Новости за 05.12.2018

د بامیان ولایت په پنجاب ولسوالۍ کې زرګونه کسان د بروسلوز له ناروغۍ څخه کړېږي. د دغې ولسوالۍ د عامې روغتیا امر امین‌الله ازادي راډیو ته وویل چې تر ډېره ښځې او ماشومان په‌دغې ناروغۍ له کلونو راهیسې اخته دي او زیاتوي چې دا ناروغۍ د پراخېدو په حال کې ده. نوموړي وویل: "د دې ناروغۍ له تشخيصه شاوخوا لس کاله تېر شوي. موږ په پرله‌پسې ډول روغتیایي ادارو ته خپل راپور وړاندې کړی دی، خو کوم جدي اقدام نه‌دی شوی. له دوو تر درېیو زرو پورې کسان په څو کلیو کې په بروسلوز ناروغۍ اخته دي. زموږ شته امکانات د دې... Читать дальше...

د روسیې د بهرنیو چارو وزارت وایي، له واشنګټن څخه یې رسمي یاداښت ترلاسه کړی چې ښیې امریکا نیت لري د سړې جګړې د وخت د اټمي وسلې له تړونه ووځي که مسکو پر دغه تړون ژمن پاتې نه‌شي. د روسیې د بهرنیو چارو وزارت ویاندې ماریا زاخارووا نن په مسکو کې خبریالانو ته وویل چې په‌دغه یاداښت کې داسې ناڅرګندو شواهدو ته اشاره کړې چې ادعا کوي روسیې د ۱۹۸۷میلادي کال دغه تړون نقض کړی دی. ماریا زاخارووا وویل، روسیې تل دغه تړون ته درناوی کړی دی او هغه یې د ستراتیژیک ثبات او د نړۍ د امنیت لپاره یو عمده ستون ګڼلی دی. ... Читать дальше...

په کونړ کې دیني عالمان او قومي مشران وايي، د ابادۍ او بیارغونې پروژو امنیت نیسي او هېڅ‌چاته اجازه نه ورکوي چې په ولایت کې د رغونې چارو په وړاندې خنډونه پیدا کړي.

د ارزګان ولایت امنیتي چارواکي وایې، د دغه ولایت په خاص ارزګان او چارچینو ولسوالیو کې د هوایي بریدونو پر مهال ۱۷ طالبان وژل شوي او ۱۰ نور ټپیان دي. په دغه ولایت کې مېشت د ملي اردو د ۲۰۵ اتل قول اردو د څلورمې پلې لوا ویاند جګړن خان جان نصرتي نن جهارشنبه ازادي راډيو ته وویل، دغه هوایي بریدونه د خاص ارزګان او چارچینو ولسوالیو په یو شمېر طالب مېشتو سیمو کې د افغان هوایي ځواکونو له‌خوا شوي دي. نصرتي وایي، په‌دې بریدونو کې د وسله‌والو مخالفینو وسلې او مهمات هم له‌منځه تللي دي. وسله‌والو طالبانو تر دې مهاله په‌دې اړه څه نه‌دي ویلي.

په امریکا کې څلور هغه کسان په دې تورن کړل شول چې د پاناما د یو حقوقي فرم سره تړاو لري او پاناما پېپرز په نوم د هغه اقتصادي مالوماتو د خپرولو تر شاه لاس لري چې د امریکایي ټکسونو نه د ځان بچ ساتلو نړیوال سکیم یې هم په ډاګه کړ.

په ننګرهار کې د جاپان پي ايم ایس موسسې د پنځوس ميلیونو افغانيو په ارزښت د پینځو پروژو د پیلېدو قرارداد د ننګرهار له چارواکو سره لاسلیک کړ.

دا پوښتنې د مشال تر رڼا لاندې بحث کې په لندن کې مېشت خبريال سميع يوسفزي او په اسلام اباد کې د پاکستان د پوځ پخوانی افسر برېګېډيير سيد نذير سره څېړل شوې دي.

د افغانستان ولسي جرګه بې ځایه شوېو او اړو خلکو ته په شفاف ډول د مرستو رسولو په برخه کې د يوې ځانګړې پالیسۍ پر جوړولو ټینګار کوي.

د خېبر پښتونخوا پولیسو افسر اېس پي طاهرداوړ د اکتوبر په شپږویشتمه نېټه له اسلام اباده نامالومه کسانو تښتوولی وو چې مړی يې د نومبر په دیارلسمه د ننګرهار ولایت په مومند درې ولسوالۍ کې وموندل شو

په پکتیکا ولایت کې د ۱۵۳ ښوونځیو لپاره د کلیو پراختیا وزارت د اقراء برنامې په چوکاټ کې د ودانیو د جوړولو پروګرام پیل شو.

د کابل ښار یوشمېر اوسېدونکي په افغانستان کې د سولې او امنیت په اړه خپل نظرونه داسې بیانوي. ویډیو ابراهیم صافي.

د کابل ښار یو شمېر او سېدونکي په افغانستان کې د سولې او امنیت د ټنګښت په اړه بیلا بیل نظرونه لري. د ازادي راډیو خبریال ابراهیم صافي په همدې موضوع له یو شمېر کابل ښاریانو سره خبرې کړي دي.

امریکايي جنرال کینیټ مکېنزي ویلي، که د افغانستان د ملي امنیتي ځواکونو د استخدام او روزنې په تړاو د ستونزو د حل لپاره بېړنی اقدام ونه‌شي، د افغانستان د هغوی د تلفاتو شمېر له ادارې وزي.

د افغانستان د کورنیو چارو وزارت وايي، حقیقت موندونکي پلاوي ته سپارښتنه شوې چې د فوټبال د فدراسیون د جنسي ناوړه کړنو د تورنو په اړه، ژر تر ژره ارزونې وکړي.

د پاکستان صدراعظم عمران خان وايي، په افغانستان کې سوله د پاکستان په ګټه ده، خو راپورونه وايي، نوموړي ...

په پاکستان کې د افغانستان پخوانی سفير ډاکټر حضرت عمر زاخېلوال وايي چې د سولې پروسې ته بايد يوازې د ملي ګټو او د سولې د اهدافو په چوکاټ کې وکتل شي. نوموړي د ډيسمبر پر پنځمه د مشال راډيو له خبريال احمد شاه اعظمي سره د مرکې پر مهال وويل چې د سولې د پروسې ارزونه بايد د نتيجې پر اساس وشي.

امریکا وايي، که روس په دوو میاشتو کې دننه تر سړې جګړې لاندې اټومي تړون پليکېدو ته ستون نه شي نو دوی به له خپلې ژمنې پرشا شي.

د افغانستان د انتخاباتو خپلواک کمېسیون وايي، ټاکل شوې چې نن هم د یو شمېر ولایتونو د انتخاباتو لومړني پایلې اعلان شي.

د هلمند ولایت په مرکز لښکرګاه ښار کې د کالدارو پر ضد لاریون ترسره شو.

د افغانستان د لوړو زده‌کړو وزارت وایي، په راتلونکي تحصیلي کال کې به لوړو زده‌کړو ته د محصلینو جذب لس سلنه زیات شي.

د خوست چارواکو له رضاء کارانو غوښتنه وکړه چې د نورو ټولنیزو فعالیتونو ترڅنګ دې، په ټولنه کې د ځینو ناسمو دودونو او نشه‌يي...

د کونړ ولایت چارواکي وايي، روان کال بڼ‌والو د مالټو، نارنجو او لیمو له باغونو سل میلیونه افغانۍ عایدات کړي دي. د کونړ د کرنې او مالدارۍ چارو رئیس انعام الله ساپي ازادي راډیو ته دا اندازه عایدات په څه باندې دوه زره جریبه ځمکه د ابادو باغونو څخه راټول شوي چې تمه ده کال ته لا پسې پراخ شي. په کونړ کې د دغې مېوې د عایداتو د زیاتېدو علت دا ښودل شوی چې د نورې میوې په پرتله لږې خرابېږي او سړو خونو ته هم ډېر ضرورت نه‎لري.

د کونړ ولایت چارواکي وايي، روان کال بڼ‌والو د مالټو، نارنجو او لیمو له باغونو سل میلیونه افغانۍ عایدات کړي دي. د کونړ د کرنې او مالدارۍ چارو رئیس انعام الله ساپي ازادي راډیو ته دا اندازه عایدات په څه باندې دوه زره جریبه ځمکه د ابادو باغونو څخه راټول شوي چې تمه ده کال ته لا پسې پراخ شي. په کونړ کې د دغې مېوې د عایداتو د زیاتېدو علت دا ښودل شوی چې د نورې میوې په پرتله لږې خرابېږي او سړو خونو ته هم ډېر ضرورت نه‎لري.

د هرات امنیتي چارواکي وايي، په پښتون زرغون ولسوالۍ کې د وسله‎والو طالبانو په برید کې درې ملکیان او یو سیمه‎ییز پولیس وژل شوي. د هرات د امنیه قوماندانۍ ویاند عبدالاحد ولي‎زاده نن سهار ازادي راډيو ته وویل چې وسله‎والو طالبانو پرون شپه په پښتون زرغون کې د محلي پولیسو په یوې پوستې برید وکړ او دا تلفات یې واړول. ولي‎زاده وايي چې د پولیسو په مقاومت کې هم څلور طالب وسله‎وال وژل شوي. یوې امنیتي سرچینې بیا ویلي چې څلور سیمه‎ییز پولیس په‎دې نښته کې چې د شپې له اتو تر دوو بجو یې دوام وکړ وژل شوي او اووه تنه نور یې د طالبانو له‎خوا یرغمل شوي.

په ننګرهار کې د انعکاس په نوم د یوې خصوصي راډيو موسس له پرون ماښام راهیسې ناپيژاندو وسله‌والو تښتولی دی. د رپوټونو په اساس د انجنیر زلمي موټر چلوونکی وسله‌والو په ډزو وژلی او خپله دی یې له ځانه سره بیولی. د اجرائیه ریاست مرستیال ویاند فریدون خوځون لیکلي چې د ننګرهار امنیتي او سیمه‌ییز چارواکي د دې پېښې جدي پلټنه او د انعکاس راډیو د بنسټګر انجنیر زلمي د موندلو او راخوشې کولو هڅه کوي. ده دا هم لیکلي چې په رسنیو او د رسنیو په کارکوونکو برید د بیان پر ازادۍ برید دی او هېڅ د توجیه وړ نه‎دی.