Новости за 05.05.2018

د غزني ولایت سیمه ییز چارواکي وايي، د دغه ولایت په مرکز او اندړو ولسوالۍ کې د عملیاتو پرمهال ۳۹ وسله وال طالبان او یو افغان سرتېری وژل شوي او ۱۸ وسله وال طالبان او یو افغان سرتېری ټپیان شوي دي. د والي ویاند محمد عارف نوري نن شنبه ازادي راډيو ته وویل چې افغان ګډو ځواکونو دغه هوايي او ځمکني عملیات له هغه وروسته د وسله والو طالبانو د ځپلو په هدف ترسره کړل کله چې وسله والو طالبانو د غزني او پکتیکا د لويې لارې د تړلو هڅه کوله اوپه یاده لاره کې یې جرونه وهل او په خبره یې چې وروسته بیا د یادې لارې په... Читать дальше...

د افغانستان د بهرنیو چارو وزارت سیاسي مرستیال، حکمت خلیل کرزي د تاجکستان له ولسمشر، امام علي رحمان سره په کتنه کې د دواړو هېوادونو د امنیتي همکاریو د پراختیا غوښتنه کړې ده. د بهرنیو چارو وزارت خبرپاڼه کې چې پرون جمعه خپره شوه، ویل شوي چې حکمت خلیل کرزي له ولسمشر رحمانه غوښتنه کړې چې د اقتصادي، تجارتي او سیاسي اړیکو د پراختیا لپاره او همدا راز دامنیت په برخه کې له افغانستان سره همکاري زیاته کړي. د افغانستان دبهرنیو چارو وزارت سیاسي مرستیال له تروریزم او افراطي ډلو سره د مبارزې په اړه په نړیوال کنفرانس کې د ګډون لپاره تاجکسان ته تللی دی. Читать дальше...

د افغانستان دفاع وزارت د بدخشان د کوهستان ولسوالۍ د بېرته نیولو لپاره تیاري نیسي. د بدخشان کوهستان ولسوالي پرون سهار تر تقریباً، څلوروېشت ساعته شدیدې جګړې وروسته وسله والو طالبانو ونیوله. د دفاع وزارت مرستیال ویاند، محمد رادمنش بېګا ازادي راډیو ته وویل: "موږ تیاري نیولې، د افغانستان دفاعي ځواکونه زموږ د خاورې له بشپړتیا او ملي حاکمیته دفاع کوي او تیاري لري چې دهشت اچوونکي له ټولو سیمو چې خلکو ته ګواښ پېښوي وباسي، خصوصاً، د بدخشان د کوهستان ولسوالي له هغوی پاکه کړي." د چارواکو په وینا، په... Читать дальше...

د بریتانیې حکومت اعلان کړی چې څلورسوه افغانان به چې په وروستیو دیارلس کلونو کې یې په افغانستان کې له مېشتو بریتانوي عسکرو سره ترجمانياو همکاري کړې، په بریتانیې کې د مالیې له ورکولو پرته، ژوند کوي.  د بریتانیې د کورنیو چارو نوي وزیر، ساجد جاوید پرون جمعه دا خبر اعلان کړ. د بریتانیې د کورنیو چارو مخکنی وزیر، امبر رود چې په بریتانیه کې مېشتو کاریبیني مهاجرو ته یې د وتلو ګواښ کړی و، له دندې استعفې ته مجبور شو.  خو د بریتانیې د کورنیو چارو نوي وزیر چې د دوشنبې په ورځ یې کار پېل کړ، ژمنه کړې چې بریتانیې ته د مهاجرت عادلانه سیسټم به جوړ کړي. Читать дальше...

په ارمنستان کې د اپوزېسیون مشر، نیکول پاشینیان د روسیې، امریکا، ګرجستان او اروپايي اتحادیې له سفیرانو سره وکتل او هغوی ته یې خبر ورکړ چې د خپل هېواد د سیاسي بحران پر حل کار کوي. پاشینیان پر فېسبوک ولیکل چې بهرنیو سفیرانو ته یې د هغې موافقې په اړه معلومات ورکړي چې د ارمنستان د کورني بحران د حل لپاره یې کړې ده. پاشینیان لیکلي چې د روسیې، امریکا، اروپايي اتحاديې او ګرجستان له سفیرانو سره پر هغو مسئلو چې له دوه اړخیزو اړیکو سره تړلې دي، ږغېدلی او ژمنه یې کړې چې په ارمنستان کې د بهرنیو هېوادونو له سفیرانو سره کتنې او خبرې به جاري وساتي. Читать дальше...

د اوکرایني ملت پالو یوې ډلې، یو برازیلی وګړی نیولی چې په ختیځ اوکراین کې یې د روسیې د پلویانو بېلتون غوښتونکو په ملاتړ په جګړه کې برخه اخیستې وه. نیول شوي برازیلي وګړي چې په ډسمبر میاشت کې له زندانه خوشې شوی و، په پټه، د کییف ښار په یوه عبادت ځای «صومعه» کې ژوند کاوه. هغه دري دېرش کلن دی او رافایل لوسوارګي نومېږي. اوکرایني ملت پالو هغه تر نیولو وروسته د اوکراین د امنیت ادارې ته سپارلی دی. دا وګړی په اوکراین کې چارواکو په ترورېزم تورن کړی و خو په زندان کې تر څوارلس میاشتو تېرولو وروسته، خوشې شوی و.

د امریکا د متحده ایالاتو ولسمشر ډونالد ټرمپ وايي چې د شمالي کوریا له مشر، کیم جونګ اون سره د هغه د تاریخي کتنې دقیق وخت او ځای ټاکل شوی دی. ټرمپ د نورو معلوماتو له ورکولو ډډه وکړه. د امریکا د متحدو ایالاتو ولسمشر پرون جمعه مخکې تردې چې تکزاز ته ولاړشي، په سپینه ماڼۍ کې خبریالانو ته وویل: "موږ له شمالي کوریا سره په دوامدار ډول په تماس کې یو، په حقیقت کې، موږ یوه نېټه او یوځای هم ټاکلی چې په نېږدې وخت کې به اعلان شي." ټرمپ مخکې اشاره کړې وه چې دواړه رهبران به د دواړو کوریا ګانو ترمنځ په حایل سیمه کې سره ګوري. Читать дальше...

نیوزویک مجلې په افغانستان کې د امریکايي ځواکونو له عمومي قوماندان جنرال جان نېکلسن سره د ازادي راډیو ...

کابل چاپ ورځپاڼو په خپلو نننیو ګڼو کې په افغانستان کې د برېښنايي تذکرو د وېش د پیل او په تړاو یې د اختلافونو په اړه یو...

د تاجکستان په پلازمېنه دوشنبه کې، پرون جمعه له ترورېزم او افراطيت سره د مبارزې به اړه په نړیوال کنفرانس کې د ټولې...

د فلسطینیانو د خود مختاره ادارې مشر، محمود عباس پرون جمعه د یهودانو په اړه د خپلو وروستیو څرګندونو له امله، له اسرائیله معذرت وغوښت...

د پاکستان د بلوچستان صوبې په خاران سیمه کې چارواکي وايي چې نامعلوو وسله و الو په دغه سیمه کې...