبریالان بې وسلې وګړي دي، تل هڅه کوي چې د ولس ستونزې چارواکو ته ورسوي او په جنګ کې د دواړو خواو خبرونه خپاره کړي. دوی وایي، خبریالان بې پلوه او بې پرې دي او په جنګ... Читать дальше...
د فرانسې او ایران ولسمشرانو موافقه کړې چې د نړۍ له قدرتونو سره د ایران د ۲۰۱۵ میلادي کال د اټمي تړون د ساتلو لپاره به ګډ کار کوي.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости